1 Tim 4:4 - JAM DE NHIALIC 2011

⁴ Kë cïï Nhialic cak ee këpiɛth ëbɛ̈n, ku acïn töŋ bï rɛɛc ë kɔc, të cï e dɔm ku lueel raan an, thieithieei:

1 Tim 4:4 ပူးပေါင်းရင်းမြစ်များ

Cäk 1:31

Ago Nhialic ka cï looi tïŋ kedhie ke ke piɛth aläl. Ku kënë aaye cool ku wɛ̈ɛ̈r de kööl de dhetem.

Luɔi 10:15

Go röl bɛ nyɔk raanrou, ku yöök an, “Kë cïï Nhialic tɔ piɛth, du tɔ rac, yïn.”

Luɔi 15:29

an, bäk cäm ë rïŋ cï gam yiëth pɔ̈l, ku riɛm, ku ka cï dec, ku dhööm, të cä wek kakë pɔ̈l, ka we ye këpiɛth looi. Niɛnkï apiɛth.

Luɔi 21:25

Ku na Juöör cï gam, acuk ke gäär löŋ cuk thöl ë guiëër an, acïn kë bïk aa looi kë cït ee kënë, ee cökkë kapäc kek cuk lɛ̈k keek an, bïk röt aa tiit në ka cï kɔn yiɛ̈n yiëth, ku riɛm, ku ka cï dec, ku dhööm.”

Romai 14:14

Cöök ŋiɛc kï, acä cök ë ŋiɛc ɛn en ëgɔk ë Bɛ̈nydït Yecu yic an, acïn kën ee rac etök, ku raan ë tɔ këdäŋ rac, ke jɔ rac tëde yen.

Romai 14:20

Du luɔi de Nhialic riäk në baŋ de rïŋ. Këriëëc ëbɛ̈n aɣeric tei, ku ee kërac tëde raan ë këdäŋ cam, ago käŋ wööc thïn.

Romai 14:6

Raan riëëu akööl, ee këde Bɛ̈nydït en a riëëu en en, ku raan cïï akööl ee riëëu, ee këde Bɛ̈nydït en acïï en en ee riëëu. Ku raan ee cam, ee cam në këde Bɛ̈nydït, ago lueel an, Thieithieei Nhialic, ku raan cie cam, ee këde Bɛ̈nydït en acïï en ee cam, ku lueel an, Thieithieei Nhialic.

1 Kor 10:23

Käŋ kedhie acï ke päl ɛn, ku käŋ acïkï de piathden kedhie, käŋ acï ke päl ɛn kedhie, ku käŋ acïkï kɔc ee kueet kedhie.

1 Kor 10:25

Ka cï ɣaac ë thuukic kedhie abäk ke cam, acïn kë bäk luɔp në biäk de kë cï raan yök ë yepiɔ̈u,

1 Kor 10:26

në kë ye piny këde Bɛ̈nydït, ayï ka ye piny thiɔ̈ɔ̈ŋ, ee kake ayadäŋ.

1 Kor 10:30

Të cän thieithieei lueel të cäm ɛn, eeŋö lëkë kërac, në kë cän thieithieei lueel në ye?”

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

1 Tim 4:3

Abïk kɔc aa pɛ̈n thiëëk, ku yöökkï keek an, bïk rïŋ pɔ̈l ë cäm. Aake ciɛk Nhialic bï kɔc cï gam keek aa dɔm kɔc ŋic, dɔmkï ku luelkï an, thieithieei.