1 Theth 4:17 - JAM DE NHIALIC 2011

¹⁷ na ëlë, ke wok kɔc pïïr, kɔc cï döŋ, wo bï gap nhial në keek ëtök ë luäät yiic, buk lɔ rɔ̈m në Bɛ̈nydït ë yomic: ku jɔku tɔ̈u në Bɛ̈nydït ëtök aɣet athɛɛr.

1 Theth 4:17 ပူးပေါင်းရင်းမြစ်များ

1 Mel 18:12

Ku na ja jäl ku jɔ Wëi ke Bɛ̈nydït yï guɔ lɔ̈ɔ̈k gap të cïï ŋic? Ku ja lɔ lɛ̈k Aɣap luɔi nu yïn eenë, ku cïï yï bï bɛ̈n yök, abï ya nɔ̈k.

2 Mel 2:11

Na wën, aa ŋootkï, ke ke cath, ke ke jam, go abël ë mac thel ë jöŋgöör ke mac tuöl ë thiäu, ku tek keyiic, go Elija lɔ paannhial në kɔɔr.

2 Mel 2:16

Gokï lɛ̈k en an, “Tïŋ, lïïmku adekï nïïm röör ril kathiërdhïc, yïn läŋ tɔ wo lɔ lok bɛ̈nydu kɔɔr. Tɛk däŋ cïï Wëi ke Bɛ̈nydït en gap nhial ku lek cuat ë kuur däŋ nɔm, ku nɔn ee wakic.” Go Elica bɛ̈ɛ̈r an, “Du keek tooc.”

Diɛt 16:11

Yïn bï ya nyuöth kueer de pïïr, ku täu tɔ̈u Yïn we yɛn ee ya tɔ mit piɔ̈u ku tɔ ya lɔ̈ŋ piɔ̈u aɣet athɛɛr.

Diɛt 17:15

Ku yïn bä tïŋ në luɔi ë piathëpiɔ̈u cä looi, na la lɔ pääc, yɛn bï piɔ̈u miɛt në dhuëëŋdu.

Diɛt 49:15

Ku Nhialic abï yɛn luök, abï ya kony në riɛl de paan ë thuɔɔu.

Diɛt 73:24

Yïn ee yɛn wat në wëëtdu, ku miäk wadäŋ Yïn bï yɛn loor nɔm në dhuëëŋ.

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Danyel 7:13

Ku në ee nyuuthë yic wakɔ̈u, yɛn cï kë cït mɛnh ë raan tïŋ. Abɔ̈ të nu yɛn thïn ke cï geeu në luäät, ago lɔ të de raan pïïr aɣet athɛɛr, go lɔ gäm en.

Math 26:64

Go Yecu lueel an, “Acï tiiŋic, ku wek yɔ̈ɔ̈k aya an, Ëkööl wadäŋ, ke we bï Wën ë Raan tïŋ arɛ̈ɛ̈r ë baŋ cuëny de Riɛldït, ku bïï ë luäät nïïm luäät nhial!”

Mak 14:62

Go Yecu lueel an “Ee yɛn: ku we bï Wën ë Raan tïŋ ke rɛ̈ɛ̈r ë baŋ cuëny de riɛl dït, ku bï ë luäät yiic luäät nu nhial!”

Jɔn 12:26

Të de yen raan ë kakï looi, në ye ya biɔɔth cök, ago bɛ̈n të nuö yɛn, yen abï raan ee kakï looi nu thïn ayadäŋ: të de yen raan ee kakï looi, yen abï Wäär ŋic.

Jɔn 14:3

Ku të la yɛn, la tëdun guik, ke yɛn bï a nɔm bɛ lɔ puk, bä we bɛ̈n loor, ago të nuö yɛn, ke we bï nu ëtɛ̈ɛ̈n aya.

Jɔn 17:24

“Yïn Wäär, kɔc cï gäm ɛn, yɛn de piɔ̈u luɔi bï kek aa tɔ̈u në yɛn ëtök të nuö yɛn thïn, ke ke bï dhuëëŋdï tïŋ, dhuëëŋ cï gäm ɛn, nɔn cï yïn a nhiaar ɣɔn ŋootë piny ke kënë cak.

Luɔi 1:9

Na wën, aacï kakë lueel, ke jɔtë nhial ke woikï, go luät thiaan ë kenyïïn.

Luɔi 8:39

Na wën, aa cïk bɛ̈n bei ë pïïu yiic, ke Wëi ke Bɛ̈nydït ke ke gɔp Pilip wei, ku akënë mony cï roc bɛ tïŋ, go kueerde dɔmic ku mit piɔ̈u.

1 Kor 15:52

ëthiäu, cït man anieu de nyin, të koothë kaaŋ ciëën: kaaŋ abï kooth, go kɔc cï thou röt jɔt ke ke cïï bï dhiap, ka wo bï röt puk.

2 Kor 5:8

Wo ee wopiɔ̈ɔ̈th riit, dï, ku yok lueel an, aduëër ŋuän tëde wook të tɔ̈u wok roor të liiuwë guöpda, ku tɔ̈uku baai në Bɛ̈nydït ëtök.

Pilipoi 1:23

Yɛn ë miɛn ë kaamden kaarou, yɛn cïï ŋɔ̈ɔ̈ŋ de jäl dɔm, jäl jäl ɛn aguɔ tɔ̈u wokë Kërtho ëtök, yen aŋuän arëëtdït.

1 Theth 3:13

luɔi bï en we tɔ kääc piɔ̈ɔ̈th aril, ke cïn gääk duëërë we gɔ̈k, në ɣɛɛrëpiɔ̈u ë Nhialic nɔm, Yen aye Wääda, ë kööl ë bɛ̈n bï Bɛ̈nydan Yecu Kërtho bɛ̈n kekë kɔckɛn ɣerpiɔ̈ɔ̈th kedhie.

1 Theth 4:15

Ku kënë a lëkku week në jam ë Bɛ̈nydït an: Wok kɔc pïïr, kɔc bï döŋ aɣet bɛ̈n bï Bɛ̈nydït bɛ̈n, wo cïï kɔc cï niin bï waan.

1 Theth 4:18

Yen ya wek wepiɔ̈ɔ̈th muk wapäc në wëlkë.

1 Theth 5:10

raan cï thou në biäkda, luɔi bï wook pïïr në yen ëtök, ayï të yïn wok ayï të niin wok.

2 Pet 3:13

Ku wook, acït man cï en e kɔn lɛ̈k wook, wok tit tënhial bï piac cak, ku piny bï piac cak aya, piny rëërë piathëpiɔ̈u thïn.

Nyuuth 1:7

Tiëŋkï, abɔ̈ kekë luäät, ku abï tïŋ ë kɔc nyïïn kedhie, ayï kɔc ɣɔn guut en aya, ku dhiëën ke piny nɔm ëbɛ̈n abïk dhuöör në biäkde. Ee yen. Amiin.

Nyuuth 11:12

Na wën, ke ke jɔ röl dïït bɔ̈ nhial piŋ, röl lueel en, an, “Bäkï nhial eenë!” Gokï lɔ paannhial ë luätic, ke ke woi kɔc de kek ater.

Nyuuth 12:5

Go mɛwä dhiëëth, mɛnh bï juöör cieŋ ëbɛ̈n ë thieny wëëth: go mɛnhde gap nhial leer të nu Nhialic, ku të nu thöönydɛndït.