2 Kor 11:10 - JAM DE NHIALIC 2011

¹⁰ Yic de Kërtho acath ke yɛn, acïn raan bï a pɛ̈n lɛc lɛɛc ɛn rɔt në cöökë, piny de Akaya nɔm ëbɛ̈n.

2 Kor 11:10 ပူးပေါင်းရင်းမြစ်များ

Luɔi 18:12

Na ɣɔn, nu Galio ke ye bɛ̈ny de Akaya, ke Judai ke ke jɔt röt ë piɔ̈n tök lek tɔŋ yiɛ̈n Paulo, ku bïïkï të ye bäny löŋ guiir thïn.

Luɔi 18:27

Na wën, aacï piɔ̈u dɛ luɔi bï en tëëk le Akaya, ke wäthii ke ke jɔ awerek gäär kɔcpiööcë ëtɛ̈ɛ̈n, läŋkï keek an, bïk loor, ku të cï en bɛ̈n ëtɛ̈ɛ̈n, ke jɔ kɔc cï gam në dhuëëŋ de Nhialic piɔ̈u kony aläl.

Romai 1:9

Nhialic, Raan aa luööi në wëikï në wëlpiɛth ke Wënde, yen aye cäätɔdï, në luɛl aa yɛn cool ë luel këdun acïn pëk ë lɔ̈ŋdïyic,

Romai 16:5

Ku thiëckï ɣön ë Nhialic ee lɔ̈ŋ ɣönden ayadäŋ. Thiëckï Epaineto raan nhiaar, raan cï Kërtho kɔn gam në Akaya.

Romai 9:1

Ee yic en luɛɛl në Kërthoyic, yɛn cïï lueth tör, ku jam cä yök ë yapiɔ̈u ee cäätɔ kekë yɛn ëtök ë Wëidït ɣer yiic an:

1 Kor 16:15

Wek läŋ, wek mïthëkɔckuɔ (wek ŋic dhiën ë Thepana, nɔn ee kek kɔc cï kɔn gam ë Akaya, ku acïk röt gäm luɔi de kuny de kɔc ɣerpiɔ̈ɔ̈th),

2 Kor 1:1

Yɛn Paulo, tuny ë Yecu Kërtho në këde piɔ̈n ë Nhialic, wokë Timotheo mɛnhkënëda. Awerek en gɛ̈ɛ̈rku ɣön ë Nhialic nu Korinth, kekë kɔc ɣerpiɔ̈ɔ̈th kedhie kɔc nu Akaya ëbɛ̈n:

2 Kor 1:23

Ku yɛn cɔl Nhialic bï aa cäätɔdï në këde yɛnpiɔ̈u an, Päl päl ɛn week en a ŋuɔɔt ɛn ke ya kën bɛ̈n Korinth.

2 Kor 10:15

wo cïï röt duëër leec ë ka nu ë akenda baŋtui, kek aye luɔi ë looi kɔc kɔ̈k, ku kënë aŋäthku an, të cï gämdun rɔt guɔ ŋuak, ke riɛlda bï dït ë weyiic, ku ŋootku ke wo pëk akenda, agoku lɔ tueŋ.

2 Kor 11:12

Ku kë luɔɔi ënɔɔnë, yen abä ya looi, luɔi bän kë bï kek röt leec tɛɛm wei tëde kɔc kɔɔr en: ago an, leckï röt, ka bïk röt yök akït ë wook.

2 Kor 11:31

Nhialic Wun Bɛ̈nydan Yecu Kërtho, yen aŋic en nɔn cän lueth tör, yen acath ke athiɛɛi aɣet athɛɛr.

2 Kor 12:19

Cöök däŋ an, yak lueel an, konyku röt ë wenïïm ë caŋawën? Wok jam ë Nhialic nɔm ë Kërtho yic. Ku ka luelku kedhie, wek kɔc nhiaar, ee ka ke kuɛ̈t bï we kueet.

2 Kor 9:2

Yɛn ŋic thök cä wek thök ë guiɛɛk, en a lɛɛc ɛn rɔt në këdun ë kɔc ke Makedonia nïïm an, “Cï Akaya guɔ thök ë guiɛɛk run wään,” ku lɛ̈th ë weyiic acï kɔc juëc aläl tɔ lëth yiic ayadäŋ.

Galatai 1:20

Ku ka gäär week ënɔɔnë, dï, yɛn cïï lueth tör, aŋic Nhialic.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

1 Theth 2:10

Wek aye cäätɔɔ, ayï Nhialic aya, në täu ee wok tɔ̈u ë weyiic wek kɔc cï gam, täudan ɣeric ku piɛthic ku cïnic gääk duëërë wo gɔ̈k:

1 Theth 2:5

Ku acïn kööl töŋ cï wok wël ë mɛthë nyin lueel, acït man ŋiɛc wek en, ku acïn wui de kalei cuk moony, Nhialic ee cäätɔda:

1 Tim 2:7

ku yɛn cï dɔm aye raan bï këde guiir, ku ya tuc (yic en aa luɛɛl ë Kërthoyic, yɛn cïï lueth tör), ku ya raan ee Juöör wɛ̈ɛ̈t në gäm ku në yic!