2 Kor 12:14 - JAM DE NHIALIC 2011

¹⁴ Tiëŋkï, yɛn ë cök aa rou tëde week, ku diëŋden kï, yɛn jɔ bɛ̈n, ku kakun acä ke bï aa cäm lɛ̈ɛ̈ny: acie kakun ke kaar, ee wegup wek kaar, acïï piɛth luɔi bï mïth kɔc ë dhiëth ke kuɛ̈t käŋ, ee kɔc ë dhiëth mïth kek aye käŋ kuɛ̈t mïthken.

2 Kor 12:14 ပူးပေါင်းရင်းမြစ်များ

Kɛ̈ŋ 11:30

Luɔi de piathëpiɔ̈u ee pïïr bɛ̈ɛ̈i, ku akuöörkuöör ee näk.

Kɛ̈ŋ 13:22

Raan piɛth ee kajuëcke nyäŋ mïthke, ku kajuëc ke raan ee karɛc looi aye Nhialic ke lɔ̈ɔ̈k tɔ lɛk ë kɔc piɛth piɔ̈ɔ̈th.

Kɛ̈ŋ 19:14

Kuɛth ku ɣööt aye ke lak tëde kɔcdïtkun, ku tiiŋ tiëër nɔm ee ya miɔ̈c de Bɛ̈nydït.

Edhekiɛl 34:2

“Mɛnh ë raan, rɛɛcë bäny ke Yithriɛl. Cäär tëde keek, ku lɛ̈kë keek kë luɛɛl Yɛn Bɛ̈nydït Awärjäŋ: lɛ̈kë keek: Amawoou në week, wek tïït ke Yithriɛl! Wek ee röt muk apiɛth ku wek cïï thök ee kɔn tiit.

Luɔi 20:33

Acïn ateek ke raan däŋ cä woi ë yapiɔ̈u, ayï adhääp ayï lupɔde aya.

1 Kor 10:24

Ë cïn raan ë piathde kɔɔr etök, ë ŋɛk ë ye piath de ŋɛk kɔɔr.

1 Kor 10:33

acït man ë yɛn, yɛn ee kɔc tɔ mit piɔ̈ɔ̈th në këriëëcic ëbɛ̈n, yɛn cïï piathdï ee kɔɔr, ee piath de kɔc juëc en aa ya kɔɔr, luɔi bï ke kony wëi.

1 Kor 11:34

Ku na de raan cï cɔk nɔ̈k, ke cäm paanden, ke we cïï bï jɔ̈ɔ̈ny ë guëërduön ë ya wek guëër. Ku cök kɔ̈k abä ke bɛ̈n guiir apiɛth miäk cän bɛ̈n.

1 Kor 16:5

Ku yɛn bï lɔ tëde week, të cän Makedonia kɔn caathic, ku yɛn bï Makedonia dhil caathic.

1 Kor 4:19

Ku yɛn bï dap bɛ̈n tëde week, të nu en ë Bɛ̈nydït piɔ̈u, aguɔ riɛl ë kɔckë ŋic, kɔc wën cï nïïm dham, acie jamden tei.

1 Kor 9:12

Na cath kɔc kɔ̈k në riɛl bï we cieŋ aya, ke wook, cuku ke wär? Ku riɛlë aa cukë ye kɔɔr, wok ee këriëëc guum, ke wo cïï wëlpiɛth ke Kërtho bï aa pɛ̈n cäthden.

1 Kor 9:18

Ariöpdï jɔ aa ŋö? Ariöpdï kï, an, “Tën aa yɛn wëlpiɛth guiir, ke yɛn bï wëlpiɛth ke Kërtho aa guiir youyou tei, ke yɛn cïï bɛ̈ɛ̈nydï bï kuöc muk, bɛ̈ɛ̈ny cï gäm ɛn ë wëlpiɛth yiic.

1 Kor 9:19

Acakaa yɛn ë cath ë këde yenhdï ë kɔc yiic kedhie, ke yɛn cï rɔt tɔ ye lïm de kɔc kedhie, luɔi bän kɔc juëc dɔm.

2 Kor 1:15

Ku gäm cän ee kënë gam yen aa luɛɛl ɛn en ë yapiɔ̈u wään, nɔn bän bɛ̈n tëde week, luɔi bä wek këpiɛth bɛ yök raanrou.

2 Kor 11:9

Ku të wään rɛ̈ɛ̈r ɛn wo week, akööl ë de en kë dak ɛn, acïn raan cä miɛn, në kën ee ya dak, aye mïthëkɔckuɔ yiɛ̈n ɛn abä kuɛth, mïthëkɔckuɔ ë bɔ̈ Makedonia, ku yɛn aaye rɔt muk në këriëëc ëbɛ̈n aguɔ we cuö min, ku yɛn bï rɔt muk ë muŋdï.

2 Kor 12:13

Ee käŋö kë cï we tɔ kor ë ɣööt ke Nhialic kɔ̈k, ee luɔi ë cän kakun ee cäm lɛ̈ɛ̈ny etök, yɛnguöp, pälkï yɛn ee kë cä wööcë!

Galatai 4:19

Wek mïthkiën thiikë, yɛn ë bɛ rɔ̈ɔ̈p ë dhiënhdun, aɣet të bï Kërtho cuëëc ë weyiic.

Pilipoi 4:1

Yen ka, wek mïthëkɔckuɔn nhiaar, ku cä we tak, wek ee miɛt de yɛnpiɔ̈u, ku yak göl ë yɛnnɔm, yak kɔ̈ɔ̈c aril wäklë ë Bɛ̈nydïtic, wek kɔc nhiaar.

Pilipoi 4:17

Acie miɔ̈c en kaar, ee ka ye luɔk ka bï aa kakun kek akaar, juëc bï kek juëc.

1 Theth 2:11

acït man ŋiɛc wek en, guiëër ee wok week guiëër ku muŋ ee wo week muk piɔ̈ɔ̈th, ku lëk ee wok week lɛ̈k wedhie, cït man ee wun mïth jam kekë mïthke,

1 Theth 2:8

Ku në täŋ ee wok week tak arëët, en aaye wok piɔ̈ɔ̈th miɛt, luɔi yïn wo week wëlpiɛth ke Kërtho, ku acie keek kapäc, ee wëikuɔ ayadäŋ, në nhiëër cï wo nhiaar aläl!