2 Kor 10:7 - JAM DE NHIALIC 2011

⁷ Yak käŋ woi në këde tïc ee kek tïc biic? Na de raan ŋic rɔt nɔn ee yen këde Kërtho, ë be cöökë thɔ̈ɔ̈ŋ ë yepiɔ̈u aya an, Acït man ee yen këde Kërtho, yen aye wok aa ka ke Kërtho ayadäŋ.

2 Kor 10:7 ပူးပေါင်းရင်းမြစ်များ

Math 23:5

Ayek luɔiden looi ëbɛ̈n ke ke bï tïŋ ë kɔc, ayek wɛlkɛn yek cieŋ tɔ lääu yiic, ku tɔkï lupɔɔken dït thook.

Luk 16:15

Go keek yɔ̈ɔ̈k an, “We ye röt tɔ ye kɔc piɛthpiɔ̈ɔ̈th ë kɔc nïïm, ku Nhialic aŋic wepiɔ̈ɔ̈th tei: kë de naamde tëde kɔc ee kënhiany tëde Nhialic.

Jɔn 7:24

Duökï löŋ ë guiir në kë cï tïc tei, yak löŋ piɛth guiir.”

1 Kor 1:12

Ku ënɔɔnë, we lɛ̈k kënë an, Raan ëbɛ̈n në weyiic, aye ŋɛk lueel an, “Yɛn ee raan ë Paulo,” ku lueel ŋɛk an, “Yɛn ee raan ë Apolo,” ku lueel ŋɛk an, “Yen ee raan ë Kepath,” ku në ŋɛk an, “Yɛn ee raan ë Kërtho.”

1 Kor 14:37

Ku na de raan cï rɔt tɔ ye tiët ee wël guiir, ayï raan ŋic ka ke Wëi, ke gam ka gäär week, nɔn ee kek ka cïï Nhialic thɔ̈n kɔc.

1 Kor 15:23

Ku raan ëbɛ̈n ŋɛk ke kööldɛn röŋ ke ye: Kërtho ee kë cï kɔn luɔk, miäk, ke kɔc ke Kërtho abïk röt lɔ̈ɔ̈k jɔt ëkööl bï en bɛ̈n.

1 Kor 3:23

ku wek ee ka ke Kërtho, ku Kërtho ee këde Nhialic.

1 Kor 9:1

Cä ye tuc? Cä ye cath ë këde yenhdï? Kɛ̈n Yecu Kërtho Bɛ̈nydïïtda tïŋ? Week, cäkï ë luɔidï ë Bɛ̈nydïtic?

2 Kor 10:1

Ku yɛn Paulo guöp, wek yɔ̈ɔ̈k në kuur cï Kërtho rɔt tɔ koor ku në liɛɛr ë yenpiɔ̈u, yɛn raan cïn naamdï ë weyiic të wɔi wek ɛn, ku nɔn liɛɛu ɛn, yɛn cï nyin riɛl tëde week:

2 Kor 11:18

Ënɔn juëc ë kɔc ee röt leec në këde guöp, ke yɛn aya yɛn bï rɔt leec.

2 Kor 11:23

Yek kɔc ë ka ke Kërtho looi? (Yɛn jam cït raan jiɛɛm wei) awäär ke, ë luɔi tuc, en awäär ɛn keek, ku wäär keek ë dui cïï duëërë kueen, ku mäny ee ya cool ë mɛcë yɛn ë aloc yiic, ku ŋïny aa yɛn cool ë ŋïc rɔt thuɔɔu.

2 Kor 11:4

Ku na raan bɔ̈ ënɔɔnë, tën ee yen këde Kërtho däŋ guiir, Kërtho kën wo këde guiir, ku të yök wek wëi mɛɛn wëi kɛ̈nkï yök wään, ayï wëlpiɛth mɛɛn wël kɛ̈nkï gam wään, aduɛ̈ɛ̈rkï yiɛ̈n guum apiɛth.

2 Kor 12:11

Yɛn cï aa raan mum nɔm ë lɛc lɛɛc ɛn rɔt, we cï a dhil tɔ lec rɔt, adï cäk a leec week: acïn kë ye tuuc a wöör acakaa tuuc dïït nu tueŋ aläl, acakaa yɛn ë cïn këdäŋ.

2 Kor 13:3

Luɔi kaar wek ŋïny bä wek e ŋic ëgɔk nɔn jiɛɛmë Kërtho ë yathok, ku yen acïï kɔ̈c tëde week, aril aläl ë weyiic:

2 Kor 5:12

Ku wo cïï röt ee bɛ lɛ̈c week, wek ayok tɔ yök kë duɛ̈ɛ̈r wek röt leec në biäkda, ke we bï dɛ kë bä wek kɔc bɛ̈ɛ̈r, kɔc ee röt leec në kë cï tïc tei, ku cïkï röt ee leec në kë nu ë raan piɔ̈u.

Galatai 3:29

Ku të ya wek kɔc ke Kërtho, ke wek ee kɔ̈th de Abraɣam, ku yak kɔc bï käŋ lɔ̈ɔ̈k lak, acït man ë kë cï kɔn lueel.

1 Jɔn 4:6

Wok ee kɔc ke Nhialic: raan ŋic Nhialic ka ye këda piŋ, ku raan cie këde Nhialic ka cïï këda ee piŋ. Ŋïny ŋic wok wëi ke yic, ku wëi ke lueth kï.

1 Tham 16:7

Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”