2 Kor 12:6 - JAM DE NHIALIC 2011

⁶ Ku na cak piɔ̈u dɛ luɔi bän rɔt leec, ke yɛn cïï duëër aa raan mum nɔm, luɔi ee yen yic en bä lueel, ku ënɔɔnë acä pɔ̈l, ke cïn raan bï a tɔ ye raan dït awär tïŋ tïŋ en ɛn, ku wɛ̈ɛ̈r kë cï piŋ në këdï.

2 Kor 12:6 ပူးပေါင်းရင်းမြစ်များ

Jop 24:25

Ku na kɛ̈n yic lueel, ke we nyuth a luenhdï?

Romai 9:1

Ee yic en luɛɛl në Kërthoyic, yɛn cïï lueth tör, ku jam cä yök ë yapiɔ̈u ee cäätɔ kekë yɛn ëtök ë Wëidït ɣer yiic an:

1 Kor 3:5

Paulo eeŋa? Ku Apolo eeŋa? Cïkï ë kɔc ee luui tei, kɔc cï we tɔ gäm, cït man cï Bɛ̈nydït e gäm ŋɛk ku gëm ŋɛk?

2 Kor 1:18

Ku në dön ee Nhialic adöt, jamda wokë week acie Ɣɛɛ ku be aa Ei.

2 Kor 11:16

A bɛ lueel an, ë cïn raan ë ya tɔ ye raan mum nɔm, ku na yak a tɔ ye raan mum nɔm, ke we dɔm ɛn tei, cït man ë raan mum nɔm, ke ya bï rɔt leec tëthiinakäŋ.

2 Kor 11:31

Nhialic Wun Bɛ̈nydan Yecu Kërtho, yen aŋic en nɔn cän lueth tör, yen acath ke athiɛɛi aɣet athɛɛr.

2 Kor 12:11

Yɛn cï aa raan mum nɔm ë lɛc lɛɛc ɛn rɔt, we cï a dhil tɔ lec rɔt, adï cäk a leec week: acïn kë ye tuuc a wöör acakaa tuuc dïït nu tueŋ aläl, acakaa yɛn ë cïn këdäŋ.

2 Kor 12:7

Ku luɔi cän rɔt tɔ dït ë dït cïï piɛth, në biäk de ka juëc göök cï nyuöth ɛn, yen aa yïkë ya guöp kou kon nu ë rïŋic, ee tuny ë tuucë Catan bï yɛn aa biɔ̈ɔ̈k guöp, ke ya cïï rɔt bï tɔ dït ë dït cïï piɛth.

2 Kor 5:13

Ku na ye të jiɛɛm wok wei, ee këde Nhialic, ku na yok nïïm piath, ee këdun week.

2 Kor 7:14

Ku na de kë cä lɛ̈k en ë lɛc lɛɛc ɛn rɔt ë week, ke yɛn kën yäär, ku acït man cï wo week lɛ̈k käŋ kedhie në yic, ayï lɛcdan ë wo röt lɛ̈c week ë Tito nɔm, acï aa yic aya.