1 Tim 2:4 - JAM DE NHIALIC 2011

⁴ Raan de piɔ̈u luɔi bïï kɔc kony wëi kedhie, ku yökkï ŋïny de yic.

1 Tim 2:4 ပူးပေါင်းရင်းမြစ်များ

Yith 45:22

“Pɔ̈kë rɔt ɛn ënɔɔnë ke we bï kony, wek kɔc ke piny thar ëbɛ̈n! Ee Yɛn ee Nhialic a tök ëtɛ̈ɛ̈n.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Yith 55:1

Aye Bɛ̈nydït lueel an, “Bäkkï, wedhie wek kɔc nɛ̈k rou, pïïu kï! Bäkkï, wek kɔc cïn nïïn wëu, ɣackï rap ku cämkï! Bäkkï! Ɣackï mɔ̈u ku ca, acïn kë bïk jɔt tëdun!

Edhekiɛl 18:23

Go Bɛ̈nydït Awärjäŋ thiëc an, “Ye tak ya piɔ̈u miɛt të tiëŋ ɛn raan ee karɛc looi ke thou? Ei, aya kɔɔr bä tïŋ ke puk yepiɔ̈u ku bï pïïr.

Edhekiɛl 18:32

Aye Bɛ̈nydït Awärjäŋ lueel an, “Acïn raan töŋ kaar bïï thou. Puɔ̈kkï wepiɔ̈ɔ̈th në luɔi de awɛ̈ɛ̈c, ku piëërkï.”

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Ɣabakuk 2:14

Ku piny abï thiäŋ kekë ŋïnydekäŋ de dhuëëŋ de Bɛ̈nydït, cït wɛ̈ɛ̈r thiäŋ kekë pïïu.

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Mak 16:15

Go ke yɔ̈ɔ̈k an, “Lakï ë piny nɔm ëbɛ̈n, bäk wëlpiɛth aa lɔ guiëër kɔc cï cak ëbɛ̈n.

Luk 1:77

Bä kɔcke tɔ ŋic kunydɛn ë wëi. Në nyiɛɛi bï karɛcken nyaai,

Luk 14:23

Go bɛ̈ny lïm yɔ̈ɔ̈k an, ‘Jël lɔ ë kuɛɛr yiic ku kɛ̈l kɔ̈ɔ̈th, ku dhil ke thel abïk dhil bɛ̈n, ke ɣöndï abï thiäŋ.

Luk 24:47

ku an, puŋdepiɔ̈u ku päl ë kërac abï ke ya guiëër juöör ëbɛ̈n në rinke, gɔl ë Jeruthalem.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 17:17

Tɔ ke ɣerpiɔ̈ɔ̈th në yicdu: jamdu yen aye yic.

Jɔn 6:37

Kɔc kedhie kɔc cï Wäär gäm ɛn, abïk bɛ̈n tëde yɛn, ku raan bɔ̈ tëde yɛn acä bï cieec anandï.

Romai 11:14

Nɔn de të bän kɔckiën ke Judai tɔ dɔm tiɛɛl, aguɔ kɔ̈k kony wëi ë keyiic.

1 Tim 4:10

Yen a ye wok luui aläl, ku koon wook, luɔi ee wok Nhialic pïïr ŋɔ̈ɔ̈th, yen aye Konydewëi de raan ëbɛ̈n, ku ye Kony dïït ë wëi tëde kɔc cï gam.

2Tim 2:25

raan ee kɔc luel ater wɛ̈ɛ̈t ë piɔ̈n lir, nɔn de të bï Nhialic ke gäm puŋdepiɔ̈u, agokï yic gam,

2Tim 3:7

diëër ee cool ë piööcë ke, ku cïkï ŋïny de yic duëër yök ananden.

Tito 1:1

Yɛn Paulo, lïm ë Nhialic, ku ye tuny ë Yecu Kërtho, në këde gäm de kɔc cïï Nhialic lɔc, ku në këde ŋïny bï kɔc yic ŋic ëgɔk, yic ee röŋ ke riëëu de Nhialic,

Tito 2:11

Dhuëëŋ de Nhialic piɔ̈u ë jɔ tïc dhuëëŋ bïï kunydewëi yiɛ̈n raan ëbɛ̈n.

Ɣeberuu 10:26

Të looi wok kërac në reec reec wok En adɛɛi wok, ke wo cï ŋïny de yic kɔn yök, ka cïn kë cï bɛ döŋ, kë näk bïï ë karɛckuɔ nyaai.

Jakop 3:14

Ku na yak yiic dɛ tiɛɛl kec ku dɛkï piɔ̈ɔ̈th ater, ke we duökï röt ee leec, ku duökï yic ee cäk thok.

2 Pet 3:9

Bɛ̈nydït acie gääu në kë cï kɔn lueel, ë gääu ee kɔc kɔ̈k tɔ ye gääu, ku alirpiɔ̈u ë thuaat kekë wook, ku acïn piɔ̈u luɔi bï raan tök määr, ee luɔi bï kɔc puŋdepiɔ̈u yök kedhie en anu ë yepiɔ̈u.

2 Jɔn 1:1

Yɛn monydït awerek en gäär tiiŋ dïït cï lɔc kekë mïthke, kɔc nhiaar në yic, ku acie yɛn a tök, ee kɔc cï yic ŋic kedhie aya,

Nyuuth 14:6

Na wën, ke ya tïŋ tunynhial däŋ, ke riŋ ë paannhialic cil, ke cath ke wëlpiɛth thɛɛr bï ke guiëër kɔc rɛ̈ɛ̈r ë piny nɔm, ku guïïr juöör ëbɛ̈n ku dhiën ku liëp ku kɔc ëbɛ̈n,