2 Kor 11:27 - JAM DE NHIALIC 2011

²⁷ Në luɔi tuc ë kɔc doony, ku luɔi ë kɔc nɔ̈k, në ruu aa yɛn ruu yiɛ̈n ëcaŋɣɔn, ku në cɔŋ ë ya nɔ̈k ayï rou, ku në nyäŋ aa yɛn cool ë nyäŋ rɔt ë këcam, ku në wiir ë ya nɔ̈k, ku cïn aa yɛn kɔ̈u ciën lupɔ.

2 Kor 11:27 ပူးပေါင်းရင်းမြစ်များ

Jeremia 38:9

“Yïn melik, kë cï ee kɔckë looi ee awäc. Acïk tiët Jeremia tääu ë yithic, ku abï thou ëtɛ̈ɛ̈n në cɔk, në biäk cïn en këcam be nu ë pänydïtic.”

Math 17:21

Ku jɔŋlɛn cït ee kënë ee lɔ biic rɛɛc, ee lɔ̈ŋ etök kekë rɛɛc reec ë raan cäm, yen ee ye lëu.”

Luɔi 14:23

Agokï röördït lɔc ë ɣööt ke Nhialic yiic ëbɛ̈n, ku të cï kek lɔ̈ŋ në rɛɛc reec kek cäm, ke ke pɛ̈lkï ë Bɛ̈nydït cin, Bɛ̈nydïït cïk gam.

Luɔi 20:31

Yɛn tiɛɛt wek röt, ku takkï wenïïm nɔn kɛ̈n ɛn wëët pɔ̈l wëët aa yɛn week wɛ̈ɛ̈t wedhie ë run kadiäk, wɛ̈ɛ̈rwakɔ̈u ku aköl, ke ya ye dhiau ë pïïu ke yɛn nyin.

1 Kor 7:5

Ë ŋɛk cïï rɔt ee pɛ̈n ŋɛk, ë röm bä wek thook röm tei bäk röt pɔ̈l ë aköölkë, ke we bï cök ë läŋ läŋ wek Nhialic, ku jakï röt bɛ mat ëtök, ke we cïï Catan bï them, në kuny kuöc wek röt muk.

2 Kor 11:23

Yek kɔc ë ka ke Kërtho looi? (Yɛn jam cït raan jiɛɛm wei) awäär ke, ë luɔi tuc, en awäär ɛn keek, ku wäär keek ë dui cïï duëërë kueen, ku mäny ee ya cool ë mɛcë yɛn ë aloc yiic, ku ŋïny aa yɛn cool ë ŋïc rɔt thuɔɔu.

2 Kor 6:5

Në dui duiyë wook, në mäny mɛcë wook, në awuööu dït, në luɔi ril, në yïn ee wo yïn, në mɔ̈l ee wo mɔ̈l ë nïn ku cäm.

Pilipoi 4:12

Yɛn ŋic kuur duëërë ya tɔ koor, ku ŋiɛc bäny bä yɛn bäny: në këriëëc ëbɛ̈n ku në käŋ yiic kedhie yɛn cï wëët ëgɔk, kuɛth bän kuɛth, ku guöm bän cɔk guum, ayï bäny bän bäny ayï dak bän dak ë käŋ.

1 Theth 2:9

Wek ee wenïïm tak, wek mïthëkɔckuɔ, në luɔi dïït thieek yok looi: wo ye luui aköl ku wakɔ̈u, wok ë cïn piɔ̈ɔ̈th luɔi bï wo raan tök miɛn ë weyiic, agoku wëlpiɛth ke Nhialic guiëër week aya.

2 Theth 3:8

ku acïn kuïn de raan töŋ cuk cam youyou, wok ee luui, wok ee röt näk piny ë luɔi arëët, wok ee luui aköl ku wakɔ̈u, ke wo cïï raan töŋ ë wek yiic duëër miɛn.

Ɣeberuu 11:37

Ku ye ke biɔ̈ɔ̈k në kur ku temë kakë kɔ̈ɔ̈th në rou, aake ye nɔ̈k në abätɛ̈ɛ̈u, aake rɛ̈ɛ̈r ke ke kuanynyïïn ku acïn kë ceŋkï ë kekɔ̈ɔ̈th, ee biɔŋ ke thök bɔɔth ku amɛ̈l kek aa ceŋkï, aake ye yɔŋ ku kucë ke luööi.