1 Theth 5:23 - JAM DE NHIALIC 2011

²³ Ku ënɔɔnë, Nhialic de mät, Yen guöp, ee we tɔ ɣerpiɔ̈ɔ̈th ëliŋliŋ, ku wëikun ëbɛ̈n ku piɔ̈ndun ku guöpdun ë ye ke muk acïn këliu, ku bï ciën kë duëërë ke gɔ̈k aɣet bɛ̈n bï Bɛ̈nydan Yecu Kërtho bɛ̈n.

1 Theth 5:23 ပူးပေါင်းရင်းမြစ်များ

Edhekiɛl 37:28

Të lan tëdiën ɣeric tääu ëtɛ̈ɛ̈n bïï tɔ̈u në keyiic aɣet athɛɛr, ëtɛ̈ɛ̈n abïï juöör jɔ ŋic nɔn ee Yɛn Bɛ̈nydït, Yɛn cï kɔc ke Yithriɛl lɔc bïk aa kɔc ke nɔmdï.”

Lebai 20:26

Wek bï dhil ɣɛɛr tëde yɛn, në biäk ɣɛɛr Ɛn. Yɛn Bɛ̈nydït. Ku wek cä lɔ̈c bei ë juööriic bäk aa kɔckï.

Lebai 20:8

Riëëukï lööŋkï ku dɔ̈tkï keek, ee yɛn Bɛ̈nydït, raan ee yïn tɔ ɣeric.

Luk 1:46

Go Meri ket an, “Piɔ̈ndï alec Bɛ̈nydït nɔm,

Jɔn 17:19

Ku në biäkden yen a ta yɛn a piɔ̈u ɣer, ke ke bï tɔ ɣerpiɔ̈ɔ̈th aya në yic.

Luɔi 20:32

“Ku ënɔɔnë, wäthii, wek tääu ë Nhialic cin, ayï jam de dhuëëŋ de yenpiɔ̈u, jam duëër week kueet, agokï week gäm biäkduön bäk lɔ̈ɔ̈k lak ë kɔc piɛthpiɔ̈ɔ̈th yiic kedhie.

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 15:33

Nhialic de mät, ë tɔ̈u ke week wedhie. Amiin.

Romai 15:5

Ku ënɔɔnë, Nhialic de guömdekäŋ kekë muŋdepiɔ̈u, ee week tɔ luel jam tök wapäc jam röŋ ke Kërtho,

Romai 16:20

Ku Nhialic de mät abï Catan dap tɔ dum ë wecök piny. Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke week. Amiin.

1 Kor 1:2

Awerek en gɛ̈ɛ̈rku ɣön ë Nhialic nu Korinthoi, kɔc wën cï tɔ ɣerpiɔ̈ɔ̈th ë Yecu Kërtho yic, kɔc wën cï cɔɔl bïk aa kɔc piɛthpiɔ̈ɔ̈th, kekë kɔc kedhie kɔc nu ë wuöt yiic ëbɛ̈n, kɔc ee rin ke Yecu Kërtho Bɛ̈nydïïtda cɔɔl, ee Bɛ̈nyden keek ku ye Bɛ̈nyda wook.

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

1 Kor 14:33

Nhialic acie Nhialic de liëëpëkäŋ, ee Nhialic de mät. Cït man tɔ̈u en në ɣööt ke Nhialic yiic kedhie, ɣööt de kɔc cï gam.

2 Kor 5:19

Luɔi ë nu Nhialic ë Kërtho yic, ee piny nɔm tɔ mät në yen, ku luɔi cïï en ka cïï kɔc wööc ee mac ë keyiëth, ago jam de mät tääu ë wocin.

Pilipoi 1:10

abäk kapiɛth cök ë ŋiɛc wek keek, ke we bï yiic awai ku ciënkï piɔ̈ɔ̈th kërac aɣet kööl ë Kërtho.

Pilipoi 1:6

Ku cöökë aŋiɛc ëgɔk an, Raan ë cak luɔi piɛth ë weyiic abï thöl abïï piath ë kööl ë Yecu Kërtho.

Pilipoi 4:9

Ku ka cäk ŋic ku ka cäk yök ku ka cäk piŋ ku ka cäk tïŋ tëde yɛn, kek luɔikï: ku Nhialic de mät abï tɔ̈u ke week.

Kolothai 1:22

në guöpdɛn ë rïŋ, në thon cï en thou, luɔi bï en we tääu ë yenɔm, ke we ɣeriic ku cïn gääk bï we gɔ̈k, ku cïn jäny bï we jɔ̈ɔ̈ny,

1 Theth 2:19

Aŋäth ŋäthku ee käŋö, ayï miɛt ë wopiɔ̈ɔ̈th, ayï göldan ë dhuëëŋ, yek kaŋö? Cïkï ee week, ë Bɛ̈nydan Yecu Kërtho nɔm në bɛ̈n bï en bɛ̈n?

1 Theth 3:11

Ënɔɔnë, ee Nhialic guöp, yen aye Wääda, kekë Bɛ̈nydan Yecu Kërtho, ë ke nyuth wo kueerdan lɔ tëde week:

1 Theth 3:13

luɔi bï en we tɔ kääc piɔ̈ɔ̈th aril, ke cïn gääk duëërë we gɔ̈k, në ɣɛɛrëpiɔ̈u ë Nhialic nɔm, Yen aye Wääda, ë kööl ë bɛ̈n bï Bɛ̈nydan Yecu Kërtho bɛ̈n kekë kɔckɛn ɣerpiɔ̈ɔ̈th kedhie.

1 Theth 4:3

Këde piɔ̈n ë Nhialic kï an, Ɣɛɛr bä wek piɔ̈ɔ̈th ɣɛɛr, ku päl bä wek kɔ̈ɔ̈rëdiäär pɔ̈l.

1 Theth 5:22

yak tɛɛm ë luɔi de kërac ëbɛ̈n.

2 Theth 3:16

Ku ënɔɔnë, Bɛ̈nydïït de mät, yenguöp, ë ye week gäm mät anandun në käŋ yiic kedhie. Ë Bɛ̈nydït ë ye tɔ̈u ke week wedhie.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 2:11

Ku Yecu, Raan ee kɔc tɔ ɣeriic, kekë kɔckɛn cï tɔ piɛthpiɔ̈ɔ̈th Wunden ee tök, yen acïï Yen ee yäär bï keek ya cɔl mïthëkɔcken.

Ɣeberuu 4:12

Jam ë Nhialic apïïr ku acath ke riɛldït yen kɔc cuur gup, ee raan gutic arëk abï ɣet të ye wëi kekë pïïr tɔ̈u, ku lɔ miök ku të ye kur ke yom nyïïn rɔ̈m, awär abätäu moth thok ëbɛ̈n, abätäu athok rou, ku ye ka kɔɔrku, ku ka yok tak ëbɛ̈n woi yiic në wopiɔ̈ɔ̈th.

Jakop 1:4

Ku takï guömdekäŋ thöl luɔide abï dikëdik, ke we bï dikëdik ku cathkï në këriëëc, ke cïn kë dak week.

1 Pet 1:2

Kɔc cï lɔc në ŋïny ee Nhialic Wääda ka ŋoot tueŋ ŋic, ku cï Wëidït ke tɔ piɛthpiɔ̈ɔ̈th, bïk këde Yecu Kërtho aa piŋ ku bïke yoor në riɛmde. Ë dhuëëŋdepiɔ̈u ku mät ë ke ŋuak nyïïn tëde week.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.

2 Pet 3:14

Yen tëde ka, wek kɔc nhiaar, në tiët tiɛɛt wek ka cït ee kakë, yak cök ë kaar wek luɔi bï we yök ke we rɛ̈ɛ̈r adïu, ke we cïn piɔ̈ɔ̈th tëthiin col, ku cïn kë bï we gɔ̈k ë yenɔm.

Juda 1:1

Yɛn Juda, lïm ë Yecu Kërtho, ku ya mänhë ë Jakop. Awerek en gäär kɔc cï cɔɔl, kɔc nhiɛɛr Nhialic Wääda, ku cïke muk ë Yecu Kërtho yic:

Juda 1:24

Ku ënɔɔnë, Nhialic Raan ŋic week gël ke we cïï bï aa wïïk, ku ŋïc week tääu ë dhuëëŋde nɔm ke cïn kë bï we gɔ̈k, abäk piɔ̈ɔ̈th a yum aläl,