1 Theth 4:5 - JAM DE NHIALIC 2011

⁵ ku cïï e piɔ̈u tum kërac në ŋɔ̈ɔ̈ŋ ee ye dɔm, cït man ë Juöör kuc Nhialic.

1 Theth 4:5 ပူးပေါင်းရင်းမြစ်များ

Diɛt 79:6

Pɔ̈kë agönhdu juöör ku ciɛɛŋ cïï Yïn ee lam, kɔc wën cïï Yïn ee lɔ̈ŋ.

Jeremia 10:25

Pɔ̈kë agönhdu juöör cïï Yïn ee lam, ku kɔc ee yïn rɛɛc. Acïk kɔcku nɔ̈k, acïk wook riɔ̈ɔ̈k taitai, ku nyiëëŋkï pinyda piny ke cï riääk.

Math 6:32

Kake kedhie aye juöör ke kɔɔr, ku aŋic wuöörduön nu paannhial nɔn kaar wek kake kedhie.

Luk 12:30

Kakë kedhie aye juöör ke piny nɔm ke kɔɔr: ku aŋic Wuöördun nɔn bä wek dhil dɛ kakë.

Luɔi 17:23

Wään tɛ̈ɛ̈k ɛn kueer, yɛn ë käŋ tïŋ ka lamkï, aguɔ yïïŋ tök yök aya, yïïŋ de läm, acï gäär kɔ̈u wël, an, ‘Këde Nhialic kucku.’ An, Raan yak lam ke kuöckï, yen a guiëër week ënɔɔnë.

Romai 1:24

Yen aa kunë Nhialic keek luɔi col në döm cï ŋɔ̈ɔ̈ŋ de kërac ke dɔm, abïk dhuëëŋ de kegup riɔ̈ɔ̈k ë röt kapäc.

Romai 1:26

Yen aa koonë Nhialic keek abïk kacol ëcut aa kɔɔr ë kepiɔ̈ɔ̈th, acakaa diëërken gup ayek ciɛɛŋ de tik puk, ciɛɛŋ ë ciɛkë piny, ku jɔkï ciɛɛŋ ë piny cak kɔɔr.

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

1 Kor 15:34

Jakï pääc në piɔ̈n piɛth, ku duökï kërac ee looi, kɔc kɔ̈k acïn ŋïny de Nhialic cath ke keek: yɛn luel cöökë, ke we bï yäär.

Galatai 4:8

Ku wään kuöc wek Nhialic, wek aaye lïïm ke yiëthkun yiëth cie Nhialic në ciɛɛŋdɛn ë ciɛkë keek.

Epethiei 2:12

Wek ë cïï thiääk ë Kërtho ɣɔn, wek ë nu pei, ku cäkï ë dïïl ke Yithriɛl, ku wek ë ye kɔc lei, aa cïn këdun thïn ë löŋ cï macic, löŋ de kë cï kɔc lueel an, bï gäm kɔc, wek aa cïn kë ŋäthkï, ku liu Nhialic tëde week ë piny nɔm.

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

1 Pet 4:3

Akööl wään cï wan acïk dhil looi, akööl wään ee wok kamit ë Juöör piɔ̈ɔ̈th looi, kööl ë ye wok cool ë loi luɔi de dhööm, ku ŋɔ̈ɔ̈ŋ de kërac, ku dëŋ de mɔ̈u, ku thuëëc rac, ku wïn ee kɔc wit ë mɔ̈u, ku läm de yiëth col ëcut.