1 Tim 6:16 - JAM DE NHIALIC 2011

¹⁶ Yen etök, yen acath ke ciën thuɔɔu, ku ye rëër tëɣer të cïn raan duëër thiääk ke ye, Raan cïn raan cï ye tïŋ, ku cïï duëërë tïŋ aya: ëye tɔ̈u ke riëëu ku riɛldït aɣet athɛɛr ya. Amiin.

1 Tim 6:16 ပူးပေါင်းရင်းမြစ်များ

Jop 37:23

Awärjäŋ aril, ka wok cïï bï bɛ̈n ë Yelɔ̈ɔ̈m, Yen ade nɔm riɛldït ku yic, Ku acïï piathëpiɔ̈nde duëër kɔn pɔ̈l.

Diɛt 104:2

Yïn cï rɔt kuöm piny në ɣɛɛr. Yïn cï paannhial thiɛth piny cït man ë paany

Diɛt 90:2

Ɣɔn kënë kur kɔn cak, ku ɣɔn kënë pinynɔm kɔn bɛ̈n, Yïn ee Nhialic tɔ̈u athɛɛr, ku Yïn bï tɔ̈u aɣet athɛɛr.

Bɛ̈n 3:14

Go Nhialic lɛ̈k en an, “Yɛn aye Yen. Abä lɛ̈k keek an, ‘Raan cɔl Yɛn aye Yen, yen aa tuc ɛn week.’

Bɛ̈n 33:20

Yïn cä bï tɔ tïŋ A nyin, në luɔi cïn en raan ee Ya tïŋ nyin ku be pïïr.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Ɣabakuk 3:4

Të cï Yen bɛ̈n ee riau cït man ë mac ayï ciinde ee lɔ bërët, yen të cï Yen riɛlde thiaan ka.

Jɔn 1:18

Acïn raan cï Nhialic kɔn tïŋ ëkööl tök, ee Wën töŋdɛn cï dhiëëth etök, Wën nu ë Wun yɔu, yen aa nyuuth en.

Jɔn 14:9

Go Yecu yɔ̈ɔ̈k an, “Cä rëër wo week ë caŋɣɔn, ku ŋuɔɔtë ke yï kuc ɛn, Pilip? Raan cï a tïŋ, ka cï Wääda tïŋ aya, ku eeŋö lueel yïn en an, ‘Nyuöthë wook Wääda?’

Jɔn 6:46

Acïn raan cï Wääda tïŋ tei, ee raan bɔ̈ tëde Nhialic etök, yen acï Wääda tïŋ.

Jɔn 8:58

Go Yecu ke yɔ̈ɔ̈k an, “Wek yɔ̈ɔ̈k ëyic an, ɣɔn ŋootë Abraɣam ke liu, ‘Yɛn ë nu.”’

Epethiei 3:21

ë lɛc tɔ̈u ke Nhialic në ɣön ë Nhialic yic ku në Kërtho Yecu yic në rɛm yiic ëbɛ̈n aɣet thɛɛr wadäŋ. Amiin.

Nyöŋ 32:40

Yɛn yɔɔk ya ciin nhial ku kuɛ̈ɛ̈ŋ në yic, Yɛn Nhialic pïïr.

Pilipoi 4:20

Ku ënɔɔnë ë lɛc tɔ̈u kekë Nhialic yen aye Wääda, aɣet athɛɛr ya. Amiin.

Kolothai 1:15

Yen acït guöp Nhialic Raan cïï duëërë tïŋ, ku ye kɛ̈ɛ̈i ë ka cï cak ëbɛ̈n.

1 Tim 1:17

Ku ënɔɔnë, Melik tɔ̈u aɣet athɛɛr ya, ke cïï dhiap, ku cïï duëërë tïŋ, Yen Nhialic de nɔm pɛl etök, ë riëëu ku dhuëëŋ ë ke ye tɔ̈u në Yen aɣet wadäŋ thɛɛr. Amiin.

Ɣeberuu 13:8

Yecu Kërtho acïï rɔt ee waar, atɔ̈u ë täude anande, aa nu ɣɔn thɛɛr, ku ee köölë, ku abï nu aɣet athɛɛr.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

1 Jɔn 1:5

Ku kënë ee thön cuk piŋ tëde yen, ku guïïrku week an, Nhialic ee ɣɛɛrëpiny, ku acïn cuɔl cath ke yen ëtaitai.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

1 Jɔn 4:12

Acïn raan cï Nhialic kɔn tïŋ anande: të nhiɛɛr wok röt, ke Nhialic arɛ̈ɛ̈r ë woyiic, go nhiëërde tɔ ye dikëdik ë woyiic:

Juda 1:25

Nhialic pelnɔm, cïn Nhialic ee kek rou, ku ye Konydan ë wëi në Yecu Kërtho Bɛ̈nydïïtda, ë dhuëëŋ ë ye tɔ̈u ke yen, ku dït, ku riɛl, ku bɛ̈ɛ̈ny, ɣɔn thɛɛr ya ayï ënɔɔnë, aɣet athɛɛr ya. Amiin.

Nyuuth 1:6

ku cï wo tɔ ye Meliik ku bäny ke ka ke Nhialic ë Nhialic Wun nɔm. Ë dhuëëŋ ë ye tɔ̈u ke yen ayï ciɛɛŋ aɣet athɛɛr ya! Amiin.

Nyuuth 1:8

Acïï Bɛ̈nydït Nhialic, Raan nu, ku aa nu, ku abï bɛ̈n, Raan ee käŋ lëu ëbɛ̈n lueel an, “Yɛn aye tueŋ ku ya ciëën, göl ë käŋ ku thök ë käŋ.”

Nyuuth 21:3

Guɔ röl dïït ë raan piŋ abɔ̈ paannhial, lueel, an, “Tiëŋkï, paany de Nhialic atɔ̈u ke kɔc, ku abï rëër ke keek, agokï aa kɔcke, ku Nhialic guöp abï tɔ̈u ke keek, ago aa Nhialicden:

Nyuuth 22:5

Ku acïn wakɔ̈u bï bɛ nu, ku acïkï manyëalath ee kɔɔr, ayï ruɛl ë akɔ̈l, Bɛ̈nydït Nhialic en abï pinyden riaau, ku abïk piny cieŋ aɣet wadäŋ thɛɛr.

Nyuuth 4:11

“Ee kë rɔ̈ŋ ke yïn, yïn Bɛ̈nydït, luɔi bï yïn lɛc yök ku yök riëëu ku riɛldït. Ë luɔi cï yïn käŋ cak kedhie, ku në këde piɔ̈ndu yen anu kek, ku yen aa ciɛkë ke.”

Nyuuth 7:12

luelkï, an, “Amiin: Athiɛɛi, ku dhuëëŋ, ku pɛlënɔm, ku thieithieei, ku riëëu, ku riɛldït, ku riɛl ee käŋ lëu, ë ke ye tɔ̈u në Nhialicda aɣet wadäŋ thɛɛr ya. Amiin!”