2 Kor 12:9 - JAM DE NHIALIC 2011

⁹ Go lɛ̈k ɛn an, “Dhuëëŋ de yɛnpiɔ̈u ee yï kiët: riɛldiën dït aye tɔ ye dikëdik në kɔ̈c kɔ̈ɔ̈cë raan.” Yen abän rɔt aa leec ke ya mit piɔ̈u aläl në kɔ̈c aa yɛn guöp kɔ̈c, ke riɛldït ë Kërtho bï rëër ë yaguöp.

2 Kor 12:9 ပူးပေါင်းရင်းမြစ်များ

2 Mel 2:15

Go kut ë tït rɛ̈ɛ̈r ë Jeriko ye tïŋ agokï lueel an, “Wëi ke Elija acïk nyuc në Elica guöp.” Gokï lɔ yök në yen, ku gutkï kenïïm piny ë yenɔm,

Diɛt 8:2

acï kiit në mïththii kor, ayï mïththii ateteet. Yïn cï kony ku luäk yïn në kɔc ke aterdu kedhie, yïn ee raan tɔ kääc ëbɛ̈n raan ee tɔŋ yiɛ̈n yïn.

Yith 11:2

Wëi ke Bɛ̈nydït abïk En gäm pɛlënɔm, ku ŋïnydekäŋ ku tëët bï yen kɔcke ŋiëc mac. Abï këde Bɛ̈nydït piɔ̈u ŋic ku abïï riëëu,

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Dhep 3:17

Bɛ̈nydït Nhialicdun atɔ̈u ke week, ku riɛlde ee we gäm tiëm. Abï piɔ̈u miɛt ke week arëët, ku tɔ week lɔ dïu në nhiëërde. Ku abï kit, ku mitpiɔ̈u ke week,

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Luk 21:15

we bä gäm thook pɛlënɔm, ke kɔc de ater në week ke ke cïï bëër bëër kek këdun bï lëu, ayï teer teer kek në week aya.

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.

1 Kor 15:10

Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn.

1 Kor 2:3

Ku yɛn aaye rëër ë weyiic ke ya kɔ̈c, ku riääc, ku lɛthë yɛn arëët.

1 Kor 2:5

ke gämdun cïï rɔt bï ŋɔ̈ɔ̈th në pɛl ë raan nɔm, abï rɔt ŋɔ̈ɔ̈th në riɛldïït ë Nhialic.

2 Kor 11:30

Na de kë bän rɔt dhil leec, ke yɛn bï rɔt leec në kak aa yɛn ke kɔ̈c ë ke.

2 Kor 12:1

Yɛn bï rɔt dhil leec, acakaa yen ë cïï piɛth, ku yɛn bï bɛ̈n të nu jam de tïŋ cän Bɛ̈nydït tïŋ ku nyuuth cï en rɔt nyuöth ɛn.

2 Kor 12:10

Yɛn a ya yɛn ë piɔ̈u miɛt ë kɔ̈c kääc ɛn, ku në lɛ̈ɛ̈t ee ya läät, ku në dak aa yɛn dak ë käŋ, ku në yöŋ ee ya yɔŋ, ku në dhäl ee käŋ a dhal, në biäk de Kërtho: kööl kääc ɛn en aye kööl riɛl ɛn.

2 Kor 12:15

Ku yɛn bï kakï aa riäär piny ke ya mit piɔ̈u, ku ja rɔt riäär piny aya në biäk de wëikun, ciɛk an, dït nhiëër nhiaar ɛn week ke yen aye nhiëërduön nhiaar wek ɛn tɔ koor.

2 Kor 12:5

Në këde raan cït ee kënë, en a bän rɔt leec: ku në këdï guöp yɛn cïï rɔt bï leec, ee kɔ̈c kääc ɛn tei, en a bän rɔt leec.

Epethiei 3:16

aguɔ lɔ̈ŋ, ke bï we gäm riɛl në dït ë dhuëëŋ de yenpiɔ̈u, abäk riɛl ë riɛldït në Wëike ë wepiɔ̈ɔ̈th thïn,

Pilipoi 4:13

Yɛn ee këriëëc lëu ë luɔi ëbɛ̈n në yen, yen raan ë ya gäm riɛl.

Kolothai 1:11

Yak riɛl ë riɛl ëbɛ̈n, në riɛldïït ë dhuëëŋde, bäk käŋ ŋiëc guum ëbɛ̈n, në liɛɛr ë wopiɔ̈ɔ̈th ku në miɛtëpiɔ̈u,

1 Tim 1:14

Ku dhuëëŋ de Bɛ̈nydïïtda piɔ̈u acï rɔt ŋuak abï kït aläl kekë gäm ku nhiëër nu ë Kërtho Yecuyic.

Ɣeberuu 11:34

Keek acïk bɛ̈n poth në manydïït ajaŋjaŋic, ku acïk poth abätɛ̈ɛ̈u ë kɔc ke ater thook. Aake kɔ̈c, ku acïk bɛ̈n riɛl në tɔŋic, ku yen aa tiɛɛm kek kɔc lei.

Ɣeberuu 4:16

Yen dɔm wok aŋäth ku cutku röt të nu Yecu në thööny de Nhialic lɔ̈ɔ̈m, ke wo bï kuɔɔny de kok de piɔ̈u kekë dhuëëŋ de piɔ̈u yök në aköölkë yic.

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.