2 Kor 11:3 - JAM DE NHIALIC 2011

³ Ku yɛn riɔ̈c, luɔi bï en dɛ të bä wek piɔ̈ɔ̈th riääk, cït man cï kërac Ɣawa math në ruëënyde, aguɔkï piɔ̈ɔ̈th cuö bɛ aa tök, ku cäkï piɔ̈ɔ̈th be lɔ wai në Kërtho.

2 Kor 11:3 ပူးပေါင်းရင်းမြစ်များ

Cäk 3:1

Ku kërac aaye län pel awär läi roor kedhie, läi cï Bɛ̈nydït Nhialic cak. Ago kërac tik luɔp an, “Ë yic, cï Nhialic lɛ̈k week an cäkï bï cam në mïth ke tiim ke Dom kedhie?”

Cäk 3:13

Go Bɛ̈nydït Nhialic lɛ̈k tik an, “Eeŋö looi yïn ë kënë?” Go tik puk nɔm an, “Kërac yen aa mɛth ɛn, guɔ cam.”

Cäk 3:20

Ago Adam tiiŋde cäk rin an Ɣawa, (ku kë lueel ë rinkë ee pïïr) në luɔi yen man raan ëbɛ̈n.

Cäk 3:4

Go kërac puɔ̈k nɔm tik an, “Kënë acie yic, wek cï bï thou.

Diɛt 119:53

Të yan kɔc ee kërac looi tïŋ ke ke dhoŋ lööŋku kɔ̈ɔ̈th, yɛn ee gɔ̈th aläl.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Romai 12:8

ku raan ë kɔc guiëër wël, ë ye kɔc guiëër apiɛth, raan ë miööc, ë ye miööc ë piɔ̈n tök, raan nu ë kɔc nïïm, ë ye këde looi ke lëth guöp, raan ë piɔ̈u kok, ë ye luui ë piɔ̈n mit.

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

2 Kor 11:20

Të ye raan week lïïm, ayak guum, ayï të ciɛmë raan week, ayï të rumë raan week, ayï të biëëkë raan wenyïïn.

2 Kor 11:29

Eeŋa kɔ̈c, ku cä kɔ̈c ayadäŋ? De raan cï tɔ wäc käŋ, ku cä piɔ̈u bï tuöc?

2 Kor 2:17

Ku wook, wo cïï cït tëdïït ë kɔc, kɔc ë jam ë Nhialic riɔ̈ɔ̈k në biäk de wëu: jam yok lueel ee piɔ̈n yic yen aye wok e lueel, ku cït liem de Nhialic, ë Nhialic nɔm yen aye wo jam ë Kërtho yic.

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

Galatai 1:6

Yɛn gäi! Ë kë cä wek röt guɔ rat wei wäkya ë Raan lɔ̈ɔ̈m Raan cï we caal ë dhuëëŋic dhuëëŋ de Kërtho piɔ̈u, lak wëlpiɛth kɔ̈k gam.

Galatai 2:4

ee jam de mïthëkɔckuɔn kɔ̈k aluɛth, kɔc cï bɛ̈n thïn ëcuëër, en aa jiɛi wok ë cuɛ̈lde, ayek cäthda bɛ̈n neem, cäth ciɛth wok ë këde yenhda ë Kërtho Yecu yic, luɔi bï kek wo tɔ ye lïïm.

Galatai 3:1

Wek Galatai mum nïïm oou, eeŋa cï we thuëëth, bä wek yic cuö piŋ, wek kɔc cïï Yecu Kërtho tääu ë wenïïm ëdëi, ke ye piäät ë tim cï rïïu nɔm kɔ̈u?

Galatai 4:11

Yɛn ë riɔ̈ɔ̈c ë këdun, akuöc nɔn ee yen ɣɔ̈ric yen näŋ cän rɔt näk piny ë luɔi në biäkdun.

Epethiei 4:14

Ke wo cïï bï bɛ aa mïth thiiakäŋ, mïth ee yom miaŋ ëbɛ̈n, leer ke tɛ̈ɛ̈n ku leer ke tɛ̈ɛ̈n, yom de wëët ë kɔc, në math mɛthë kɔc kɔc ë ruëëny, ku cäp kithic ee kek kɔc math.

Epethiei 4:22

an, Bäk raan thɛɛr pɔ̈l në rëërduön ee ya wek rëër wään, raan cï dhiap në biäk de ŋɔ̈ɔ̈ŋ de lueth ŋɔ̈ɔ̈ŋ ë ye dɔm.

Epethiei 6:24

Ë dhuëëŋdepiɔ̈u tɔ̈u ke kɔc kedhie kɔc nhiaar Bɛ̈nydan Yecu Kërtho në piɔ̈n agɔk. Amiin.

Kolothai 2:18

Duökï röt tɔ pënë raan ariöpduön bäk yök, në kuur ee yen rɔt kuɔɔr piny ku läm ee yen tuucnhial lam, raan ë pëk ë ke cï yök ë nyuöthic, ee rɔt tɔ dït ë ɣɔ̈ric, në piɔ̈ndɛn cï tuöm ka ke piny,

Kolothai 2:4

Cöökë en a luɛɛl, ke cïn raan bï we math në wëŋ ee yen kɔc wëŋ ë yeliep.

Kolothai 2:8

Yak röt tiit, ke cïn raan bï we puk piɔ̈ɔ̈th në nhiëër ë pɛl ku në ruëëny ɣɔ̈ric, në jam thɛɛr ë kɔc, ku në jam de jɔɔk ke piny nɔm, jam cie këde Kërtho.

1 Theth 3:5

Yen aa tuɔɔc ɛn raan, wään cï en ciën luɔi bän e bɛ guum, ke ya bï gämdun ŋic, nɔn de kë cï jɔŋ ee kɔc them we yiɛ̈n them, ago luɔida aa ɣɔ̈ric.

1 Tim 1:3

Acït man wään yɔ̈ɔ̈k ɛn yïn an, bä döŋ Epetho, wään la yɛn Makedonia, luɔi bï yïn kɔc kɔ̈k yɔ̈ɔ̈k an, Duökï ee wëët ë wëët mɛɛn.

1 Tim 2:14

Ku Adam akënë math, ee tik en ë mɛthë, a le en ë këracic.

2Tim 3:13

Ku kɔc racpiɔ̈ɔ̈th ku kɔc ee käŋ töör, racden abï lɔ ke ŋuak rɔt, abïk kɔc aa math, ku mɛthë keek aya.

Tito 1:10

Ade kɔc juëc nu, kɔc ee löŋ rɛɛc piŋ, kɔc ee ɣɔ̈ric lueel, ku yek kɔc math, ku tëdït ë keek ee kɔc aŋueel.

Ɣeberuu 13:9

Yen duö wek röt ee tɔ thelë tɛ̈n ku tɛ̈n, yak röt pëën ke we cï bï nyaai në kueer ë Kërtho yic ku wëëtde, ku leerë we në wëët luethic. Ë we waar në riɛmde ku lööŋ cï tääu piny në biäk de thɛ̈k de kacaam akënkï we waar. Ayï kɔc ee lööŋkë riëëu acïn këpiɛth cïk luöi keek.

2 Pet 3:17

Ku week, wek kɔc nhiaar, në ŋïny cäk wek kakë kɔn ŋic, yak röt tiit, ke we cïï bï thɛl wei në kɔc reec löŋ gam ëtök, në wäc ee kek käŋ wööc, aguɔkï cuö wiëëk të wään kan wek kɔ̈ɔ̈c aril.

2 Pet 3:3

Jakï kënë kɔn ŋic, an, Të cï thök de piny thiɔ̈k, ke kɔc de gup agɛɛt abïk bɛ̈n ë agɛɛtden, kɔc cath në këde ŋɔ̈ɔ̈ŋdɛn ë ke dɔm,

1 Jɔn 2:18

Wek mïththiaakäŋ, thaar ë thök de piny kï: ku acït man cä wek e kɔn piŋ nɔn bï raan man Kërtho bɛ̈n, en a cï kɔc juëc man Kërtho röt guɔ yök ënɔɔnë, ku yen a ŋicku ye nɔn ee yen thaar ë thök de piny.

1 Jɔn 4:1

Wek kɔc nhiaar, duökï wëi gam kedhie, ku yak wëi them, nɔn ë bï kek tëde Nhialic: ade tït aluɛth juëc cï lɔ ë piny nɔm.

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.

Nyuuth 12:15

Go ŋuäl pïïu ŋɔ̈k bei ë yethok ë tik cök cït man ë amool, an, tɔ tik jɔtë wei ë amool.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 20:2

Bï ku dɔm ŋuäldït, kërɛɛc thɛɛr, yen aye Jɔŋdït Rac, ku ye Catan, go rek thöl agum de run ke mac,