2 Kor 13:11 - JAM DE NHIALIC 2011

¹¹ Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

2 Kor 13:11 ပူးပေါင်းရင်းမြစ်များ

Cäk 37:4

Na ɣɔn, aa tïŋ ë mïthëkɔcken en luɔi nhiɛɛr ë wuönden Jothep awär keek, ke ke man Jothep guöp. Ku cïkï ee bɛ lëëŋ në yen.

Cäk 45:24

Ku tɔ mïthëkɔcken jël. Na wën, aa jëlkï, ke lëk ë Jothep keek an, “Duökï lɔ gɔ̈th kueer.”

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Math 5:48

Yak aa kɔc cï piɔ̈ɔ̈th dikëdik, acït man ë wuöörduön nu paannhial, cï piɔ̈u dikëdik.

Mak 10:49

Na wën, ke kääc en Yecu, ku lëk kɔc an, “Calkï.” Gokï cɔɔl, ku yöökkï an, “Rit yïpiɔ̈u, jɔt rɔt, acï yï cɔɔl.”

Mak 9:50

“Amilɔ yen apiɛth: ku na cï amilɔ guɔ liɛɛr ë thuat, bäk tɔ wac ë ŋö? Yak dɛ amilɔ ë weyiic, ku yak rëër ëdïu wapäc.”

Luk 9:61

Ku lueel, raan däŋ aya an, “Bɛ̈nydït, yïn bä kuany cök, ku päl ɛn ë ya kɔn lɔ la kɔc nu paanda tɔ̈ɔ̈ŋ.”

Jɔn 17:23

yɛn ë keyiic, ku yïn ë yayic, ke ke bï dikëdik abïk aa tök, ago kɔc ke piny nɔm e ŋic nɔn ee yïn ë toc ɛn, ku nɔn cï yïn keek nhiaar, acït man nhiɛɛr yïn ɛn.

Luɔi 15:29

an, bäk cäm ë rïŋ cï gam yiëth pɔ̈l, ku riɛm, ku ka cï dec, ku dhööm, të cä wek kakë pɔ̈l, ka we ye këpiɛth looi. Niɛnkï apiɛth.

Luɔi 18:21

Go keek tɔ̈ɔ̈ŋ, ku lueel an, Dhuëëŋ abɔ̈ ënɔɔnë abä dhil lɔ looi Jeruthalem, ku yɛn bï a nɔm dɔ̈k week tei, të cï Nhialic e lueel. Go jäl ë Epetho ke cath ë abël.

Luɔi 23:30

Ku acï lɛ̈k ɛn nɔn buuthë Judai yen, aguɔ dap tɔ yïnë yïn, ku cä kɔc gɔɔny en yɔ̈ɔ̈k aya an, bïk këdɛn ë gɔɔny kek en lueel ë yïnɔm. Yïn bï nin apiɛth.”

Romai 12:16

Takï piɔ̈ndun e tök. Duökï wepiɔ̈ɔ̈th ë tuöm ka ke bäny, yak rëër apiɛth në kɔc cïn naamden. Duökï röt ë leec an, pɛlkï nïïm.

Romai 12:18

Të lɛ̈u wek rëër ëmääth në kɔc kedhie, ke we them rëër bä wek rëër.

Romai 14:19

Yen ee wok ka ke mät cop ayï ka ke kuɛ̈t bï wok kueet.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 15:33

Nhialic de mät, ë tɔ̈u ke week wedhie. Amiin.

Romai 16:20

Ku Nhialic de mät abï Catan dap tɔ dum ë wecök piny. Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke week. Amiin.

1 Kor 1:10

Ku ënɔɔnë, wek läŋ, wek mïthëkɔckuɔ, në rin ke Bɛ̈nydan Yecu Kërtho, an, Yak jam tök lueel wedhie, ku ë cïn tëŋ tɛk wek weyiic, ke we bï weyiic mat ëtök ë piɔ̈n tök ku në löŋ tök, löŋ luɛlkï.

2 Kor 1:4

Raan ë wo muk piɔ̈ɔ̈th në ka dhal wook ëbɛ̈n, luɔi bï wo kɔc ŋiëc muk piɔ̈ɔ̈th kɔc cïï këdäŋ dhal, në muŋ cï wo muk piɔ̈ɔ̈th në Nhialic wogup.

2 Kor 13:14

Dhuëëŋ de Bɛ̈nydan Yecu Kërtho piɔ̈u, ku nhiëër ë Nhialic, ku määth de Wëidït ɣer, ë ye tɔ̈u kekë week wedhie. Amiin.

2 Kor 13:9

Wok ë piɔ̈ɔ̈th miɛt, të ee wok kɔ̈c, ku cöök ee wok lɔ̈ŋ aya, ee luɔi bä wek piɔ̈ɔ̈th dikëdik.

Epethiei 4:12

Aa looi në luɔi bï kɔc ɣerpiɔ̈ɔ̈th a dikëdik, ku në luɔi de kuny ee kɔc röt kony, ku në kuɛ̈t bï guöp de Kërtho kueet.

Epethiei 4:3

Yak cök ë thɛm wek e apiɛth ke we bï piɔ̈n töŋ de Wëidït aa muk në duöt cï we duut ë mätic.

Epethiei 6:23

Ë mät tɔ̈u ke mïthëkɔckuɔ, ayï nhiëër kekë gäm, në ke bɔ̈ tëde Nhialic Wääda kekë Bɛ̈nydït Yecu Kërtho.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Pilipoi 3:16

ku ënɔɔnë, të cï wo guɔ ɣet thïn, jɔku cath ë kueer töŋë, ku luelku jam töŋë.

Pilipoi 4:2

Yɛn lëk Yuodia, ku lɛ̈k Thuntuke an, Yak jam töŋë lueel ë Bɛ̈nydïtic.

Pilipoi 4:4

Yak piɔ̈ɔ̈th miɛt ë Bɛ̈nydïtic ë aköölnyïïn kedhie: abä nyɔkic an, Yak piɔ̈ɔ̈th miɛt!

Pilipoi 4:9

Ku ka cäk ŋic ku ka cäk yök ku ka cäk piŋ ku ka cäk tïŋ tëde yɛn, kek luɔikï: ku Nhialic de mät abï tɔ̈u ke week.

1 Theth 3:10

Wok ee cool ë lɔ̈ŋ aläl wɛ̈ɛ̈rwakɔ̈u ku aköl, ke we buk tïŋ nyïïn, agoku ka dak week ë gämdun looi abïk dikëdik.

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

1 Theth 4:18

Yen ya wek wepiɔ̈ɔ̈th muk wapäc në wëlkë.

1 Theth 5:13

Aguɔkï ke aa riëëu aläldïïtë ku nhiaarkï keek në biäk de luɔiden. Ku yak ŋiëc rëër ë röt apiɛth.

1 Theth 5:16

Yak piɔ̈ɔ̈th miɛt anandun,

1 Theth 5:23

Ku ënɔɔnë, Nhialic de mät, Yen guöp, ee we tɔ ɣerpiɔ̈ɔ̈th ëliŋliŋ, ku wëikun ëbɛ̈n ku piɔ̈ndun ku guöpdun ë ye ke muk acïn këliu, ku bï ciën kë duëërë ke gɔ̈k aɣet bɛ̈n bï Bɛ̈nydan Yecu Kërtho bɛ̈n.

2 Theth 2:16

Ku ënɔɔnë, Bɛ̈nydan Yecu Kërtho guöp, ku Nhialic Wääda, Raan cï wo nhiaar, Raan cï wo gäm muŋdepiɔ̈u bï ɣet athɛɛr, ku gɛm aŋäth piɛth në dhuëëŋ de yenpiɔ̈u,

2 Theth 3:1

Cöök ciëën, wek mïthëkɔckuɔ, Yak lɔ̈ŋ në biäkda ke jam de Bɛ̈nydït ke bï cath ë kueerde, ku lec, acït man leecë ye ë weyiic aya.

2 Theth 3:16

Ku ënɔɔnë, Bɛ̈nydïït de mät, yenguöp, ë ye week gäm mät anandun në käŋ yiic kedhie. Ë Bɛ̈nydït ë ye tɔ̈u ke week wedhie.

2Tim 2:22

Ye kat ë karɛc kɔɔr dhuök: ku ye piathëpiɔ̈u cop, ku cop gäm, ku nhiëër, ku mät, në kɔc ëtök kɔc ee Bɛ̈nydït cɔɔl në piɔ̈n awai.

Ɣeberuu 12:14

Yïn wekë kɔc rɛ̈ɛ̈r wek ëtök, yak them në luɔi bä wek aa rëër në rëër ɣeric ku mät. Na kɛ̈nkï wepiɔ̈ɔ̈th tɔ ɣer ke we cïï Bɛ̈nydït bï tïŋ.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Jakop 1:4

Ku takï guömdekäŋ thöl luɔide abï dikëdik, ke we bï dikëdik ku cathkï në këriëëc, ke cïn kë dak week.

1 Pet 3:11

Ë ye rɔt yal ë luɔi de kërac, ku ye këpiɛth jɔ looi, ë ye mät kɔɔr, ku jɔ aa cop.

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.

Nyuuth 22:21

Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke kɔc ɣerpiɔ̈ɔ̈th kedhie. Amiin.