2 Kor 11:13 - JAM DE NHIALIC 2011

¹³ Kɔc cït ee kake kek aye tuuc aluɛth, kɔc ë luui ëcuëër, agokï röt aa puk tɔkï röt ë tuuc ke Kërtho.

2 Kor 11:13 ပူးပေါင်းရင်းမြစ်များ

Jeremia 23:16

Acïï Bɛ̈nydït de rɛm lɛ̈k kɔc ke Jeruthalem an, “Duökï kë lueel ë tït piŋ, athiɔ̈ŋkï week në aŋäth ɣɔ̈ric. Ayek we lɛ̈k kë yek thɔ̈ɔ̈ŋ, ke cie kën ë luɛɛl.

Jeremia 27:14

Duökï jam de tït ee we yɔ̈ɔ̈k cäkkï röt bï gäm melik de Babilonia piŋ. Amɛthkï week.

Math 25:24

Na wën, ke raan bɔ̈ raan cï gäm agum töŋ de wëu, bï ku lueel an, ‘Bɛ̈ny, yïn cä ŋic nɔn ee yïn raan ril, yïn ee tem të kën yïn kɔn com thïn, ku yïn ee kuany të kën yïn kɔn pok thïn,

Luɔi 15:1

Na wën, ke kɔc kɔ̈k ë ke bɔ̈ ë Juda, bïk ku wëëtkï wäthii an, “Të kënë we cueel cït man ë täu de ciɛɛŋ de Mothe, ke we cïï duëërë kony wei.”

Luɔi 15:24

Acuk piŋ nɔn de kɔc kɔ̈k cï jäl ë woyiic, kɔc cï week jut në wël wëëtë ke, ku liëëpkï wenïïm, luelkï, an, bï we dhil cueel, ku bäk löŋ aa döt, ku acïn kë cuk thɔ̈n keek.

Luɔi 20:30

Akööl abïk bɛ̈n, akööl bïï kɔc kɔ̈k röt jɔt ë weyiic gup, kɔc bï jam rac lueel, le kek kɔcpiööcë thɛl ë kecök.

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.

2 Kor 11:15

Ku acie këdït, të ye kɔc ee këde looi röt puk tɔkï röt ee kɔc ë ka ke piathëpiɔ̈u looi, ku këdɛn bïk yök rial abï röŋ ke luɔiden.

2 Kor 2:17

Ku wook, wo cïï cït tëdïït ë kɔc, kɔc ë jam ë Nhialic riɔ̈ɔ̈k në biäk de wëu: jam yok lueel ee piɔ̈n yic yen aye wok e lueel, ku cït liem de Nhialic, ë Nhialic nɔm yen aye wo jam ë Kërtho yic.

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

Galatai 1:7

Ku acïn wëlpiɛth kɔ̈k nu, wël yith, ku ade kɔc ë week tɔ diɛɛr ë wël, akɔɔrkï luɔi bï kek wëlpiɛth ke Kërtho puk kɔ̈ɔ̈th.

Galatai 2:4

ee jam de mïthëkɔckuɔn kɔ̈k aluɛth, kɔc cï bɛ̈n thïn ëcuëër, en aa jiɛi wok ë cuɛ̈lde, ayek cäthda bɛ̈n neem, cäth ciɛth wok ë këde yenhda ë Kërtho Yecu yic, luɔi bï kek wo tɔ ye lïïm.

Galatai 4:17

Kɔ̈ɔ̈r ee kek cök ë kɔɔr kek week acïï piɛth, ee luɔi bï kek we guöör biic, en anu ë kepiɔ̈ɔ̈th, ke ke bäk cök ë kaar wek keek.

Galatai 6:12

Kɔc ëbɛ̈n kɔc kɔɔr luɔi bï ë ke ŋic an yek kɔc piɛth ë guöpic, kek adhil week tɔ cuel, ee luɔi cïï ë ke bï yɔŋ tei në biäk de tim cï rïïu nɔm tim de Kërtho.

Epethiei 4:14

Ke wo cïï bï bɛ aa mïth thiiakäŋ, mïth ee yom miaŋ ëbɛ̈n, leer ke tɛ̈ɛ̈n ku leer ke tɛ̈ɛ̈n, yom de wëët ë kɔc, në math mɛthë kɔc kɔc ë ruëëny, ku cäp kithic ee kek kɔc math.

Pilipoi 3:18

Ku kɔc juëc akuckï rëër ënɔɔnë, ku yɛn ë këden cool ë lɛ̈k ɛn e week ëcaŋɣɔn, ku lɛ̈k week ënɔɔnë ke ya dhiau an, ayek kɔc de ater në tim de Kërtho tim cï rïïu nɔm:

Pilipoi 3:2

Yak röt tiit ë jɔ̈k, yak röt tiit ë kɔc ee kërac looi, yak röt tiit ë kɔc ë röt tɔ ye aŋueel.

Kolothai 2:4

Cöökë en a luɛɛl, ke cïn raan bï we math në wëŋ ee yen kɔc wëŋ ë yeliep.

Kolothai 2:8

Yak röt tiit, ke cïn raan bï we puk piɔ̈ɔ̈th në nhiëër ë pɛl ku në ruëëny ɣɔ̈ric, në jam thɛɛr ë kɔc, ku në jam de jɔɔk ke piny nɔm, jam cie këde Kërtho.

1 Jɔn 2:18

Wek mïththiaakäŋ, thaar ë thök de piny kï: ku acït man cä wek e kɔn piŋ nɔn bï raan man Kërtho bɛ̈n, en a cï kɔc juëc man Kërtho röt guɔ yök ënɔɔnë, ku yen a ŋicku ye nɔn ee yen thaar ë thök de piny.

1 Jɔn 4:1

Wek kɔc nhiaar, duökï wëi gam kedhie, ku yak wëi them, nɔn ë bï kek tëde Nhialic: ade tït aluɛth juëc cï lɔ ë piny nɔm.

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 2:2

Yɛn ŋic luɔidu, ayï luɔiduön tuc, ayï liɛɛr ë yïnpiɔ̈u, ku luɔi cïï yïn këde kɔc rac duëër guum, ku thëm cï yïn kɔc them kɔc ee röt tɔ ye tuuc ku cïkï ye tuuc, ago ke yök aye aluɛth.

Nyuuth 2:20

Ku yɛn cath wo cöök bän yïn jɔ̈ɔ̈ny, päl ee yïn tiiŋ cɔl Jedhebel pɔ̈l, tiiŋ ee rɔt tɔ ye tiiŋ tiët, ku ye lïïmkï wɛ̈ɛ̈t, mɛth en keek, an, bïk diäär aa kɔɔr, ku bïk ka cï läm yiëth aa cam.

Nyuuth 2:9

Yɛn ŋic luɔidu, ku ŋiɛc katuc ee yïn dhal, ayï kuany cï yïn nyin kuany (ku yïn cï bäny), ku ŋiɛc lɛ̈ɛ̈t rɛɛc de kɔc ee ye lueel, an, yek Judai, ku cïkï ye Judai, ku yek luaŋ de Catan.