1 Theth 5:20 - JAM DE NHIALIC 2011

²⁰ wël cï guiir duökï keek ee biɔɔn.

1 Theth 5:20 ပူးပေါင်းရင်းမြစ်များ

Luɔi 13:1

Ku ɣön ë Nhialic nu Antiokia anu ë tït thïn, ayï kɔc ee wëët, yï Baranaba, kekë Thimon rinkɛn kɔ̈k acɔlke Niger, ku Lukio ë bɔ̈ Kurene, ku Maniin, raan wään cï muk kekë Ɣerod ëtök Ɣerod bɛ̈ny, ku Thaulo.

Luɔi 19:6

Ku të cï Paulo yecin thany ë kegup, ke Wëidït ɣer ke ke bɔ̈ ë kegup, agokï jam gɔl në thook lei, ku guiirkï wël ke Nhialic.

1 Kor 11:4

Moc ëbɛ̈n, të lɛ̈ŋ en ayï të guiir en wël, ke kuöm nɔm, ka ye yenɔm tɔ yäär.

1 Kor 12:10

ŋɛk aye miɔɔc ë kë bï en luɔi ril aa looi, ku miɔɔc ŋɛk ë guiëër bï en wël ŋiëc aa guiir, ku ŋɛk në pɛ̈ɛ̈k duëër en wëi pääk, ku ŋɛk në jam ë thoŋ kithic, ku ŋɛk në ŋïny bï en thok aa puk yiic.

1 Kor 12:28

Ku Nhialic aye kɔc kɔ̈k tääu ë ɣön ë Nhialic yic, kɔc tueŋ kek aye tuuc, kɔc lɔ ë kecök, kek aye kɔc ee wël guiir, ku lɔ kɔc ee wëët, ku lɔ luɔi ril, ku riɛl bï kɔc aa tɔ dem, ku kuny konyë kɔc röt, ku ciɛɛŋ, ku thook mɛɛn pei.

1 Kor 13:2

Ku na ya cak wël ŋiëc guiir, ku ŋiɛc kacïmoony kedhie, ku dɛ ŋïnydekäŋ kedhie, ku na ya cak dɛ gäm ëbɛ̈n, gäm duɛ̈ɛ̈r ɛn kurdït tɔ nyaai tëden, ku ciën nhiëër, ke yɛn cïn nɔm këdäŋ.

1 Kor 13:9

Ënɔɔnë wo ŋic käŋ ë biäk tei, ku yok wël guiir ë biäk tei:

1 Kor 14:1

Cuɔpkï nhiëër cök, ku kaarkï ka ke Wëi arëët, ku kë ŋuän ë keek ee guiëër bä wek wël ŋiëc guiir.

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

1 Jɔn 4:1

Wek kɔc nhiaar, duökï wëi gam kedhie, ku yak wëi them, nɔn ë bï kek tëde Nhialic: ade tït aluɛth juëc cï lɔ ë piny nɔm.