1 Theth 4:14 - JAM DE NHIALIC 2011

¹⁴ Ku të gɛm wok en nɔn cï Yecu thou, ku be rɔt jɔt, yen acït bïï bï Nhialic kɔc cï lɔ niin ë Yecuyic bɛ̈ɛ̈i në yen ëtök.

1 Theth 4:14 ပူးပေါင်းရင်းမြစ်များ

Cäk 49:19

“Gad abïï cuɛ̈ɛ̈r aa muɔɔk piny, ku abï rɔt aa puk, ku kuɛny kecök.

Yith 26:19

Kɔckuɔn cï thou abïk bɛ pïïr! Gupken abïk röt dɔ̈k ë pïïr yic. Kɔc nin në rɛ̈ŋken yiic ëbɛ̈n abïk pääc ku kïtkï ë miɛtëpiɔ̈u. Cït man ye thɛ̈ny thiin lɔ bilbil piny tɔ dëk, yen abï Bɛ̈nydït kɔc cï thou thɛɛr bɛ tɔ pïïr.

Dhek 14:15

Jɔɔk tuc thook abïk bɛ̈n ë jöŋgöör gup aya, ayï mul, ayï thɔ̈rɔ̈ɔ̈l, ayï mul cek, ku läi ëbɛ̈n läi nu ë pɛɛny ke kɔc ke ater yiic ëbɛ̈n.

Math 24:31

Na ëlë, abï tuuckɛn nhial tooc në kaaŋ kök arëët, lek kɔc cï lɔc kut nïïm, kɔc nu të lɔ rut, ku wöuwic, ku të lɔ aköl amiäk, ku të lɔ aköl athɛ̈i, gɔl ë nhial baŋ tök aɣët nhial baŋ tui.

Romai 14:9

Ku yen aa thouwë Kërtho, ku jɔt rɔt be pïïr, luɔi bï en aa Bɛ̈nydïït ë kɔc cï thou ayï kɔc pïïr.

Romai 8:11

Ku të rëërë Wëi ë weyiic, ke Wëi ke Raan wään cï Yecu jat nhial ë kɔc cï thou yiic, të rëër kek ë weyiic, ke Raan cï Kërtho jat nhial ë kɔc cï thou yiic, yen abï week tɔ pïïr gup gup de yiic thuɔɔu, në riɛl ë Wëikɛn ee rëër ë weyiic.

1 Theth 3:13

luɔi bï en we tɔ kääc piɔ̈ɔ̈th aril, ke cïn gääk duëërë we gɔ̈k, në ɣɛɛrëpiɔ̈u ë Nhialic nɔm, Yen aye Wääda, ë kööl ë bɛ̈n bï Bɛ̈nydan Yecu Kërtho bɛ̈n kekë kɔckɛn ɣerpiɔ̈ɔ̈th kedhie.

1 Theth 4:13

Ku wok cïn piɔ̈ɔ̈th luɔi bä wek e kuc, wek mïthëkɔckuɔ, në këde kɔc cï niin, ke we cïï piɔ̈ɔ̈th bï jiɛth aläl, cït man ë kɔc kɔ̈k, kɔc cïn kë ŋäthkï.

1 Theth 4:17

na ëlë, ke wok kɔc pïïr, kɔc cï döŋ, wo bï gap nhial në keek ëtök ë luäät yiic, buk lɔ rɔ̈m në Bɛ̈nydït ë yomic: ku jɔku tɔ̈u në Bɛ̈nydït ëtök aɣet athɛɛr.

2 Theth 2:1

Ku ënɔɔnë, wek läŋku, wek mïthëkɔckuɔ, në këde bɛ̈n bï Bɛ̈nydan Yecu Kërtho bɛ̈n, ku guëër bï wo guëër ë yelɔ̈ɔ̈m:

Nyuuth 1:18

Ku ya raan pïïr, yɛn aacï thou, ku tïŋ ya kï pïïrë aɣet wadäŋ thɛɛr, ku yɛn cath wo mukthɛ̈ɛ̈r ke thuɔɔu ku paan ë thuɔɔu.

Nyuuth 14:13

Guɔ röl ë raan piŋ röl bɔ̈ nhial, lueel, an, “Gäär, an: Thieithieei ë kɔc bï thou ë Bɛ̈nydïtic gɔl ënɔɔnë aɣet wadäŋ!” “Ɣɛɛ, ee yic, alueel Wëidït, në ke lɔ̈ŋ në luɔidɛn tuc, ku luɔidɛn cïk looi ee keek biɔɔth cök.”