Rɛ̈ɛ̈rkï ë yayic, ku yɛn ë weyiic. Acït man cïï këër duëër luɔk etök, të cïï en rɛ̈ɛ̈r ë timic, yen acït week aya, we cïï duëër luɔk, të kɛ̈n wek rëër ë yayic.
Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”
Ku kɔckë ee kɔc cï ŋiëc dhiëëth awärkï Judai nu Thethalonike, agokï jam dap piŋ në piɔ̈nmit, ku jɔkï kacïgɔ̈ɔ̈r aa woi yiic ë aköölnyïïn kedhie, ke bïk ŋic nɔn tɔ̈uwë käŋ aya.
Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.
Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.
Ku ee raanou ŋic ka ke raan, ee piɔ̈n ë raan etök, piɔ̈n cath ke ye? Yen acït en nɔn cïn en raan ŋic ka ke Nhialic aya, ee Wëi ke Nhialic kapäc, kek aŋic keek.
Cöök ciëën, mïthëkɔckuɔ an, Të de yen kak ee yith, tëde yen ka ye riëëu, të de yen ka ye tiiŋ yiic, të de yen ka lɔ wai, të de yen ka cï läkëläk, të de yen ka piɛth rin, na de piath nu, ku na de lɛc nu, takkï wenïïm ee kakë.
Yen ka, wek mïthëkɔckuɔ, yak jɔ kɔ̈ɔ̈c aril, ku yak wël cï yiɛ̈n kɔc döt wël cï we wɛ̈ɛ̈t ë keek, nɔn ee yen jam de raan thok, ku nɔn ee yen awerek cuk gɔ̈ɔ̈r.
Kɔc kɔ̈k ë keyiic ee kɔc ee lɔ ɣööt ke kɔc yiic, lek diëër piɔl piɔ̈ɔ̈th rum piɔ̈ɔ̈th, diëër juëc ë karɛckɛn cïk wööc, ku yek ke thɛl wei në ŋɔ̈ɔ̈ŋdɛn ë ke dɔm ŋɔ̈ɔ̈ŋ de këriëëc,
Yɛn ŋic luɔidu, ayï luɔiduön tuc, ayï liɛɛr ë yïnpiɔ̈u, ku luɔi cïï yïn këde kɔc rac duëër guum, ku thëm cï yïn kɔc them kɔc ee röt tɔ ye tuuc ku cïkï ye tuuc, ago ke yök aye aluɛth.
Yen tɛk yïn yïnɔm ë yöŋ cï yïn käŋ yök ku pïŋ cï yïn käŋ piŋ, ku jɔ ke döt, ku puk yïpiɔ̈u. Ku be, an, rɛɛcë rɔt tiit, ke yɛn bï bɛ̈n tëde yïn cït man ë cuɛ̈ɛ̈r, ku thaar bän bɛ̈n tëde yïn abä kuc ëliŋliŋ.
