1 Theth 5:8 - JAM DE NHIALIC 2011

⁸ Ku wook, wok kɔc ke aköl, yok nïïm piath, abuk wëu pät yiic ee yɔu gël aa cieŋ, wëu ke gäm ku nhiëër, ku në baŋ de akup de aŋäth ku kunydewëi.

1 Theth 5:8 ပူးပေါင်းရင်းမြစ်များ

Diɛt 42:11

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Diɛt 42:5

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Diɛt 43:5

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Yith 59:17

Yen abï piathëpiɔ̈u cieŋ cï lupɔ de yɔu, ku cieŋ akup de kunydewëi në yenɔm. Abï rɔt kuöm piny në luɔi bï yen käŋ cök piny, ku lui kɔc këtuc, ku guur guöm wään cïï kɔc kɔn kum.

Dhiëëu 3:26

Ka apiɛth tëde wook buk En tiit ëmääth. Buk tiit bïï wook kony.

1 Kor 13:13

Ku ënɔɔnë adɔ̈ŋ gäm, ku aŋäth, ku nhiëër, kake kedhie, ku kë dïït ë kake yiic ee nhiëër.

2 Kor 6:7

në jam de yic, në riɛl dïït ë Nhialic, në wëu ke tɔŋ wëu ke piathëpiɔ̈u ë ciin cuëc ku ciin cam.

Galatai 5:5

Ku wook, aŋäth ë piathëpiɔ̈u wën bɔ̈ në gäm en ayok tiit në Wëidït.

Epethiei 6:11

Yak ka ke tɔŋ tääu ë wegup kedhie, wëu ke Nhialic, luɔi bä wek kɔ̈ɔ̈c lëu apiɛth në ŋeeny aa wek cäp de jɔŋdït rac ŋɛ̈ny.

Epethiei 6:23

Ë mät tɔ̈u ke mïthëkɔckuɔ, ayï nhiëër kekë gäm, në ke bɔ̈ tëde Nhialic Wääda kekë Bɛ̈nydït Yecu Kërtho.

1 Theth 5:5

luɔi aa wek wɛ̈ɛ̈t ke ɣɛɛrëpiny wedhie, ku yak wɛ̈ɛ̈t ke aköl: wo cie kɔc ke wɛ̈ɛ̈rwakɔ̈u, ayï cuɔlëpiny.

2 Theth 2:16

Ku ënɔɔnë, Bɛ̈nydan Yecu Kërtho guöp, ku Nhialic Wääda, Raan cï wo nhiaar, Raan cï wo gäm muŋdepiɔ̈u bï ɣet athɛɛr, ku gɛm aŋäth piɛth në dhuëëŋ de yenpiɔ̈u,

Ɣeberuu 6:19

Wok de nïïm aŋäth dït cï mac piny cïn kë lëu en në wuök tëde, në biäk de këde pïïrda, aŋäth ŋicku ëgɔk bï wo tɛ̈ɛ̈k në gëlgël ë luaŋdït ë paannhial, ku ɣeet wook tëɣeric ëwic wär këriëëc.

1 Pet 1:13

Yen juɔɔc wek wepiɔ̈ɔ̈th, ku yak yïn, ku yak cök ë ŋääth wek dhuëëŋdepiɔ̈u bïï yiɛ̈n week ë kööl bï Yecu Kërtho rɔt nyuɔɔth.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.