1 Theth 4:4 - JAM DE NHIALIC 2011

⁴ Week wedhie, ë ŋɛk e ye guöpde ŋiëc dɔm në ɣɛɛrëpiɔ̈u ku riëëu,

1 Theth 4:4 ပူးပေါင်းရင်းမြစ်များ

Luɔi 9:15

Go Bɛ̈nydït yɔ̈ɔ̈k an, “Lɔɔr, raanë ee raandiën cä lɔc, bï rinkï lɛɛr ë Juöör nïïm, ku meliik nïïm, ku kɔc ke Yithriɛl nïïm.

Romai 1:24

Yen aa kunë Nhialic keek luɔi col në döm cï ŋɔ̈ɔ̈ŋ de kërac ke dɔm, abïk dhuëëŋ de kegup riɔ̈ɔ̈k ë röt kapäc.

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 6:19

Yɛn jam cït man ë raan tei, në baŋ de kɔ̈c de guöpdun. Acït man cä wek ka ke wegup gäm cuɔlëpiɔ̈u abïk aa lïïmke, ku acäk ke gäm reecëlöŋ bïk löŋ aa rɛɛc, yen abï ciët gäm duɛ̈ɛ̈r wek ka ke wegup gäm piathëpiɔ̈u ënɔɔnë, abïk aa lïïmke, ke bï ɣɛɛrëpiɔ̈u bɛ̈ɛ̈i.

1 Kor 6:15

Kuöckï wegup, nɔn ee kek ka ke Kërtho? Ku bä ka ke Kërtho nööm, takï keek ee ka ke akɔɔrröör? Ei! Acïï bï aa yen!

1 Kor 7:2

Ku në biäk de bal, ë moc ëbɛ̈n ë ye dɛ tiiŋ de yenguöp.

1 Kor 7:9

Ku na dhɛl keek në muŋ bï kek röt muk, ë ke thiëk: thiëëk aŋuän në luɔi bï ŋɔ̈ɔ̈ŋ ke nɔ̈k.

2 Kor 4:7

Ku wo ee këpiɛthë muk ë ka cï cuëëc ë tiɔp yiic, kë dïït ë riɛl wär këriëëc kë bï aa këde Nhialic, ku cïï bɔ̈ tëde wook.

Pilipoi 4:8

Cöök ciëën, mïthëkɔckuɔ an, Të de yen kak ee yith, tëde yen ka ye riëëu, të de yen ka ye tiiŋ yiic, të de yen ka lɔ wai, të de yen ka cï läkëläk, të de yen ka piɛth rin, na de piath nu, ku na de lɛc nu, takkï wenïïm ee kakë.

Ɣeberuu 13:4

Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.

1 Pet 3:7

Yen acït rëër bä wek aa rëër në diëërkun ëtök, wek röör, abäk röt ŋic apiɛth, ku yak tik theek, ku yak muk ëmääth, cït man ë töny kɔ̈c, luɔi aa wek kɔc bï dhuëëŋ de pïïr lɔ̈ɔ̈k lak në keek ëtök, ke lɔ̈ŋduön aa wek lɔ̈ŋ ke cïï bï gɔ̈ɔ̈u.

1 Tham 21:5

Ago Debid këde Aɣimelek bɛ̈ɛ̈r, an, “Ee yic wok cï röt tiit në diäär, cït man yan e looi aköölnyïïn tëde yen të lan thïn. Wok ee ka cath në wook tɔ ɣeriic ëbɛ̈n, ayï të le wok tëdäŋ pei, ku ee köölë wok cï röt tiit aläl!”