1 Tim 6:11 - JAM DE NHIALIC 2011

¹¹ Ku yïn, yïn raan de Nhialic, ye kat ee kakë, ku ye piathëpiɔ̈u cop, ku cop riëëu de Nhialic, ku gäm, ku nhiëër, ku liɛɛrëpiɔ̈u, ku rëër ëmääth.

1 Tim 6:11 ပူးပေါင်းရင်းမြစ်များ

1 Mel 13:1

Na wën ke raan de Nhialic bɔ̈ në Juda ke bïï jam de Nhialic Bethel, ku Jerobowam aa kääc ë yïk nɔm ke gɛm miɔ̈c ë wal ŋïr.

1 Mel 13:26

Na wën aacï tiët cï dhiɔp e piŋ, ke lueel an, “Kënë ee raan de Nhialic cïï löŋ de Bɛ̈nydït ee döt, ka cïï Bɛ̈nydït tuöc köör bï ye lɔ mak ku nɛ̈k, cït man cïï Bɛ̈nydït ye lueel an bï looi.”

1 Mel 17:18

Go tiiŋ thuööm lɛ̈k Elija, an, “Raan de Nhialic eeŋö lui yïn ɛn ee kënë? Ee yï bɔ̈ eenë bä Nhialic bɛ̈n täk nɔm në awɛ̈ɛ̈ckï ku tɔ wëndï thou?”

1 Mel 17:24

Go tik bɛ̈ɛ̈r, an, “Yïn cä jɔ ŋic ënɔɔnë luɔi yïn raan de Nhialic, ku jam ë Bɛ̈nydït lueelë ee yic!”

1 Mel 20:28

Go raan de Nhialic bɛ̈n tëde Aɣap melik de Yithriɛl, ku lueel, an, ‘Acïï Bɛ̈nydït lueel në biäk cï kɔc ke Thiriya e lueel an, ‘Bɛ̈nydït ee Nhialic de kur nïïm ku acie Nhialic de riaaŋic ka ënɔɔnë Yɛn bï akuut dïït de remdɛn ë tɔŋ ëbɛ̈n tääu në wecin, yen abïï wek e jɔ ŋic nɔn ee Yɛn Bɛ̈nydït.”’

2 Mel 1:13

Na wën ke melik ë be bɛ̈ny ë rem de tɔŋ ee kek diäk bɛ tuöc en kekë kɔcke kathiërdhïc, go lɔ nhial në kuur nɔm, ku cuɛt rɔt piny ku tuk e miɔl në Elija nɔm, ku lïm ke cï röt kuɔɔr piny an, “Raan de Nhialic yïn läŋ bä wëikï pɔ̈l ku wëi ke lïïmku kathiërdhïc!

2 Mel 1:9

Go bɛ̈ny ë rem de tɔŋ tuɔɔc kekë kɔc kathiërdhïc bïk Elija lɔ bɛ̈ɛ̈i, go bɛ̈ny ë rem de tɔŋ ye lɔ yök ke rɛ̈ɛ̈r në kuur nɔm, ku lëk en an, “Raan de Nhialic, yïn cï melik yɔ̈ɔ̈k an, bä piny.”

2 Mel 23:17

Go lop an, “Eeŋa de ë raŋë? Go kɔc ke Bethel bɛ̈ɛ̈r an, “Ee raŋ de raan de Nhialic ë bɔ̈ Juda, ku ciɛɛr ee ka cï luöi ee yïïŋë.”

2 Mel 5:20

go Geɣadhi lïm de raan de Nhialic piɔ̈u jam ku lueel an, “Bɛ̈nydï acï Naaman tɔ jäl ke cïn kë tɛ̈ɛ̈u piny! Adï cï ka cï raan de Thiriya ke gäm en nööm. Yɛn cï kuëëŋ në Bɛ̈nydït pïïr, abä cuɔp kueer, ku yɛn bï këdäŋ lɔ nööm tëde yen.”

1 Lëk 23:14

Ku wɛ̈ɛ̈t ke Mothe raan de Nhialic acï keek bɛ̈n mat ë kɔc ke Lebai yiic.)

2 Lëk 8:14

Në baŋ kuany en lööŋ cïï Debid wun keek tääu piny, go luɔi de bäny ke kake Nhialic guiir, ku Lebai ee bäny ke kake Nhialic kuɔny në diɛt ke alɛɛc ku luɔi. Ku guïïr kɔc ee kal tiit thok në täu bïï kek luɔi aa looi aköölnyïïn kedhie, në kɛ̈l thook ëbɛ̈n, cït man ë kë cï Debid looi raan de Nhialic.

Neɣe 12:24

Rin ke bäny mac ɣööt ke Lebai thook ee yï: Ɣacabia, Cerebia, Jecua, Binui, ku Kadmiel, ku kɔc ke Lebai acïk röt guiir në akuut kaarou: kakë ayek kɔ̈ɔ̈c në ke lɔ̈m ke ke kiit diɛt ke alɛɛc ku piɔ̈ny, ku jɔ kɔ̈kkë ke aa gam rɔ̈t cït kë cï wɛ̈ɛ̈t ë melik Debid, raan de Nhialic.

Neɣe 12:36

Ku kuany cök ë kɔc kɔ̈k ke dhiënden yï: Cemaya, ku Adharel, ku Milalai, ku Gilalai, ku Maai, ku Nethaniɛl, ku Juda, ku Ɣanani, ku lɔ kɔc kedhie ë cath ë thoom gutkï cït ka ɣɔn ee Melik Debid gut, raan de Nhialic. Ku wat keek në Edhera raan ee löŋ wɛ̈ɛ̈t.

Diɛt 34:14

Päl kërac ku loi këpiɛth, ye mät kɔɔr në piɔ̈ndu ëbɛ̈n.

Diɛt 38:20

Ayek këpiɛth cä looi puk nɔm në kërac, ayek ɛn cäk thok në luɔi yan ye them bä këpiɛth looi.

Kɛ̈ŋ 15:9

Kueer ë kɔc ee karɛc looi ee gök de kërɛɛc mɛɛn Bɛ̈nydït, ku anhiaar kɔc ee rɛ̈ɛ̈r në piathëpiɔ̈uwic.

Yith 51:1

Aye Bɛ̈nydït lueel an, “Piɛŋkï këdï, wek kɔc kɔɔr kuɔɔny, wek kɔc ee luääk kɔɔr tëde yɛn. Takï wenïïm në kuur ë bä wek thïn, të wään wëc ë week bei thïn.

Jeremia 35:4

ku bɛ̈ɛ̈i keek Luaŋdït. Guɔ keek lɛɛr ɣön de kɔcpiööcë de tiët Ɣanan wën de Yigadalia, raan de Nhialic, ku ɣönë aa nu në ɣön de Maathia wën de Calum nɔm nhial, bɛ̈ny de naamde Luaŋdït, ku aa thiääk kekë ɣööt ke bäny kɔ̈k.

Romai 14:19

Yen ee wok ka ke mät cop ayï ka ke kuɛ̈t bï wok kueet.

1 Kor 10:14

Yen aa wek kat ë läm de yiëth, wek kɔckiën nhiaar.

1 Kor 14:1

Cuɔpkï nhiëër cök, ku kaarkï ka ke Wëi arëët, ku kë ŋuän ë keek ee guiëër bä wek wël ŋiëc guiir.

1 Kor 6:18

Yak kat në dhööm. Kërɛɛc ee raan looi anu ë raan guöp biic, ku raan dhööm ee guöpde luöi kërac.

Nyöŋ 16:20

Yak löŋ ŋiëc guiir apiɛth ku në yic, aguɔkï piny lɔ nööm, piny gëm ë Bɛ̈nydït Nhialicden week, aguɔkï ŋoot ke we cëŋ thïn.

Nyöŋ 33:1

Kakë ayek wël ë lueel Mothe, raan de Nhialic keek, ɣɔn thieei yen mïth ke Yithriɛl ke kën kɔn thou.

1 Tim 1:14

Ku dhuëëŋ de Bɛ̈nydïïtda piɔ̈u acï rɔt ŋuak abï kït aläl kekë gäm ku nhiëër nu ë Kërtho Yecuyic.

1 Tim 4:12

Ë cïn raan ee yï biɔɔn në biäk de kuur koor yïn, tɔ rɔt ee raan piɛth duëërë kɔc cï gam täudu aa dɔmic, në jam, ku në rëër rëër yïn, ku nhiëër, ku wëi, ku gäm, ku ɣɛɛrëpiɔ̈u.

1 Tim 5:10

Abï dhil aa tiiŋ cï leec në biäk de luɔidɛn piɛth, tiiŋ cï mïthke ŋiëc muk apiɛth, ku ye kamaan ŋiëc luööi ɣɔn, ku ye kɔc ɣerpiɔ̈ɔ̈th waak cök, ku ye kɔc cïï këtuc dhal kony, ku ye cök ë kuɛny en luɔi piɛthic ëbɛ̈n.

1 Tim 6:20

Yïn Timotheo, ye kë cï kuɛ̈i yïn cök ë tiit yïn en, ku ye rɔt kɔl ë jam ë dhɔ̈ɔ̈n jam ɣɔ̈ric cïnic riëëu, ayï ater ë kë cï tɔ ye ŋïnydekäŋ ke ye lueth:

2Tim 2:21

Ku raan ee rɔt waak në ka cïï piɛth, yen abï aa töny de dhuëëŋ, töny ɣeric, ku piɛth në luɔi de bɛ̈ny, ku ye röŋ ke luɔi piɛth ëbɛ̈n.

2Tim 2:22

Ye kat ë karɛc kɔɔr dhuök: ku ye piathëpiɔ̈u cop, ku cop gäm, ku nhiëër, ku mät, në kɔc ëtök kɔc ee Bɛ̈nydït cɔɔl në piɔ̈n awai.

2Tim 3:10

Ku yïn, cï wëëtdï ŋic ëgɔk, ku ŋic täu aa yɛn tɔ̈u, ku kë nu ë yapiɔ̈u, ku gämdï ku guöm aa yɛn käŋ ŋiëc guum, ku nhiëërdï, ku liɛɛr ë yɛnpiɔ̈u,

2Tim 3:17

ke raan de Nhialic bï piɔ̈u aa dikëdik, ku jɔ röŋ në luɔi piɛth ëbɛ̈n.

Ɣeberuu 12:14

Yïn wekë kɔc rɛ̈ɛ̈r wek ëtök, yak them në luɔi bä wek aa rëër në rëër ɣeric ku mät. Na kɛ̈nkï wepiɔ̈ɔ̈th tɔ ɣer ke we cïï Bɛ̈nydït bï tïŋ.

1 Pet 3:11

Ë ye rɔt yal ë luɔi de kërac, ku ye këpiɛth jɔ looi, ë ye mät kɔɔr, ku jɔ aa cop.

1 Tham 2:27

Ago raan de Nhialic bɛ̈n tëde Eli ku lëk en an, “Kënë lueel Bɛ̈nydït kï, an, Yɛn cï rɔt nyuöth kuaar Aron wään tɔ̈u kek ë Rip, ke ke yɔŋ ë melik de Rip keek.

1 Tham 9:6

Go lïm bɛ̈ɛ̈r an, “Tïŋ wunë ade yic, raan de Nhialic, ee raan riëëuwë guöp aläl. Ku kë ye lueel ëbɛ̈n ee ya yic. lokku ëtɛ̈ɛ̈n ënɔɔnë tɛk däŋ bïï wok nyuöth kueer bï wok mul yök.”