1 Theth 4:3 - JAM DE NHIALIC 2011

³ Këde piɔ̈n ë Nhialic kï an, Ɣɛɛr bä wek piɔ̈ɔ̈th ɣɛɛr, ku päl bä wek kɔ̈ɔ̈rëdiäär pɔ̈l.

1 Theth 4:3 ပူးပေါင်းရင်းမြစ်များ

Diɛt 143:10

Yïn e Nhialicdï, piööcë yɛn bä këde piɔ̈ndu looi. Bä piath we yɛn, ku caathë yɛn ë kueer piɛth yic.

Diɛt 40:8

Aa nhiaar bä këde yïn piɔ̈u looi Nhialicdï, wëëtdu aya muk në yapiɔ̈u thïn.”

Lebai 15:18

Na cï moc tɔ̈c kekë tik, ku de mïth cï wɛt piny, keek kedhie abïk dhil waak në pïïu, ku abïk gup rac aɣët cï thëën.

Math 12:50

Raan ëbɛ̈n raan bï këde Wäär piɔ̈u aa looi, Wäär nu paannhial, yen aye mɛnhkäi, ku ye nyankäi, ku ye maar.”

Math 15:19

Kak ee bɛ̈n bei ë raan piɔ̈u kï, karɛc ee raan ke tak, näŋ de raan, kɔ̈ɔ̈r ë diëër lei, dhööm, kuël, ciëkë thok, lɛ̈ɛ̈t rac.

Math 5:32

Ku wek yɔ̈ɔ̈k an, “Raan pɔ̈k kekë tiiŋde, ke tik kën röör kɔ̈ɔ̈r, ka cï tiiŋde tɔ lɔ kekë mony lei, ku raan bï tiiŋë bɛ thiaak, tiiŋ cïï monyde pɔ̈l, ka cï lɔ kekë tiiŋ lei.

Math 7:21

Acie raan ëbɛ̈n raan ee ye lueel, an, Bɛ̈nydït, Bɛ̈nydït, yen bï lɔ ë ciɛɛŋ de Nhialic, ee raan ë këde piɔ̈u ë wäär looi, wäär nu paannhial yen abï lɔ.

Mak 3:35

Raan ëbɛ̈n raan bï këde Nhialic piɔ̈u aa looi, raanë yen aye Mɛnhkäi, ku ye nyankäi, ku ye maar.”

Jɔn 4:34

Go Yecu ke yɔ̈ɔ̈k an, “Luɔi luɔi ɛn këde piɔ̈n ë raan ë toc ɛn, ayï thöl bän luɔide thöl, yen aye këcamdï.

Jɔn 7:17

Të kɔɔrë raan nɔn bï en këde piɔ̈nde looi, ka bï këdiën wɛ̈ɛ̈t dhil ŋic, nɔn ë bï yen tëde Nhialic, ku nɔn jaam ɛn në këde yenhdï.

Luɔi 15:20

ku abuk keek gäär tei an, bïk luɔi de yiëth pɔ̈l luɔi nhiany, ku pälkï dhööm, ku cäm de läi cï dec, ku riɛm.

Luɔi 15:29

an, bäk cäm ë rïŋ cï gam yiëth pɔ̈l, ku riɛm, ku ka cï dec, ku dhööm, të cä wek kakë pɔ̈l, ka we ye këpiɛth looi. Niɛnkï apiɛth.

Luɔi 20:32

“Ku ënɔɔnë, wäthii, wek tääu ë Nhialic cin, ayï jam de dhuëëŋ de yenpiɔ̈u, jam duëër week kueet, agokï week gäm biäkduön bäk lɔ̈ɔ̈k lak ë kɔc piɛthpiɔ̈ɔ̈th yiic kedhie.

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Romai 1:29

Ayek piɔ̈ɔ̈th thiäŋ në racdepiɔ̈u, dhööm, kɔ̈ɔ̈r ë kërac, wui de kalei, luɔi de anyääk, ayek thiäŋ në tiɛɛl, näk, ater, ruëëny, cuɔlëpiɔ̈u, ayek mantuum,

Romai 12:2

Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.

Romai 6:22

Ku ënɔɔnë, nɔn cï we luöny bei ë kërac cin, aguɔkï aa lïïm ke Nhialic, ke we de kakuön cï luɔk ënɔɔnë ka ke ɣɛɛrëpiɔ̈u, ku thök bï en thök ee pïïr athɛɛr.

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

1 Kor 7:2

Ku në biäk de bal, ë moc ëbɛ̈n ë ye dɛ tiiŋ de yenguöp.

2 Kor 12:21

Ku yɛn ë riɔ̈ɔ̈c, miäk, të la yɛn bɛ bɛ̈n, ke Nhialicdï acït kë bï a tɔ yäär ë weyiic, ku yɛn cït kë bï kɔc juëc dhiëëu kɔc cï kërac kɔn looi, ku kënkï kepiɔ̈ɔ̈th puk në luɔidɛn col ku kɔ̈ɔ̈r ee kek diäär kɔɔr ku dhöömden, luɔidɛn rɛɛc ë cïk aa looi.

Galatai 5:19

Ku luɔi de guöp aye tïc ëgɔk, kek kï, kɔ̈ɔ̈r ë diäär, luɔi col, dhööm,

Epethiei 5:17

Yen duö wek röt tɔ ye kɔc mum nïïm, yak röt tɔ ye kɔc ŋic këde piɔ̈n ë Bɛ̈nydït.

Epethiei 6:6

Duökï ee luui ë kë woi kɔc, cït man ë kɔc ee kɔc math nyïïn, yak luui cït man ë lïïm ke Kërtho, abäk këde piɔ̈n ë Nhialic aa looi ë wepiɔ̈ɔ̈th thïn.

Kolothai 1:9

Yen aye wok cool ë läŋ Nhialic në biäkdun acïn pëk, gɔl ëkööl ɣɔn kɔn wok e piŋ, ke we bï kuɛth ë ŋïny ŋiɛc wek këde piɔ̈nde në pɛlënɔm ëbɛ̈n ku në yöŋ aa wek ka ke wëi yök yiic,

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.

Kolothai 4:12

Wek thiëëc Epapara, raandun, ku ye raan ee Yecu Kërtho luööi, ee cool ë nɛ̈k rɔt piny ë lɔ̈ŋdeyic në biäkdun, ke we bï aa kɔ̈ɔ̈c aril, ke we bï piɔ̈ɔ̈th aa dikëdik ku kuɛthkï në këde piɔ̈n ë Nhialic ëbɛ̈n.

1 Theth 4:2

We ŋic jam cuk yiɛ̈n week në Bɛ̈nydït Yecu.

1 Theth 4:4

Week wedhie, ë ŋɛk e ye guöpde ŋiëc dɔm në ɣɛɛrëpiɔ̈u ku riëëu,

1 Theth 5:18

Yak thieithieei lueel në këriëëc ëbɛ̈n. Kënë ee këde piɔ̈n ë Nhialic në këdun ë Kërtho Yecuyic.

1 Theth 5:23

Ku ënɔɔnë, Nhialic de mät, Yen guöp, ee we tɔ ɣerpiɔ̈ɔ̈th ëliŋliŋ, ku wëikun ëbɛ̈n ku piɔ̈ndun ku guöpdun ë ye ke muk acïn këliu, ku bï ciën kë duëërë ke gɔ̈k aɣet bɛ̈n bï Bɛ̈nydan Yecu Kërtho bɛ̈n.

2 Theth 2:13

Ku wo bï dhil cool ë lec Nhialic në biäkdun, wek mïthëkɔckuɔ nhiɛɛr Bɛ̈nydït, në lony cï Nhialic we lɔc të ɣɔn ciɛkë käŋ, ke bï we kony wëi në ɣɛɛr bä wek piɔ̈ɔ̈th ɣɛɛr, ku në gäm bä wek yic gam.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 10:36

Yak wepiɔ̈ɔ̈th muk, aguɔkï këde piɔ̈n ë Nhialic aa looi ku bäk ka cï kɔn lɛ̈k week yök.

Ɣeberuu 12:16

Ku yak röt tiit në kɔc cïn gup athɛɛk ku dhööm ku kɔc cïn piɔ̈ɔ̈th gäm cït man ë Ethau. Ku tiëŋkï! Duëër raan dïtdɛn yen kɛ̈i gam kekë athiɛɛidɛn bï bɛ̈n, cït man ë lupɔ, në aduŋ töŋ de këcam?

Ɣeberuu 13:4

Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.

1 Pet 1:2

Kɔc cï lɔc në ŋïny ee Nhialic Wääda ka ŋoot tueŋ ŋic, ku cï Wëidït ke tɔ piɛthpiɔ̈ɔ̈th, bïk këde Yecu Kërtho aa piŋ ku bïke yoor në riɛmde. Ë dhuëëŋdepiɔ̈u ku mät ë ke ŋuak nyïïn tëde week.

1 Pet 4:2

Ago täu täu wek ë guöpic ë aköölkuön ë pïïr cï döŋ tëde week, ke cïï bï aa këde ŋɔ̈ɔ̈ŋ ë kɔc dɔm, abï aa këde piɔ̈n ë Nhialic.

1 Jɔn 2:17

Ku piny nɔm akɔɔr jäl, ayï ŋɔ̈ɔ̈ŋde aya: ku raan ee këde piɔ̈n ë Nhialic looi ee tɔ̈u athɛɛr.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.