1 Theth 5:4 - JAM DE NHIALIC 2011

⁴ Ku week, mïthëkɔckuɔ, wek cïï nu ë cuɔlic, bï ee köölë we math cït man ë cuɛ̈ɛ̈r:

1 Theth 5:4 ပူးပေါင်းရင်းမြစ်များ

Jeremia 42:16

ka tɔŋ ya wek riɔ̈ɔ̈cë abï we gïth, cɔŋ ya wek diɛɛr ë ye abï we kuany cök, ku we bï thou ëtɛ̈ɛ̈n ë Rip.

Ɣodh 10:9

Aye Bɛ̈nydït lueel an, “Yithriɛl, wek cï wäc, gɔl në akööl wään ke Gibia agut cï ee köölë, we ŋoot ke we wäc. Kën tɔŋ kɔc ee karɛc looi bɛ̈n riɔ̈ɔ̈k ɣɔn në Gibia?

Dhek 1:6

Yɛn aacï awuutkï tït tɔ jäny kuarkun, ku yöökkï keek. Agokï jamden dhɔ̈lic, gokï këtuc yök. Gokï kërɛɛcden puɔ̈l ku gamkï yɛn luelkï an, ‘Bɛ̈nydït de rɛm ë wo luöi këtuc, kë rɔ̈ŋ ke keek, cït man ë kë kɔɔr në yapiɔ̈u.’

Math 10:15

Wek yɔ̈ɔ̈k ëyic an, “Këtuc bï paan ë Thɔdom yök ku paan ë Gomoora ëkööl ë guiëërëlöŋ, acïï bï kit kekë këtuc bï pänydïïtë yök.

Luk 21:34

“Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu.

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Nyöŋ 19:6

Ku na ee pänydïït tök yen tɔ̈u tei, ku kaamde amec ke kɔc, ke kɔc ke raan cï nɔ̈k kɔɔr guur, ka aduëërkï raan ë näk raan guɔ gïth ku nɛ̈kkï raan cïn guöp awäc ë guur. Kën ë loi rɔt, aa näk raanden ke ee wɛ̈ɛ̈th, aaye raan ë cïn kek ater.

Nyöŋ 28:15

“Ku na kɛ̈nkï Bɛ̈nydït Nhialic riëëu, ku kɛ̈nkï lööŋkɛn gäm ke week ee köölë kekë wëëtde döt në piɔ̈n adöt, karɛckë kedhie abïk röt luöi week.

Nyöŋ 28:45

“Kek ee riääkkë kedhie abïk bɛ̈n tëde week, ku abïk tɔ̈u në week agut të bïï ë week riɔ̈ɔ̈k, në biäk kën wek Bɛ̈nydït Nhialicdun riëëu, ku dɔ̈tkï lööŋkɛn cï gäm week kedhie.

Kolothai 1:13

Acï wo luäk bei në riɛl ë cuɔlëpiny, ku tɛ̈ɛ̈u wook ë ciɛɛŋ de Wëndɛn nhiɛɛric,

1 Theth 5:2

Wegup aŋiɛckï ëgɔk nɔn bï aköl ë Bɛ̈nydït bɛ̈n cït man ee cuɛ̈ɛ̈r bɛ̈n wakɔ̈u.

2 Pet 3:10

Ku kööl ë Bɛ̈nydït abï bɛ̈n cït man ë cuɛ̈ɛ̈r, Në ee köölë tënhial abï nyaai në awuööu dït, ku lɛ̈ɛ̈ŋ kanhial në tuöc de manydït, ku piny abï nyop kekë ka cï looi thïn abï lɔ kuith piny.

1 Jɔn 2:8

Ku ye löŋ ë piac cak ayadäŋ en gäär week, löŋ yic ë yeyic ku weyiic, luɔi kɔɔr cuɔlëpiny jäl, ku jɔ ɣɛɛr yic de piny guɔ riau.

Nyuuth 16:15

“Piɛŋkï! Ya kï, bɔ̈yë cït cuɛ̈ɛ̈r. Thieithieei raan ee yïn, ku ye lupɔɔke tiit, ke cïï bï aa cath ke cïn kɔ̈u lupɔ, bï kɔc ayärde tïŋ!”

Nyuuth 3:3

Yen tɛk yïn yïnɔm ë yöŋ cï yïn käŋ yök ku pïŋ cï yïn käŋ piŋ, ku jɔ ke döt, ku puk yïpiɔ̈u. Ku be, an, rɛɛcë rɔt tiit, ke yɛn bï bɛ̈n tëde yïn cït man ë cuɛ̈ɛ̈r, ku thaar bän bɛ̈n tëde yïn abä kuc ëliŋliŋ.