1 Tim 5:13 - JAM DE NHIALIC 2011

¹³ Ku ayek röt wɛ̈ɛ̈t ëŋɛɛrëguöp, ku jɔkï aa riäu lek dhiënë ku lek dhiënë, ku acïkï gup ee ŋɛɛr tei, ayek kɔc ee guak ë keliëp, kɔc ee röt gap ë luɔi de kɔc kɔ̈k yiic, agokï ka cïï piɛth aa lueel.

1 Tim 5:13 ပူးပေါင်းရင်းမြစ်များ

Kɛ̈ŋ 11:13

Amantum acie ŋɔ̈ɔ̈th në këcïmoony, ee raan adöt yen acie luath thok.

Kɛ̈ŋ 20:19

Raan ee rɔt mɛc wei në mantuum lɔ̈m, ke kë cï thiaan cïï bï thiëi piny.

Kɛ̈ŋ 31:27

Ee baaide muk apiɛth ku acïï guöp ë ŋɛɛr.

Kɛ̈ŋ 7:11

Ee tiiŋ ŋeny cïï guöp ee riɔ̈ɔ̈c, ku aa ye cool ke ciɛɛth kuɛɛr ë wutic,

Lebai 19:16

Du raan ee cäk thok, ku du lueth ee caath në kɔc yiic. Ku du kë bï wei ke raan rɛ̈ɛ̈r wek mɔ̈ɔ̈r ye looi. Ee Yɛn Bɛ̈nydït.

Luk 10:7

Ku jakï cool ee ɣönë guöp, ke we ye cam ku dɛ̈kkï në ka bï yiɛ̈n week: raan ee luui ee röŋ ke ariöpde. Duökï ɣööt wïïl.

Luɔi 20:20

Ku aŋiɛckï aya nɔn cïn en jam cä pɛ̈n week, jam duëër we muk, yɛn aaye week guiëër wël ku wɛ̈ɛ̈t week ë kɔc nïïm ayï ɣööt yiic.

Luɔi 20:30

Akööl abïk bɛ̈n, akööl bïï kɔc kɔ̈k röt jɔt ë weyiic gup, kɔc bï jam rac lueel, le kek kɔcpiööcë thɛl ë kecök.

1 Tim 5:12

adekï yiëth gääk, luɔi cï kek gämdɛn tueŋ cuat wei.

Tito 1:11

Kɔckë abï ke dhil ruɔɔt thook, ayek dhiën riɔ̈ɔ̈k ëliŋliŋ, ku yek kɔc wɛ̈ɛ̈t ë kë cïï piɛth, në biäk de nhiëër nhiɛɛr kek wëu ke ayäär.

Jakop 3:10

Ee thoŋ töŋë en aye athiɛɛi bɛ̈n bei ku yen bïï läm rac bei aya. Acïï piɛth, wek mïthëkɔckuɔ, täu tɔ̈uwë kakë aya.

1 Pet 4:15

Ku ë cïn raan ë weyiic raan bï këde yök ë näŋ cï en raan nɔ̈k, ku luɔi ee yen cuɛ̈ɛ̈r, ku luɔi cï en kërac looi, ku në cook ee yen jamde cuɔɔk ë jam de kɔc kɔ̈k yiic.

3 Jɔn 1:10

Yen abän a nɔm tak ë luɔidɛn looi, të cän bɛ̈n, ee wo lɛ̈k jam rɛɛc ɣɔ̈ric: ku acie kuɛth ë luɔiyë, yenguöp ee mïthëkɔckuɔ rɛɛc tɔ ye kamaan, ku jɔ kɔc aa pëën aya, kɔc kɔɔr luɔi bï kek ke tɔ ye kamaan, arëk abï ke ciɛɛc wei ë ɣön ë Nhialic yic.