1 Tim 6:20 - JAM DE NHIALIC 2011

²⁰ Yïn Timotheo, ye kë cï kuɛ̈i yïn cök ë tiit yïn en, ku ye rɔt kɔl ë jam ë dhɔ̈ɔ̈n jam ɣɔ̈ric cïnic riëëu, ayï ater ë kë cï tɔ ye ŋïnydekäŋ ke ye lueth:

1 Tim 6:20 ပူးပေါင်းရင်းမြစ်များ

Luɔi 16:1

Go ɣet Derbe ku Luthura aya, ku ade raanpiööcë ëtɛ̈ɛ̈n, cɔl Timotheo, wën ë tiiŋ cï gam, ku ye nyan e Judai, ku wun ee Girikii.

Luɔi 17:18

Ku ade kɔc pel nïïm, ke yï Epikuriin ku Thotoikoi, kɔc cï e gëk. Go kɔc kɔ̈k lueel an, “Raan wööŋë bï ŋö lueel?” Ku lueel kɔ̈k an, “Acït kë guiir jam de yiëth mɛɛn kucku.” Në guïïr cï Paulo keek guiëër jam de Yecu, ku jön bï kɔc röt jɔt.

Luɔi 17:21

(Kɔc ke Athenai kedhie ku kamaan ee tɔ̈u ëtɛ̈ɛ̈n acïn luɔi däŋ yek looi, ee luɔi bï kek ka cï piac bɛ̈ɛ̈i ya lueel tei, ku pïŋ bï kek keek aa piŋ).

Romai 1:22

Aake ye röt tɔ ye kɔc pelnïïm, ku acïk aa kɔc piɔlpiɔ̈ɔ̈th,

Romai 3:2

Piathden adït në cök ëbɛ̈n. Ku cöök dït, kï, tɛ̈ɛ̈u cï wël ke Nhialic tääu ë Judai cin.

1 Kor 2:6

Ku wok ee jam de pɛlënɔm lueel wokë kɔc cï ŋuɛ̈ɛ̈n, ku acie pɛlënɔm ee pinyë ënɔɔnë, ku acie pɛlënɔm ë bänydït ke pinyë nɔm, bäny bï ciën naamden rial.

1 Kor 3:19

Pɛlënɔm ee pinyë ee dhɔ̈ɔ̈n tëde Nhialic, luɔi cï ë gɔ̈ɔ̈r an, “Aye kɔc pelnïïm dɔm në ruëënydenic”,

Kolothai 2:18

Duökï röt tɔ pënë raan ariöpduön bäk yök, në kuur ee yen rɔt kuɔɔr piny ku läm ee yen tuucnhial lam, raan ë pëk ë ke cï yök ë nyuöthic, ee rɔt tɔ dït ë ɣɔ̈ric, në piɔ̈ndɛn cï tuöm ka ke piny,

Kolothai 2:8

Yak röt tiit, ke cïn raan bï we puk piɔ̈ɔ̈th në nhiëër ë pɛl ku në ruëëny ɣɔ̈ric, në jam thɛɛr ë kɔc, ku në jam de jɔɔk ke piny nɔm, jam cie këde Kërtho.

2 Theth 1:4

Yen a leec wok röt në week ë ɣööt ke Nhialic yiic në biäk de liɛɛr ë wepiɔ̈ɔ̈th ku gäm cä wek gam ë yöŋic ëbɛ̈n yöŋ ee we yɔŋ, ku në katuc dhal week kedhie katuc yak guum.

2 Theth 2:15

Yen ka, wek mïthëkɔckuɔ, yak jɔ kɔ̈ɔ̈c aril, ku yak wël cï yiɛ̈n kɔc döt wël cï we wɛ̈ɛ̈t ë keek, nɔn ee yen jam de raan thok, ku nɔn ee yen awerek cuk gɔ̈ɔ̈r.

1 Tim 1:11

kë cïï räm kekë wëlpiɛth ke dhuëëŋ de Nhialic de athiɛɛi, wëlpiɛth cï tääu ë yacin.

1 Tim 1:2

Ee Timotheo en gäär, ee mɛnhdiën yic në gämic: Ë dhuëëŋdepiɔ̈u ë ye tɔ̈u ke yïn, ku kokdepiɔ̈u, ku mät, në ke bɔ̈ tëde Nhialic Wääda ku Kërtho Yecu Bɛ̈nydandït.

1 Tim 1:4

Ku duökï päärëkɔ̈ɔ̈r ee piŋ, ayï jam de rɛm thɛɛr, jam cïn pëkde, ee kak ee teer bɛ̈ɛ̈i tei, ku acïkï kɔc ee tɔ kuet në ka ke Nhialic ku në gäm: jɔ keek aa yɔ̈ɔ̈k wuya, mɛnhdï.

1 Tim 1:6

Kakë acï kɔc kɔ̈k ke ke röt yal, ku jɔkï kepiɔ̈ɔ̈th wɛ̈l jam ɣɔ̈ric.

1 Tim 1:9

Në luɔi ŋic wok kënë an, Löŋ akënë tääu në këde raan piɛthpiɔ̈u, ee këde kɔc reec löŋ gam kɔc ee löŋ yalic, yen aa tɛ̈ɛ̈uwë ye, ayï këde kɔc reec Nhialic gam ku kɔc ee kërac looi, këde kɔc cïn piɔ̈ɔ̈th riëëu ku cïnku gup athɛɛk, këde kɔc ee wärken dui ku duikï märken, këde kɔc ee kɔc nɔ̈k,

1 Tim 4:7

Ye kɔ̈ɔ̈r rɛɛc ka ye kɔc paar në ka ke piny, ayï ka ye dɔɔc paar. Ye rɔt them në riëëu ee yïn Nhialic riëëu.

1 Tim 6:11

Ku yïn, yïn raan de Nhialic, ye kat ee kakë, ku ye piathëpiɔ̈u cop, ku cop riëëu de Nhialic, ku gäm, ku nhiëër, ku liɛɛrëpiɔ̈u, ku rëër ëmääth.

1 Tim 6:14

Yïn than an, ye jam döt apiɛth, acïn tëthiin col, ku cïn kë bï yï gɔ̈k, aɣet tïc bï Bɛ̈nydan Yecu Kërtho tïc.

2Tim 2:1

Yeka mɛnhdï, ye riɛl në dhuëëŋdepiɔ̈u nu ë Kërtho Yecuyic.

2Tim 2:16

Ku yïn bï rɔt tɔ̈ɔ̈u pei ë jam ë dhɔ̈ɔ̈n jam ɣɔ̈ric cïnic riëëu: jam cït ee kënë abï lɔ ke lɔ, ago reec ee kɔc Nhialic rɛɛc go rɔt ŋuak.

Tito 1:14

ku cïkï kɔ̈ɔ̈r ee Judai paar ee piŋ, ayï lööŋ lueel kɔc tei, kɔc ee röt yal wei ë yicic.

Tito 1:4

Awerek en gäär Tito, mɛnhdiën yic në këde gämdan cuk rɔm ëtök. Ë dhuëëŋdepiɔ̈u ku mät ë ke ye tɔ̈u në yïn, në ke bɔ̈ tëde Nhialic Wääda kekë Bɛ̈nydït Yecu Kërtho Konyda.

Tito 1:9

Raan ee wël yith ŋiëc döt cït man cï e wɛ̈ɛ̈t, luɔi duëër en kɔc riit piɔ̈ɔ̈th në wëët piɛth, ku ŋic kɔc jäny en guut ë löŋ.

Tito 3:9

Ku kääcë ya në lop ee kɔc luɔp ë ɣɔ̈ric, ku jam në këde kuarken ë kɔc, ku ateer, ku teer ee kɔc teer në këde löŋ, kakë acïn këpiɛth ee yök thïn, ee ka ɣäär yiic.

Nyuuth 3:3

Yen tɛk yïn yïnɔm ë yöŋ cï yïn käŋ yök ku pïŋ cï yïn käŋ piŋ, ku jɔ ke döt, ku puk yïpiɔ̈u. Ku be, an, rɛɛcë rɔt tiit, ke yɛn bï bɛ̈n tëde yïn cït man ë cuɛ̈ɛ̈r, ku thaar bän bɛ̈n tëde yïn abä kuc ëliŋliŋ.