2 Kor 11:22 - JAM DE NHIALIC 2011

²² Kɔckë yek Ɣeberuu? Ayï yɛn aya. Yek kɔc ke Yithriɛl? Ayï yɛn aya. Yek kɔ̈th ke Abraɣam? Ayï yɛn aya.

2 Kor 11:22 ပူးပေါင်းရင်းမြစ်များ

2 Lëk 20:7

Yïn ee Nhialinyda. Wään bïï kɔckuön ke Yithriɛl ee pinyë, yïn cï kɔc wään ceŋ ee pinyë bɛ̈n cuɔp wei, ku gämë piny kuat de Abraɣam, raan määth wek, bï aa këden aɣet athɛɛr.

Bɛ̈n 10:3

Go Mothe lɔ tëde melik kekë Aron, ku lek lɛ̈k en an, “Acïï Bɛ̈nydït Nhialic de Ɣeberuu lueel an, ‘Bä jamdï jɔ rɛɛc piŋ agut cï nɛn? Tɔ kɔckï jäl lek A lam.

Bɛ̈n 3:18

Ku kɔckï abïk yïn piŋ thok. Ku ëtɛ̈ɛ̈n, yïn bï jɔ lɔ tëde melik ë Rip wekë röördït ke Yithriɛl, lak lɛ̈k en an, ‘Bɛ̈nydït Nhialic de Ɣeberuu acï rɔt nyuöth wook. Ka yïn gam nɔn bï wok nïn kadiäk nööm ke wo cath ë jɔ̈ɔ̈ric, lok Bɛ̈nydït Nhialic näk.’

Bɛ̈n 5:3

Go Mothe puɔ̈k nɔm en kekë Aron an, “Nhialic de Ɣeberuu acï rɔt nyuöth wook, ka yïn pälë wo nïn kadiäk bïï wok cath ë jɔ̈ɔ̈ric, ke wo bï Bɛ̈nydït Nhialicda lɔ näk. Të kën wok E lɔ näk, abï wo nɔ̈k në jɔɔk ku nɔn yen tɔŋ.”

Bɛ̈n 7:16

Ku lɛ̈kë yen an, ‘Bɛ̈nydït, Nhialic de Ɣeberuu ë ya tuöc yïn lueel an, “Tɔ kɔckï jäl lek A lam ë jɔ̈ɔ̈ric, ku yïn cïï gäm.”

Bɛ̈n 9:1

Go Bɛ̈nydït lɛ̈k Mothe an, “Lɔ lɛ̈kë melik an acïï Bɛ̈nydït Nhialic de Ɣeberuu lueel an, ‘Tɔ kɔckï jäl lek A lam.

Bɛ̈n 9:13

Go Bɛ̈nydït bɛ lɛ̈k Mothe an, “Miäk aduduur, ke yï riɛɛl tëde melik. Lɔ lɛ̈kë yen an acïï Bɛ̈nydït Nhialic de Ɣeberuu lueel an, ‘Tɔ kɔckï jäl lek A lam.

Math 3:9

ku duökï ee lueel ë wepiɔ̈ɔ̈th an, wok de wäärda Abraɣam, Nhialic alëu bïï mïth ke Abraɣam cak në kɔikë.

Luɔi 22:3

“Yɛn ë Judai nɔm ëgɔk, ku yɛn aa dhiëëth ë Tartho ë Kilikia, ku yɛn aa muk ë pänydïïtëyic, ke ya piɔ̈ɔ̈c ë Gamaliɛl, ku ye ya wɛ̈ɛ̈t ë täu de löŋ de kuarkuɔ, täu a gɔk, aguɔ yic lɛ̈th në këde Nhialic, acït man ë wek wedhie ëköölë.

Luɔi 6:1

Na ɣɔn ë aköölkë, të cï kuën ë kɔcpiööcë rɔt ŋuak ke Judai ë bɔ̈ paan ë Girikii ke ke cak dhiëëu në kɔc ke Ɣeberuu an, cï diëërken nyɔ̈ŋ diëër cïn nïïm röör, të tekë wëu ë aköölnyïïn kedhie.

Romai 11:1

Guɔ jɔ thiëëc an, Cï Nhialic kɔcke cuat wei? Ei! Acie yen! Yɛn aya, yɛn ee raan ë Yithriɛl, në käu de Abraɣam, në dhiën ë Benjamin.

Romai 9:4

Ayek kɔc ke Yithriɛl, ku muŋ cï Nhialic ke muk ë dhuëëŋ ee këden, ayï lööŋ cï mac, ayï tɛ̈ɛ̈u cï löŋ tääu piny, ku luɔi de ka ke Nhialic, ku läm, ku ka cï kɔn lueel, an, bï ke gäm keek, ayek kaken,

Galatai 3:16

Ku ka cï kɔn lueel, an, bï ke gäm en, aye ke lɛ̈k Abraɣam kekë käude. Akën lueel an, Abä ke gäm “kɔ̈th,” cït nɔn juëc kek, ee tök en ë lueel an, abä ke gäm “käudu,” yen aye Kërtho.

Pilipoi 3:5

Yɛn cï cueel ëkööl ee kek bɛ̈t, yɛn ee jur cɔl Yithriɛl, raan ë dhiën ë Benjamin, yɛn ee Ɣeberuu cï dhiëëth ë Ɣeberuu, në këde löŋ, yɛn ee Parithai,