2 Kor 12:7 - JAM DE NHIALIC 2011

⁷ Ku luɔi cän rɔt tɔ dït ë dït cïï piɛth, në biäk de ka juëc göök cï nyuöth ɛn, yen aa yïkë ya guöp kou kon nu ë rïŋic, ee tuny ë tuucë Catan bï yɛn aa biɔ̈ɔ̈k guöp, ke ya cïï rɔt bï tɔ dït ë dït cïï piɛth.

2 Kor 12:7 ပူးပေါင်းရင်းမြစ်များ

Cäk 32:25

Na wën, aa lɔ raan e tïŋ ke cïï Jakop lëu në wït, ke ŋuany Jakop ɣöi, go yuɔɔm de ɣöi yenɔm cuän bei.

Cäk 32:31

Go Jakop jäl Peniɛl ke akɔ̈l ë bɔ̈ thok, ku ciɛth ke kɔm në këde yeɣöi.

2 Lëk 26:16

Na ɣɔn cï melik Yudhia rɔt yök ke cï riɛl, go rɔt lɛɛc, ku kënë acï yen bɛ̈n tɔ wiɛ̈ɛ̈k ë awäcic. Acï Luaŋdïït de Nhialicde riɔ̈ɔ̈k ago wal ŋïr lɔ nyop ë yïïŋ de nyum ë wal ŋïr nɔm.

2 Lëk 32:31

Ayï ɣɔn bïï tuuc wään bɔ̈ ë Babilon bɛ̈n, bïk kë de gäi cï tuöl pinyden bɛ̈n kɔɔric, go Nhialic Ɣedhekia gäm nɔm riɛl, bï cath ë kueerde, ago täude them.

Jop 2:6

Go Bɛ̈nydït lɛ̈k Catan an, “Yeka, anu ë yïcin, ee wëike kek acï bï jak.

Jop 2:7

Ku ëtɛ̈ɛ̈n, ke Catan ë jɔ bɛ̈n jäl ë Bɛ̈nydït lɔ̈ɔ̈m, ku tɔ Jop toŋ guöp ke tëtöök juëc, acï ye thiɔ̈ɔ̈ŋ guöp ëbɛ̈n, gɔl në cökic piny ale guöt ë yenɔm nhial.

Edhekiɛl 28:24

Go Bɛ̈nydït lueel an, “Acïn jur tök në juöör thiääk ë baai de Yithriɛl bï ke luööi arac, ku bï bɛ ciët kou ku thil ke lui keek bɔ̈t. Ku abïk jɔ ŋic nɔn ee yɛn Bɛ̈nydït Awärjäŋ.”

Danyel 5:20

Ku në luɔi cï yen rɔt lɛɛc, ku riil nɔm ku ye kɔc yɔŋ, acï bɛ̈n nyaai në thööcdɛn ë bääny yic, ku mɛ̈l ë tëdɛn ë dhuëëŋ.

Ɣodh 2:6

“Ku ënɔɔnë, kueerde abä gël në rɔk, ku yiëk kal bï ye gël nɔm.

Kuɛ̈n 33:55

Ku na kɛ̈nkï kɔc ceŋ piny cuɔp wei kek kɔc bï döŋ thïn, abïk aa kɔc de gup akɔ̈ɔ̈k ku abïkï ciët kuɔɔth guut wenyïïn ku we yöth, ku abïk week aa luöi tɔŋ.

Math 26:67

Gokï ŋuööt nyin, ku guutkï ë kecin, ku mɛŋ kɔc kɔ̈k ë kecin,

Math 4:10

Go Yecu yɔ̈ɔ̈k an, “Nyai, Catan, acï gɔ̈ɔ̈r an, ‘Ye Bɛ̈nydït Nhialicdu lam, ku yen ee luööi etök.”’

Luk 13:16

Ku na tiiŋë, nyan ë Abraɣam, nyan cïï Catan mac, dï, ë run kathiëër ku bɛ̈t, cïï duëërë lony ë jonh mɛc en ëkööl ë Thabath?”

1 Kor 4:11

Aɣet cï ënɔɔnë, wok ee cɔk nɔ̈k ayï rou, ku cïnku kɔ̈ɔ̈th lupɔɔ, ku biëkkë wook ë kɔc cïn, wok ee tai, wo cïn nïïm wut,

1 Kor 5:5

ke we bï ee raanë yiɛ̈n Catan le riɔ̈ɔ̈k guöp, ke bï kony wëi ë kööl ë Bɛ̈nydït Yecu.

2 Kor 10:10

Ade kɔc ee ye lueel an, “Kakɛn cï gɔ̈ɔ̈r aciɛthkï në löŋ thiek, ku rilkï, ku täu de yenguöp akɔ̈c, ayï jamde acïn nɔm!”

2 Kor 10:5

ayek lööŋ rac dhuöör piny, ayï këriëëc nu nɔm nhial ëbɛ̈n, kak ee rɔt jɔt ku cakkï ater në ŋïny de Nhialic, ku jɔku kë yok tak ë wopiɔ̈ɔ̈th ëbɛ̈n tɔ ye lïm bï këde Kërtho aa piŋ.

2 Kor 11:20

Të ye raan week lïïm, ayak guum, ayï të ciɛmë raan week, ayï të rumë raan week, ayï të biëëkë raan wenyïïn.

2 Kor 12:1

Yɛn bï rɔt dhil leec, acakaa yen ë cïï piɛth, ku yɛn bï bɛ̈n të nu jam de tïŋ cän Bɛ̈nydït tïŋ ku nyuuth cï en rɔt nyuöth ɛn.

Galatai 4:13

Ku aŋiɛckï nɔn cän wëlpiɛth kɔn guiëër week në kɔ̈c kääc ɛn guöp.

Nyöŋ 17:20

Kënë abï yen pɛ̈n luɔi bï yen tak an, ee yen ee raan piɛth në kɔckɛn ke Yithriɛl yiic, ku pën yen luɔi bï yen lööŋ ke Bɛ̈nydït dhɔ̈ŋ yiic. Ku ëtɛ̈ɛ̈n, abï cieŋ në run juëc, ku mïth ke mïthke abïk ciɛɛŋ de Yithriɛl cieŋ në rɛm juëc.

Nyöŋ 8:14

takkï apiɛth luöi cä wek röt bï leec ku märkï nïïm ë Bɛ̈nydït Nhialicdun, Raan ë kony week ë Rip, të wään ya wek lïïm thïn.

1 Tim 3:6

Acïï bï aa raan ë piac gam, ke cïï rɔt bï tɔ dït, ago wïïk në këracic kërɛɛc ee jɔŋdït rac wïïk thïn.

Bäny 2:3

Ku ënɔɔnë abä lueel aya an, “Acä keek bï bɛ cop në wenïïm, ku abïk aa kuɔɔth guut weyöth. Ku yiëthken abïk aa wïïn ke dɛ̈p tëde week.