1 Theth 4:9 - JAM DE NHIALIC 2011

⁹ Ku në këde nhiëër bä wek mïthëkɔckun nhiaar acïn kë duɛ̈ɛ̈r gäär wek, wegup, we cïï Nhialic wɛ̈ɛ̈t an, bäk röt nhiaar wapäc.

1 Theth 4:9 ပူးပေါင်းရင်းမြစ်များ

Diɛt 133:1

Ee këpiɛth cït ŋö, ee kë diik cït ŋö, luöi ye kɔc ke Nhialic rëër ëtök ë mätic!

Yith 51:13

Cäk nïïm guɔ määr në Bɛ̈nydït, raan ë cak week, raan ë thieth paannhial ku tɛ̈ɛ̈u këërkëër ke piny piny? Eeŋödäŋ ya wek tɔ̈u në riɔ̈ɔ̈c yic në agönh de kɔc yɔŋ week, kɔc kɔɔr bïk we riɔ̈ɔ̈k? Agönhden acïï week bï bɛ riɔ̈ɔ̈k.

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Jeremia 31:34

Acïn raan bï raanden aa wɛ̈ɛ̈t bïï Bɛ̈nydït ŋic, në biäk bï kek Yɛn ŋic kedhie gɔl ë mɛnh koor alee guööt raan dït. Yɛn bï karɛcken pɔ̈l ku Yɛn cïï ka cïk wööc bï bɛ tak. Acä lueel, Yɛn Bɛ̈nydït.”

Lebai 19:8

Ku raan lɔ en cam, abï yiëk yeth gääk, në luɔi cïï yen kë ɣeric de Bɛ̈nydït luöi dhääl. Yen ee raanë abï nyaai në kɔcke yiic.

Math 22:39

Ku kë lɔ ë yecök acït en an, ‘Nhiaar raan rɛ̈ɛ̈r ke yïn cït man nhiɛɛr yïn rɔt.’

Jɔn 14:26

Ku Raan ee kɔc muk piɔ̈ɔ̈th, yen aye Wëidït ɣer, Wëi bïï Wäär tooc në rinkï, yen abï we wɛ̈ɛ̈t ë këriëëc ëbɛ̈n, ago we tɔ tak wenïïm ë ka cä lɛ̈k week kedhie.

Luɔi 4:32

Ku tɔ̈u kut ë kɔc cï gam në piɔ̈n tök ku në jam tök: ku acïn raan ee ye lueel në ka cath ë yen an, ee kake yenguöp, ayek rɔm ëtök në käŋ kedhie.

Romai 12:10

Yak röt nhiaar në nhiëër ë mïth ke raan tök, ë ŋɛk e ŋɛk riëëu awär riëëu riëëu en rɔt.

2 Kor 9:1

Ku në këde kuny de kɔc ɣerpiɔ̈ɔ̈th, acïn kë duɛ̈ɛ̈r ɛn ë dhil gäär week.

Pilipoi 3:15

Yen lueel wok en wuklë, wok kɔc cï dikëdik wodhie, ku na de kë luɛlkï pei, ke Nhialic abï we nyuöth ee kënë aya:

1 Theth 5:1

Ku në këde run ku akööl, wek mïthëkɔckuɔ, acïn kë duɛ̈ɛ̈r gäär week.

Ɣeberuu 10:16

“Të le thaar bɛ̈n yɛn bï löŋ mac wokë keek, ku lööŋkï abä ke tääu ë kenïïm ku gäär keek ë kepiɔ̈ɔ̈th.”

Ɣeberuu 13:1

Yak kɔ̈ɔ̈c në nhiëërduön nhiaar wek röt cï mïth ke raan tök në Kërtho yic.

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.

1 Pet 4:8

Ku cöök nu ë cök nïïm, ee nhiëër bä wek röt nhiaar aläl, nhiëër ee kutdïït ë karɛc kum.

2 Pet 1:7

ku matkï määth ë mïth ke raan tök määth kekë riëëu de Nhialic, ku matkï nhiëër kekë määth ee mïth ke raan tök määth.

1 Jɔn 2:10

Raan nhiaar mɛnhkënë, ka rɛ̈ɛ̈r tëɣer, ku acïn kë cath ke ye kë bï ye tɔ kɔ̈th.

1 Jɔn 3:11

Ku kënë ee thoŋ cäk piŋ të ɣɔn gɔlë jam an, buk röt aa nhiaar.

1 Jɔn 3:23

Ku löŋde kï, gäm bï wo rin ke Wëndɛn Yecu Kërtho gam, ku nhiëër bï wok röt aa nhiaar, cït man cï en wo yiɛ̈n löŋ.

1 Jɔn 4:21

Ku löŋë a yökku tëde yen an, Raan nhiaar Nhialic ke nhiaar mɛnhkënë aya.