1 Theth 4:6 - JAM DE NHIALIC 2011

⁶ Ë cïn raan bï akeu waan, ciɛm mɛnhkënë ë këdäŋ: luɔi ee yen Bɛ̈nydït yen ee Raan bï ka cït ee kakë guöör kedhie, acït man cï wok e kɔn lɛ̈k week ayadäŋ, ku cuk röt tɔ ye cäätɔɔ.

1 Theth 4:6 ပူးပေါင်းရင်းမြစ်များ

Diɛt 140:12

Bɛ̈nydït aŋiɛc nɔn ee Yïn ee yiny de kɔc yɔŋ keek gël, ku Ye yic luöi kɔc cïn käŋ.

Diɛt 94:1

Bɛ̈nydït, Yïn ee Nhialic ee löŋ guiir, nyuɔɔthë agönhdu!

Bɛ̈n 20:15

“Du kuël.

Bɛ̈n 20:17

“Du kalei ee woi në yïpiɔ̈u, kake raan rɛ̈ɛ̈r wek. Du piɔ̈u de tiiŋde, ayï lïïmke, lïïm röör ayï lïïm diäär, ayï ɣɔ̈kke, ayï mulke, ayï këriëëcdɛn tɔ̈u ke yen ëbɛ̈n.”

Kɛ̈ŋ 11:1

Kuöc thëm de yic cuëër ee gök de kërɛɛc mɛɛn Bɛ̈nydït, ee thëm piɛth yen anhiɛɛr.

Kɛ̈ŋ 16:11

Ŋiëc thëm piɛth abɔ̈ tëde Bɛ̈nydït.

Kɛ̈ŋ 20:14

Raan ee ɣööc anande ee teer an cï ɣööc lɔ nhial, na le gäm en në kuën kɔɔr, ke go yenɔm lɔ ɣääc.

Kɛ̈ŋ 20:23

Kuöc thëm de yic cuëër ee gök de kërɛɛc mɛɛn Bɛ̈nydït.

Kɛ̈ŋ 28:24

Raan cuëër kɔc ë dhiëth en, ku lueel an, kën wäc, acïï duëërë kuɛɛn wei në kɔc ee käŋ riɔ̈ɔ̈k yiic.

Wɛ̈ɛ̈t 5:8

Të tïŋ yïn piny ayɔŋë kɔc kuanynyïïn thïn ku jɔt yicden në riɛl, ke yï du gäi. Në luɔi ye bɛ̈ny nɔm dɛ raan mät ke yen nu në yenɔm, ku ade bäny dït kɔ̈k mät ë keek nu ë kenïïm.

Yith 5:7

Baai de Yithriɛl ee dom de tiim de Bɛ̈nydït de rɛm, kɔc ke Juda ee kek ee tiim cï piith ee Ye miëët piɔ̈u. Aake ŋɛ̈ɛ̈th nɔn duëër kek yic aa looi, ke ke päl yic ku yek kɔc nɔ̈k. Aa ŋɛ̈ɛ̈th bï piathëpiɔ̈u yök tëde keek, ku kɔc yɔŋkï keek adhiëëukï yic.

Jeremia 7:6

Duökï alɛi ee cam, ku mïth abɛɛr, ku diëër abɛɛr. Ku duökï kɔc cïn gup awɛ̈ɛ̈c ee nɔ̈k ee pinyë. Duökï yiëth kɔ̈k ee lam, kënë abï week riɔ̈ɔ̈k.

Jeremia 9:4

Ŋɛk abï rɔt dhil aa tiit ë mɛ̈thëde, ku ë cïn raan ŋäth mänhë, në biäk cï kɔc ëbɛ̈n mɛth looi cï Jakop, ku raan ëbɛ̈n ee mɛ̈thë jääm guöp.

Edhekiɛl 22:13

“Yɛn bï yacin päm kɔckuön ee kɔc rum ku kɔc ee kɔc nɔ̈k.

Lebai 19:11

Du ee kual, du lueth ee töör, du raandäŋ ee math.

Lebai 19:13

Du raan thiääk ke yïn ee yɔŋ ku du rum aya, ku du wëu kë raan lui yïn në ariöp ee pëën agut cï wakɔ̈u.

Lebai 25:14

Ka të ɣɔ̈c yïn raande Yithriɛl piny ku nɔn ee piny yen ɣɔc tëde yen, duökï ee luui në ruëëny.

Lebai 25:17

Duökï raanduön de Yithriɛl ee cam, yak riɔ̈ɔ̈c ë Nhialicdun, ee Yɛn Bɛ̈nydït Nhialicdun.

Maika 2:2

Na cïk piɔ̈ɔ̈th dɛ duum, ke rumkï keek, na kɔɔrkï ɣööt, ke nömkï keek. Acïn baai ayï raan bïï ë kake poth.

Dhep 3:1

Amawoou në Jeruthalem ril nɔm, pänydïït ee kɔcke yɔŋ yetök.

Dhep 3:5

Ku Bɛ̈nydït atɔ̈u ë pänydït yic, ku abï këpiɛth looi ke cie kërac. Ee yicde nyuöth kɔcke aköölnyïïn ke cïn kööl töŋ lööny nɔm piny, ku kɔc ee karɛc looi ëtɛ̈ɛ̈n, ayek ŋoot ke ke loi awɛ̈ɛ̈c ku cïkï gup ee riɔ̈ɔ̈c.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Mak 10:19

Yïn ŋic cök ke lööŋ an, ‘Du lɔ wekë tiiŋ lei, du raan däŋ näk abï thou, du ye kual, du kɔc ee cäk thook, du kɔc ee cam, ye wuur riëëu kekë moor.”’

Luk 12:5

Ku we bä nyuöth raan bä wek aa riɔ̈ɔ̈c ë yen: Yak riɔ̈ɔ̈c në raan ë kɔc kɔn nɔ̈k abïk thou, na ëlë, ke de riɛl bï en ke cuat ë giɛna yic, yeka, wek yɔ̈ɔ̈k an, Yak riɔ̈ɔ̈c në yen!

Luk 16:28

wɛ̈ɛ̈tamäthkuɔ anukï kadhïc, toc abï aa cäätɔ bï ke lɔ cök ë yöök en ke, ke ke cïï bï bɛ̈n ee tënë aya, të ye kɔc leeŋ wëi thïn.’

Romai 1:18

Ku agönhdïït ë Nhialic agönh bɔ̈ nhial acï nyuɔɔth ë baŋ de reec reecë kɔc Nhialic gam ku baŋ de luɔi rɛɛc ee kɔc looi, kɔc ë yic waan ciëën në rac de kekpiɔ̈ɔ̈th.

Romai 12:19

Duökï röt ë guöör, wek kɔc nhiaar, yak agɔ̈th pät kueer, luɔi cï e gɔ̈ɔ̈r an, “Guur ee këdï, abä cool ë Yɛn, jam de Bɛ̈nydït ka.”

Romai 13:4

ee raan ë ka ke Nhialic looi në këde piathdu. Ku na ye kërac looi, ke yï jɔ riɔ̈ɔ̈c, abätäu acie mɔ̈k ɣɔ̈ric, ee raan ë ka ke Nhialic looi, raan ë agönh ë Nhialic nyuöth kɔc ee kërac looi.

2 Kor 7:11

Thɔ̈ɔ̈ŋkï këmanë guöp, dhiën cï we tɔ dhiau piɔ̈ɔ̈th në këde Nhialic, thɔ̈ɔ̈ŋkï lɛ̈th cï we tɔ lëth yiic dït dïït en, yeka, ku dït ë luɛl cä wek këdun lueel, yeka, ku diu cä wek piɔ̈ɔ̈th diu, yeka, ayï täŋ cä wek käŋ tak arëët, yeka, ayï tuöc cä wek piɔ̈ɔ̈th tuöc, yeka, ayï guur cä wek käŋ guöör! Në këriëëc ëbɛ̈n we cï röt nyuɔɔth nɔn cä wek gup a gɔk ë liu liɛɛu wek ë jamë yic.

Galatai 5:21

wui de kalei, näŋ de kɔc, wïn ee kɔc wit ë mɔ̈u, thuëëc de yic kërac, ku ka kɔ̈k cït ee kakë, ka ke guöp ka: ku akɛ̈n lɛ̈k week ënɔɔnë në këde kakë, acït man cän e kɔn lɛ̈k week ɣɔn në këden an, kɔc ee ka cït ee kake looi, acïkï Ciɛɛŋ de Nhialic bï lɔ̈ɔ̈k lak.

Epethiei 4:17

Yen aluɛɛl ɛn cöökë, ke ya ye cäätɔ ë Bɛ̈nydïtic an, duökï ë bɛ rëër ë rëër ë Juöör, kɔc ë rëër ke ke ye ɣɔ̈ric tak ë kenïïm,

Epethiei 4:28

Raan ë ye kual, në cie bɛ kual: aŋuän luɔi bï en aa luui ë luɔi piɛth në cinke, ke bï dɛ kë bï en raan däŋ miɔɔc, raan dɛk ë käŋ.

Epethiei 5:6

Ë cïn raan ee we math ë wël ɣäär yiic: agönh ë Nhialic abɔ̈ ë kɔc reec gäm nïïm në biäk de ka cït ee kakë.

Nyöŋ 24:7

“Raan ëbɛ̈n raan lɔ kɔc ë Yithriɛl gɔpiic ku jɔ ke tɔ ee lïm, ku nɔn lee ke ɣaac, ke ke ye lïïm, raanë abï nɔ̈k. Në ee kueerë wek bï kërɛɛcë jɔ nyaai.

Nyöŋ 32:35

Bɛ̈nydït abï guur nööm ku kuum keek, ku akööl abïk bɛ̈n akööl bï kek lony, akööl lony kek acï thiɔ̈k.

1 Theth 2:11

acït man ŋiɛc wek en, guiëër ee wok week guiëër ku muŋ ee wo week muk piɔ̈ɔ̈th, ku lëk ee wok week lɛ̈k wedhie, cït man ee wun mïth jam kekë mïthke,

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

Ɣeberuu 13:4

Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.

Ɣeberuu 2:6

Cït man cï ye lueel tëdäŋ në Këcïgɔ̈ɔ̈ric an: “Raan eeŋa, Yïn Nhialic, kë Yïn Yïnɔm tak në yen? Cie mɛnh ë raan tei? Eeŋö nuɛɛn Yïn rɔt në yen?

Jakop 2:6

Ku week, we ye raan kuany nyin tɔ cïn naamde. Ku na kɔc cuai, cïkï week ee cieŋ ë ciɛɛŋ rac, ku cïkï week ee thɛl ë bäny ke gööny nïïm?

Jakop 5:4

Wɔikï, ariöp de kɔc ee luui kɔc ee duumkun tem, ariöp cäk pɛ̈n keek ë cuëër, amoc kiɛɛu, ago kiɛɛu de kɔc tëm jɔ ɣet ë Bɛ̈nydït yïc, Bɛ̈nydït Awärjäŋ.