2 Jɔn 1:12 - JAM DE NHIALIC 2011

¹² Yɛn de kajuëc duɛ̈ɛ̈r gäär week, ku yɛn cïn piɔ̈u gäär bän awerek gɔ̈ɔ̈r në miök ë gäär: ee bɛ̈n bän bɛ̈n tëde week, yen ŋääth, agoku jam ke wo tuum wonïïm, ke wo bï piɔ̈ɔ̈th a yum ë miɛtëpiɔ̈u.

2 Jɔn 1:12 ပူးပေါင်းရင်းမြစ်များ

Kuɛ̈n 12:8

Të jiɛɛm wok, wok ee wothook tuööm, ku jamku në ka yökiic, acie kën muɔɔny, ka acï tɔ̈u de Bɛ̈nydït tïŋ. Ka eeŋö tɔ week jiëëm awundiën Mothe guöp ke wek cïï gup riɔ̈c?

Jɔn 15:11

Kakë acä ke lɛ̈k wek, ke miɛt ë yɛnpiɔ̈u bï rëër ë weyiic, aguɔkï piɔ̈ɔ̈th miɛt abäk piɔ̈ɔ̈th ayum.

Jɔn 16:12

“Yɛn de kajuëc ŋoot ka bä lɛ̈k week, ku acäkï ke duëër lëu ë muk ënɔɔnë.

Jɔn 16:24

Aɣet cï ënɔɔnë acïn kë cäk lip në rinkï: yak lip, ke we bï aa miɔɔc, aguɔkï piɔ̈ɔ̈th miɛt abäk piɔ̈ɔ̈th a yum.

Jɔn 17:13

Ku ënɔɔnë, yɛn lɔ tëde yïn, ku yɛn luel kakë ë piny nɔm, ë luɔi bï kek cath ë miɛt de yɛnpiɔ̈u, abïk piɔ̈ɔ̈th a yum.

Jɔn 3:29

Raan thiak nyan lueelë thiëëkë, yen aye monythiëk: ku mɛ̈thë monythiëk, raan kääc ëtɛ̈ɛ̈n ku piŋ jamde, ee piɔ̈u miɛt aläl ë röl ë monythiëk: miɛt miɛt ɛn piɔ̈u kï, acï guɔ aa yic.

Romai 15:24

ke yɛn bï jɔ lɔ tëde week, miäk të keny ɛn Tarcic, (yɛn de piɔ̈u luɔi bän we tïŋ miäk të tɛ̈ɛ̈k ɛn, aguɔkï ya ruac kueer lɔ tɛ̈ɛ̈n, të cän piɔ̈u kɔn a yum ëmääth ë abärɔdun).

2Tim 1:4

Ciët aa yɛn a nɔm cät ë pïïu ke yïnyin, yen aa ya yɛn yïn tak aläl, adï tiëŋ yïn, ke ya bï piɔ̈u miɛt abä piɔ̈u a yum.

Pile 1:22

Ku guik të bän rëër aya: yɛn ŋäth nɔn bï a yiɛ̈n week në këde lɔ̈ŋduön aa wek lɔ̈ŋ.

Ɣeberuu 13:19

Yɛn yatök wek kaar bäk lɔ̈ŋ në luɔi bän bɛ̈n aguɔ week dap bɛ̈n neem.

Ɣeberuu 13:23

Ku jakï ŋic luɔi cïï mänhëdan Timotheo lony ɣön ë döm, ku të cïï yen dap bɛ̈n, abä luath kekë yɛn ëtök, agoku lɔ yök.

1 Jɔn 1:4

ku kakë kek agäärku, ke wo bï piɔ̈ɔ̈th miɛt abuk piɔ̈ɔ̈th ayum.

3 Jɔn 1:10

Yen abän a nɔm tak ë luɔidɛn looi, të cän bɛ̈n, ee wo lɛ̈k jam rɛɛc ɣɔ̈ric: ku acie kuɛth ë luɔiyë, yenguöp ee mïthëkɔckuɔ rɛɛc tɔ ye kamaan, ku jɔ kɔc aa pëën aya, kɔc kɔɔr luɔi bï kek ke tɔ ye kamaan, arëk abï ke ciɛɛc wei ë ɣön ë Nhialic yic.