1 Tim 5:10 - JAM DE NHIALIC 2011

¹⁰ Abï dhil aa tiiŋ cï leec në biäk de luɔidɛn piɛth, tiiŋ cï mïthke ŋiëc muk apiɛth, ku ye kamaan ŋiëc luööi ɣɔn, ku ye kɔc ɣerpiɔ̈ɔ̈th waak cök, ku ye kɔc cïï këtuc dhal kony, ku ye cök ë kuɛny en luɔi piɛthic ëbɛ̈n.

1 Tim 5:10 ပူးပေါင်းရင်းမြစ်များ

Cäk 18:4

Wek bä lɔ yiɛ̈n pïïu, bäk wecök bɛ̈n waak. Ku takï röt lɔ̈ŋ ë tim thar.

Cäk 19:2

Ku lueel an, “Bänykï, wek liɛp an yalkï röt baai de lïmdun bäk wecök lɔ waak, ku niɛnkï ëtɛ̈ɛ̈n. Ku miäk wek duëër pääc aduduur, ku ŋuɔɔtkï ke we lɔ tueŋ.” Agokï puk nɔm an, “Ei, wo bï niin ë pëëric eenë.”

Cäk 24:32

Ago monytui lɔ ɣöt, ku lɔ Laban thɔ̈rɔ̈l dɔ̈k kɔ̈ɔ̈th, ku gëm ke abiööŋ ku wal ril. Ku yïn lïm de Abraɣam pïïu wɛɛk en yecök kekë kɔc cath në yen.

Cäk 43:24

Ku leerë lïm ke ɣöt. Ku gëm keek pïïu wɛɛk kek kecök. Ku gëm mulken kacamkï.

Diɛt 119:4

Bɛ̈nydït, Yïn cï wook gäm lööŋku ku acï lɛ̈k wook buk keek riëëu në piɔ̈ɔ̈thkuɔ ëbɛ̈n,

Yith 1:17

ku wɛ̈ɛ̈tkï bäk yic aa looi. Abäk dhil tïŋ ke yic ye looi, ku kuɔnykï kɔc cï yɔŋ, ku yak mïth abɛɛr gäm yicden ku kuɔnykï diëër abɛɛr.”

Lebai 25:35

Na cï raan tök nyin kuany në kɔc wundun yiic, ku acïn luɔi lëu en rɔt në weyiic, kuɔnykï cït man duëër wek raan lei kony ku nɔn ee kaman, aŋoot ke rɛ̈ɛ̈r në weyiic. Duökï kajuëc nöm tëde yen, yak riɔ̈ɔ̈c ë Nhialicdun, ago raan wundun ŋoot ke rɛ̈ɛ̈r ë weyiic.

Math 25:17

Ayï raan cï gäm rou aya, ke yök ren kɔ̈k ayadäŋ.

Math 5:16

Yak ɣɛɛrdun tɔ riau aya ë kɔc nïïm, abïk luɔiduön piɛth aa tïŋ, agokï Wuöörduön nu paannhial aa lɛc nɔm.

Luk 7:38

bï ku kɛ̈ɛ̈c ë yecök ciëën ke dhiau, ku gɔl ë wɛ̈k ëcök ë pïïu ke nyin, ku jɔ ke weec ë nhïm ke yenɔm, ku ciim cök, ku tɔc keek ë miök cï tumëtum.

Luk 7:44

Go yenɔm wɛ̈l tik, ku yöök Thimon an, “Cï tiiŋë tïŋ? Yɛn ë bɛ̈n ɣöndu, ku yïn kën a gäm pïïu waak ɛn ke yacök: ku tiiŋë acï a waak cök ë pïïu ke nyin, ku weec keek ë nhïm ke yenɔm.

Luɔi 10:22

Gokï lueel an, “Korunelio, bɛ̈ny ë rem de tɔŋ, raan piɛthpiɔ̈u, ku ye Nhialic riëëu, ku ye raan piɛth rin ë jur ë Judai yic ëbɛ̈n. Go tunynhial ɣeric a yöök an, bï yï tuöc kɔc an, bä lɔ ɣönde, ke bï wël piŋ tëde yïn.”

Luɔi 22:12

“Ku ade raan cɔl Anania, raan riëëu Nhialic ku döt löŋ, ku ye raan piɛth rin tëde Judai wään rɛ̈ɛ̈r ëtɛ̈ɛ̈n kedhie,

Luɔi 6:3

Na ënɔɔnë, wek mïthëkɔckuɔ, jakï röör kadhorou kɔɔr ë weyiic, röör cath ë rin piɛth ë kɔc yiic, ku cïk thiäŋ ë Wëidït ku pɛlënɔm, kɔc buk tääu ë luɔiyë nɔm.

Luɔi 9:36

Ku ade raanpiööcë ë Jopa, tiiŋ cɔl Tabitha, yen aye Doruka ë thoŋ ë Girikii (ku cɔl ŋɛɛr në thoŋda): tiiŋë ee tiiŋ piɛth cin, ee cool ë loi luɔi piɛth, ku ye kɔc kuanynyïïn miɔɔc.

Luɔi 9:39

Go Petero rɔt jɔt ku le ke keek. Na wën, aacï bɛ̈n, ke jɔkï lɛɛr ɣöt ɣön nu nhial: ku kääc diäär ëbɛ̈n ë yelɔ̈ɔ̈m diëër cïn nïïm röör, ke ke dhiau, anyuthkï yen aluluut ku lupɔɔ kɔ̈k kak ë kɔɔc Doruka, wään rëër en ke keek.

Romai 12:13

Yak kakun tek në kɔc ɣerpiɔ̈ɔ̈th, të de yen kë dak keek, yak kamaan ŋic arëët.

Epethiei 2:10

Wok ee cuɛ̈cde, në cäŋ cï wo cak ë Kërtho Yecu yic në këde luɔi piɛth cïï Nhialic kɔn lueel, an, buk aa cool ë looi wo keek.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

1 Tim 2:10

aŋuän luɔi ee kek röt kiir ë luɔi piɛth (kë rɔ̈ŋ ke diäär ka, diëër an, yek Nhialic riëëu).

1 Tim 3:2

Raan ee kɔc gäm tiit abï dhil aa raan cïï duëërë gɔ̈k, abï aa mony de tiiŋ tök, raan ŋic rɔt muk, raan piɛth nɔm, raan ŋic rëër, ku ŋic kamaan, raan ŋic kɔc wɛ̈ɛ̈t

1 Tim 3:7

Ku abï dhil aa raan piɛth rin tëde kɔc nu biic aya, ke cïï këdäŋ bï wööc kë bï e gɔ̈k, ago cuö lööny ë wïn ë jɔŋdït racic wïn ë dëp.

1 Tim 5:16

Na de raan cï gam, nɔn ee yen moc ku nɔn ee yen tik, raan de diëër cïn nïïm röör, ë kony keek, ke ɣön ë Nhialic cïï bï duɔɔny, luɔi bï en diäär kony diëër cïn nïïm röörken ku yek thum ëgɔk.

1 Tim 5:25

Yen acït luɔi piɛth aya, luɔi ke kɔc kɔ̈k ayek tïc ë kɔc nïïm, ku luɔi cie tïc aya acïkï duëër thiaan.

1 Tim 6:18

Ku yɔ̈ɔ̈k ë keek, bïk këpiɛth aa looi, ku bïk aa kɔc juëc ë luɔidɛn piɛth, ku yek adhuɛ̈ŋ ee kɔc dap miɔɔc, ku yek kaken dap tɛ̈k kɔc.

2Tim 1:5

Yɛn ee yanɔm cät ë gäm nu ë yïpiɔ̈u gäm cïnic ruëëny, gäm ë kɔn cath kekë kɔk Loyith, ku be cath kekë Yunike moor, ku aŋiɛc ëgɔk nɔn ciɛth en ke yïn aya.

2Tim 2:21

Ku raan ee rɔt waak në ka cïï piɛth, yen abï aa töny de dhuëëŋ, töny ɣeric, ku piɛth në luɔi de bɛ̈ny, ku ye röŋ ke luɔi piɛth ëbɛ̈n.

2Tim 3:15

ku ŋic kënë aya an, ɣɔn ee yïn mɛnhthiinakäŋ, yïn ë ŋic kacïgɔ̈ɔ̈r kaɣer yiic, ka cath në riɛl bïk yï tɔ ye raan pelnɔm aɣet kuny bï yï kony wëi në gäm cï yïn Kërtho Yecu gam.

2Tim 3:17

ke raan de Nhialic bï piɔ̈u aa dikëdik, ku jɔ röŋ në luɔi piɛth ëbɛ̈n.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Tito 2:7

Ku yïn bï rɔt tɔ ye raan bï kɔc këde dɔmic, në luɔi piɛth ëbɛ̈n: tɔ wëëtdu tɔ̈u ke cïnic kënhiany, ke ye wëët thiek, cïnic ruëëny.

Tito 3:1

Ye ke täk nïïm ke ke bï aa rëër ë bäny cök, ku rëërkï ë kɔc nu ë kenïïm cök, ku yek löŋ piŋ, ku yek luɔi piɛth ëbɛ̈n dap gam.

Tito 3:14

Ayï kɔckuɔ aya tɔ ke wëëtë apiɛth ke ke bï aa cool ë loi luɔi piɛth, agokï kë pïïr kek aa yök, ku cïkï ee tɔ̈u ke ke cïï lok.

Tito 3:8

Ee jam yic ee kënë. Ku yɛn de piɔ̈u luɔi bï yïn kakë aa ŋak nïïm arëët, ke kɔc cï Nhialic gam ke ke bï röt tiit apiɛth, agokï aa cool ë loi luɔi piɛth. Kakë apiɛthkï ku adekï naamden tëde kɔc.

Ɣeberuu 10:24

Thɛmkï ŋɛk ëye ŋɛk riit piɔ̈u, yak rɔm ëtök yok nhiëërda nyuɔɔth ku luɔi piɛth.

Ɣeberuu 13:2

Ku duökï nyuuc de kamaan päl, yen këpiɛth ë looi ë kɔc ɣɔn thɛɛr ka, ɣɔn loor kek tuucnhial nïïm ku nyuuckï ke, ke ke kuckï.

1 Pet 2:12

Yak ŋiëc rëër apiɛth ë juööriic, ku na cakaa kek ë ye we tum gup, acäk ciët kɔc ee kërac looi, ka bïk Nhialic dhil lɛc nɔm ë kööl bï en kɔc bɛ̈n neem, në luɔiduön piɛth ye tïŋ.

1 Pet 4:9

Yak röt nyuööc, ë ŋɛk e ŋɛk nyuööc, ke cïn dok aa wek dok ë weyäc.

3 Jɔn 1:12

Demeturio piathde aye lueel ë raan ëbɛ̈n, ku ye yic lueel aya: yeka ayï wook aya, wok ee cäätɔɔ luel këde, ku we ŋic kë luelku nɔn ee yen yic.