1 Theth 5:11 - JAM DE NHIALIC 2011

¹¹ Yen aa wek wepiɔ̈ɔ̈th muk wapäc, ku yak röt kueet wapäc, acït man aa wek e looi ayadäŋ.

1 Theth 5:11 ပူးပေါင်းရင်းမြစ်များ

Romai 14:19

Yen ee wok ka ke mät cop ayï ka ke kuɛ̈t bï wok kueet.

Romai 15:14

Ku yɛn guöp yɛn ë këdun guɔ ŋic ë yapiɔ̈u aya, wek mïthëkɔckuɔ, dït dïïtë piathdun, ku dït ë ŋïny ŋiɛc wek käŋ, ku lëu aa wek röt lëu ë wëët.

Romai 15:2

Wook wodhie ë ŋɛk ë ye raan rëër kek kony abï piɔ̈u miɛt, ë këde piathde, ku këde kuɛ̈t bï ye kueet.

1 Kor 10:23

Käŋ kedhie acï ke päl ɛn, ku käŋ acïkï de piathden kedhie, käŋ acï ke päl ɛn kedhie, ku käŋ acïkï kɔc ee kueet kedhie.

1 Kor 14:12

Ayï week ayadäŋ, na kaarkï ka ke Wëi aläldïïtë, jakï kɔɔr luɔi bä wek wöör në kuɛ̈t bä wek ɣön ë Nhialic kueet.

1 Kor 14:29

Ayï kɔc guiir wël ë ke guïïr kaarou ayï diäk, ku kɔc kɔ̈k ë ke them jam luelkï.

1 Kor 14:5

Ku yɛn duëër piɔ̈u miɛt të ya wek jam ë thook mɛɛn wedhie, ku luɔi bä wek wël aa guiir yen anu ë yapiɔ̈u arëët. Ku raan ee wël guiir yen adït awär raan ee jam ee thook mɛɛn, të kën en jam puk, ke ɣön ë Nhialic ë bï kueet.

2 Kor 12:19

Cöök däŋ an, yak lueel an, konyku röt ë wenïïm ë caŋawën? Wok jam ë Nhialic nɔm ë Kërtho yic. Ku ka luelku kedhie, wek kɔc nhiaar, ee ka ke kuɛ̈t bï we kueet.

Epethiei 4:12

Aa looi në luɔi bï kɔc ɣerpiɔ̈ɔ̈th a dikëdik, ku në luɔi de kuny ee kɔc röt kony, ku në kuɛ̈t bï guöp de Kërtho kueet.

Epethiei 4:16

Ago guöp dït ëbɛ̈n në yen në duöt cï e duut apiɛth abï lɔ kuendek, në yomnyïïn ëbɛ̈n yomnyïïn cath në yen, acït luɔi ee ka ke raan guöp looi ëbɛ̈n, kënë ke luɔide ku kënë ke luɔide, ago guöp dït abï rɔt yïk ë nhiëëric.

Epethiei 4:29

Ë cïn jam nhiɛɛny ee bɛ̈n bei ë wethook, ë ye jam piɛth etök, jam duëër kɔc kueet ë kë dak keek, ke kɔc piŋ en ke ke bï dhuëëŋdepiɔ̈u yök.

1 Theth 4:10

Ku kënë ayak looi ayadäŋ tëde mïthëkɔckun kedhie nu Makedonia ëbɛ̈n. Ku wek läŋku, wek mïthëkɔckuɔ, ke nhiëërdun bï lɔ ke ŋuak e nyin arëët.

1 Theth 4:18

Yen ya wek wepiɔ̈ɔ̈th muk wapäc në wëlkë.

1 Tim 1:4

Ku duökï päärëkɔ̈ɔ̈r ee piŋ, ayï jam de rɛm thɛɛr, jam cïn pëkde, ee kak ee teer bɛ̈ɛ̈i tei, ku acïkï kɔc ee tɔ kuet në ka ke Nhialic ku në gäm: jɔ keek aa yɔ̈ɔ̈k wuya, mɛnhdï.

Ɣeberuu 10:25

Duökï ee mɔ̈l ëbɛ̈n tëde läm, cït man ye kɔc kɔ̈k e looi, ë ŋɛk ë ye ŋɛk riit piɔ̈u në luɔi cïï akööl ke bɛ̈n ë Bɛ̈nydït Kërtho ɣëët tëthiɔ̈k.

Ɣeberuu 3:13

Ku yak wepiɔ̈ɔ̈th riit wapäc aköölnyïïn kedhie. Ke bï ciën raan töŋ bï nɔm riɛl ë weyiic të cïï kërac e math. Në luɔi ŋoot En ke cöt “Ee köölë.”

2 Pet 1:12

Yen acän täk bï pɔ̈l, täŋ bän aa cool ë täk ɛn wenïïm ë kakë, ciɛk, an, ŋiɛckï keek, ku yak kɔ̈ɔ̈c aril në löŋ yicic, löŋ tɔ̈u ke week ënɔɔnë.

Juda 1:20

Ku week, we kɔc nhiaar, yak röt yïk ë gämduön cä we gam, gäm ɣeric ë wic, ku yak lɔ̈ŋ në Wëidït ɣer,