2 Kor 10:1 - JAM DE NHIALIC 2011

¹ Ku yɛn Paulo guöp, wek yɔ̈ɔ̈k në kuur cï Kërtho rɔt tɔ koor ku në liɛɛr ë yenpiɔ̈u, yɛn raan cïn naamdï ë weyiic të wɔi wek ɛn, ku nɔn liɛɛu ɛn, yɛn cï nyin riɛl tëde week:

2 Kor 10:1 ပူးပေါင်းရင်းမြစ်များ

Diɛt 45:4

Në bäänydu lɔ tueŋ në tiëm, në biäk bï yïn yic kony kekë piathëpiɔ̈u. Riɛldu abï yïn yiɛ̈n tiëm dït!

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Math 11:29

Damkï luɔidï, ku yak röt piɔ̈ɔ̈c ë yɛn, yɛn ŋic rëër ëmääth, ku yɛn ee rɔt tɔ koor, ke we bï lɔ̈ŋ yök ë wepiɔ̈ɔ̈th.

Math 21:5

“Yɔ̈ɔ̈kkï nyan de Dhiɔn an, “Tïŋ, melikdu abɔ̈ të nu yïn! Ë rɔt kuɔɔr piny, ku acath ë mul kɔ̈u, ku ciɛth ë dau kɔ̈u dan ë mul.”

Luɔi 8:32

Ku të wën kueen en këcïgɔ̈ɔ̈ric acï gɔ̈ɔ̈r alë an: “Acï thel cït man ë amäl le teem röl, Ku cït man ë nyɔɔŋ amääl lɔ lik ë raan nɔm raan tem nhïmke, Yen a miim en aya.”

Romai 10:20

Ku Yithaya ë ŋeeny arëët lueel an: “Yɛn cïï kɔc yök, kɔc ë kën a kɔɔr, Yɛn cï rɔ nyuöth kɔc, kɔc ë kën a luɔp.”

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 15:15

Ku we cä gäär cök kɔ̈k ke ya ril nyin arëët, ë täŋ täk ɛn wenïïm në kë cäk kɔn ŋic, në baŋ de dhuëëŋ cï Nhialic gäm ɛn.

1 Kor 2:3

Ku yɛn aaye rëër ë weyiic ke ya kɔ̈c, ku riääc, ku lɛthë yɛn arëët.

1 Kor 4:10

Wok ee dhän në baŋ de Kërtho, ku wek ee kɔc pelnïïm ë Kërtho yic! Wok kɔ̈c gup, ku wek ril! Wok cïn naamda, ku wek de nïïm dhuëëŋ!

1 Kor 4:21

E wepiɔ̈ɔ̈th wäkdï? Bä bɛ̈n tëde week ke ya muk thieny duöi ɛn week, ku bä bɛ̈n wokë nhiëër ku piɔ̈n ril.

2 Kor 10:10

Ade kɔc ee ye lueel an, “Kakɛn cï gɔ̈ɔ̈r aciɛthkï në löŋ thiek, ku rilkï, ku täu de yenguöp akɔ̈c, ayï jamde acïn nɔm!”

2 Kor 10:2

ku wek a läŋ, duökï ya tɔ ŋeeny të nuö yɛn, në ŋeeny cä lueel an, bä kɔc kɔ̈k dhil ŋɛ̈ny kɔc ee jam ë wook an, yok rëër ë rëër ë guöp tei.

2 Kor 10:7

Yak käŋ woi në këde tïc ee kek tïc biic? Na de raan ŋic rɔt nɔn ee yen këde Kërtho, ë be cöökë thɔ̈ɔ̈ŋ ë yepiɔ̈u aya an, Acït man ee yen këde Kërtho, yen aye wok aa ka ke Kërtho ayadäŋ.

2 Kor 11:21

Yɛn jam ee jam ë raan cïn naamde, acït man kɔ̈c wok. Ku na de kë bï raan e nyin riil, (yɛn jam ë jam ë mumënɔm), ke yɛn cï a nyin riil aya.

2 Kor 11:30

Na de kë bän rɔt dhil leec, ke yɛn bï rɔt leec në kak aa yɛn ke kɔ̈c ë ke.

2 Kor 12:5

Në këde raan cït ee kënë, en a bän rɔt leec: ku në këdï guöp yɛn cïï rɔt bï leec, ee kɔ̈c kääc ɛn tei, en a bän rɔt leec.

2 Kor 3:12

Yen ka, nɔn ciɛth wok ë aŋäth yïnya, wok ee jam ke wo ril nyïïn aläl.

2 Kor 5:20

Ku ënɔɔnë wok ee tuuc ke Kërtho, acït man lɛ̈ŋ ë Nhialic kɔc në wothook: wek läŋku në biäk de Kërtho an, bɛkï määth në Nhialic.

2 Kor 6:1

Ku nɔn ee wok luui në yen ëtök, en a lɛ̈ŋ wo week, ke we cïï dhuëëŋ de Nhialic piɔ̈u nöm ë ɣɔ̈ric.

2 Kor 7:4

Yɛn cï a nyin riil aläl, të jaam ɛn wo week, ku lɛɛc rɔt aläl në biäkdun: yɛn cï riit piɔ̈u aläl ka cïn däŋ kaar, yɛn mit piɔ̈u arëët awär këriëëc në këtuc dhal wook ëbɛ̈n.

Galatai 4:13

Ku aŋiɛckï nɔn cän wëlpiɛth kɔn guiëër week në kɔ̈c kääc ɛn guöp.

Galatai 5:2

Wɔikï da! Wek lɛ̈k, yɛn Paulo an, të bï we cueel, ke Kërtho acïn piathdɛn bï nu tëde week.

Epethiei 3:1

Yen aye yɛn raan ë Yecu Kërtho raan cï mac në biäkdun week wek Juöör, läŋkï Nhialic.

Epethiei 4:1

Ya kï, yɛn ee raan cï mac në këde Bɛ̈nydït, wek läŋ nɔn bä wek rëër ë rëër piɛth rëër röŋ ke cɔ̈t ë cɔɔlë week.

Pilipoi 4:5

Liɛɛr aa wek piɔ̈ɔ̈th liɛɛr takï ŋic kɔc kedhie. Bɛ̈nydït athiɔ̈k.

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

2 Theth 3:17

Thiëcdï kï, yɛn Paulo, thiëc cä gɔ̈ɔ̈r ë yacin, ku yen ee ŋïny bä wek e ŋic ë awereek yiic kedhie: gäär aa yɛn gär kï.

Pile 1:19

Yɛn Paulo, acä gɔ̈ɔ̈r ë yaciin guöp, abä cool: ku yɛn acä duëër lɛ̈k yïn en yöŋ cï yïn wëiku yök tëde yɛn aya.

Pile 1:9

Ku në biäk de nhiëër nhiaar ɛn yïn, yïn läŋ tei, yɛn raan cɔl Paulo mony cï dhiɔp, ku ye raan mac ënɔɔnë aya në baŋ de Yecu Kërtho.

1 Pet 2:11

Wek kɔc nhiaar, wek läŋ, luɔi ciët wek kamaan ku ciëtkï kɔc cï ɣap ë wuöt lei, ke we bï ŋɔ̈ɔ̈ŋ de kake piny nɔm aa pɔ̈l, ee ke ye tɔŋ biök në wëikun.

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.