1 Tim 1:10 - JAM DE NHIALIC 2011

¹⁰ këde kɔc ee diäär kɔɔr, ku röör ee röör kɔɔr, ku kɔc ee kɔc peec, ku kɔc ee lueth töör, ku kɔc ee gutguut lueel ë lueth, ku na de däŋ kë de ater ke wëët piɛth,

1 Tim 1:10 ပူးပေါင်းရင်းမြစ်များ

Cäk 19:5

Ku cɔlkï Lɔt, lëkkï yen an, “Kɔc wën bɔ̈ an bïk bɛ̈n niin ɣöndu, nukï ë nou? Yiɛ̈në ke wook buk keek bɛ̈n niɛɛn.”

Cäk 37:27

Aŋuɛ̈ɛ̈n ë luɔi ɣöc wok en kɔc ke Yicmiɛl, ku cuku jak guöp. Yen ee mɛnhkënëda, ku ye riɛ̈ɛ̈ŋda.” Ago mïthëkɔcken ye gam thok.

Cäk 40:15

Ku ee kakë yiic kedhie, yɛn aa kual ɣɔn pinyda, piny ë Ɣeberuu. Ku ayï ënɔɔnë eenë piny ë Rip, yakï mac baaŋ ke cïn kë cä looi, kë rɔ̈ŋ ke mac.”

Bɛ̈n 20:7

“Duökï rin ke Bɛ̈nydït Nhialicdun ee cɔ̈l baŋ në ka ɣääriic, në luɔi bän raan ëbɛ̈n luöi këtuc, raan ee Ya cɔɔl rin baaŋ në ka ɣääriic.

Bɛ̈n 21:16

“Raan kual raan le ɣaac ku nɔn le yen en tɔ ye lïmde, ke näk.

Ɣodh 10:4

Ayek röt thɔ̈n kajuëc, ku kuëëŋkï në lueth, ku matkï kajuëc. Ku në biäk de ee kakë, ayek röt gaany arëët, cït man ye wɛl ke awɔɔk dap cil në dom cï puur yic.

Lebai 18:22

Du tɔ̈c wekë moc, cït man ye raan tɔ̈c kekë ë tik, kënë amɛɛn Nhialic.

Lebai 20:13

Na nöm raan moc cït man ye raan tik nööm. Keek kaarou acïk gök ë kërac looi abïï keek dhil nɔ̈k, riɛmden abï nu ë keyiëth kaarou.

Dhek 5:4

Acï Bɛ̈nydït de rɛm lueel an bï aciɛɛn tuɔɔc në ɣööt ke cuɛ̈ɛ̈r yiic, ku ɣööt ke kɔc ee kuëëŋ në lueth yiic. Abï lɔ në ɣöötken yiic, ku nyiëëŋ ke piny ke ke cï riääk taitai.

Dhek 8:17

Cïn raan ee mänhë luöi kiɛɛr rac në yepiɔ̈u. Duökï lueth ee töör të cä wek gutguut looi. Yɛn man tör, ku lueth, ku akuöörkuöör, kakë amaan keek kedhie.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Romai 1:26

Yen aa koonë Nhialic keek abïk kacol ëcut aa kɔɔr ë kepiɔ̈ɔ̈th, acakaa diëërken gup ayek ciɛɛŋ de tik puk, ciɛɛŋ ë ciɛkë piny, ku jɔkï ciɛɛŋ ë piny cak kɔɔr.

Nyöŋ 24:7

“Raan ëbɛ̈n raan lɔ kɔc ë Yithriɛl gɔpiic ku jɔ ke tɔ ee lïm, ku nɔn lee ke ɣaac, ke ke ye lïïm, raanë abï nɔ̈k. Në ee kueerë wek bï kërɛɛcë jɔ nyaai.

1 Tim 4:6

Të ee yïn mïthëkɔckuɔ täk nïïm ee kakë, ke yïn bï aa raan ee ka ke Yecu Kërtho looi apiɛth, raan cï ŋiëc muk në wël ke gäm ku wëët piɛth wëët cï kuany cök ëgɔk.

1 Tim 6:3

Na de raan ee wëët ë wëët mɛɛn pei, ku reec wël piɛth gam, wël ke Bɛ̈nydan Yecu Kërtho, ku reec wëët ee röŋ ke riëëu de Nhialic gam,

2Tim 1:13

Ye täu de wël piɛth muk, wël cï piŋ tëde yɛn, abä keek aa muk në gäm ku nhiëër nu ë Kërtho Yecuyic.

2Tim 4:3

Ade kööl bï bɛ̈n, kööl cïï kɔc wëët piɛth bï guum, abïk yith aa yilëyil, agokï röt kuöt kɔc bï keek aa wɛ̈ɛ̈t ë kë röŋ në ŋɔ̈ɔ̈ŋ ee ke dɔm.

Tito 1:13

Kë lueel cäätɔyë ee yic. Yen ee yïn keek jɔ̈ɔ̈ny ë jäny rac, ke ke bï aa tɔ̈u ë gämic ke cïn kërac,

Tito 1:9

Raan ee wël yith ŋiëc döt cït man cï e wɛ̈ɛ̈t, luɔi duëër en kɔc riit piɔ̈ɔ̈th në wëët piɛth, ku ŋic kɔc jäny en guut ë löŋ.

Ɣeberuu 13:4

Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.

Juda 1:7

Cït man ë Thɔdom ku Gɔmoora, ayï pɛ̈ɛ̈nydït ë nu ë ke këc, të cï kek röt aa gäm luɔi de dhööm, cït man ë tuucnhialkë, ku yek gup lei kɔɔr, ke ke jɔ tääu ë kɔc nïïm abï aa kë ye kɔc bɛ̈ɛ̈i nïïm, në yöŋ cï kek këtucden yök mɛɛc many tɔ̈u athɛɛr.

Nyuuth 18:13

ku wɛ̈ɛ̈l cɔl kinamon, ku mer, ku wal ŋïr, ku miök tum, ku libano, ku mɔ̈u, ku miök, ku agamɔ lɔ mot, ku agamɔ kënë guöör, ku ɣɔ̈k, ku thök, ku jöŋgöör, ku abëël, ku lïïm, ku wëi ke kɔc.

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.