2 Kor 10:8 - JAM DE NHIALIC 2011

⁸ Ku na ya cak rɔt leec aläl në riɛlda (riɛl ë gëmë Bɛ̈nydït wook në këde kuɛ̈t bï wo week kueet, ku acie këde thuur bï wo we thuöör piny) ke yɛn cïï duëër yäär.

2 Kor 10:8 ပူးပေါင်းရင်းမြစ်များ

2 Kor 1:24

Ku acie luɔi ee wok week cieŋ, wok ee kɔc ee week kony në miɛt bä we piɔ̈ɔ̈th miɛt: ee gämdun en a kääc wek.

2 Kor 10:4

Wëukuɔn ke tɔŋ acïkï ee ka ke guöp, ayek riɛl ëtör ë Nhialic nɔm, bïk alocdït ril aa dhuöör piny,

2 Kor 10:9

Ku yɛn cïn piɔ̈u luɔi bän we tɔ riɔ̈c në awereek.

2 Kor 12:19

Cöök däŋ an, yak lueel an, konyku röt ë wenïïm ë caŋawën? Wok jam ë Nhialic nɔm ë Kërtho yic. Ku ka luelku kedhie, wek kɔc nhiaar, ee ka ke kuɛ̈t bï we kueet.

2 Kor 12:6

Ku na cak piɔ̈u dɛ luɔi bän rɔt leec, ke yɛn cïï duëër aa raan mum nɔm, luɔi ee yen yic en bä lueel, ku ënɔɔnë acä pɔ̈l, ke cïn raan bï a tɔ ye raan dït awär tïŋ tïŋ en ɛn, ku wɛ̈ɛ̈r kë cï piŋ në këdï.

2 Kor 13:10

Yen a gäär ɛn kakë ke ya liu ë weyiic, ke we cä bï dhil nen ë nën rac miäk të cän bɛ̈n, ago riɛl cïï Bɛ̈nydït gäm ɛn, ago aa këde yïŋ de käŋ, ku acie këde dhuur ë käŋ piny.

2 Kor 13:8

Wok cïn ater duëërku lueel ë yic, ee män mɛt wok ë yic, en anu.

2 Kor 7:14

Ku na de kë cä lɛ̈k en ë lɛc lɛɛc ɛn rɔt ë week, ke yɛn kën yäär, ku acït man cï wo week lɛ̈k käŋ kedhie në yic, ayï lɛcdan ë wo röt lɛ̈c week ë Tito nɔm, acï aa yic aya.

2 Kor 7:4

Yɛn cï a nyin riil aläl, të jaam ɛn wo week, ku lɛɛc rɔt aläl në biäkdun: yɛn cï riit piɔ̈u aläl ka cïn däŋ kaar, yɛn mit piɔ̈u arëët awär këriëëc në këtuc dhal wook ëbɛ̈n.

Galatai 1:1

Yɛn Paulo, tuc, ku cä ye tuny ë kɔc, ku acie raan en ee toc ɛn, ee Yecu Kërtho, kekë Nhialic Wääda, Raan ë jɔt en ë kɔc cï thou yiic.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.