1 Theth 4:11 - JAM DE NHIALIC 2011

¹¹ Ke we bï rëër bä wek rëër ëmääth aa cool ë thɛm wek e, ku bäk kakun gup aa looi, ku yak luui ë wecin, acït man cï wok e lɛ̈k week.

1 Theth 4:11 ပူးပေါင်းရင်းမြစ်များ

Kɛ̈ŋ 17:1

Baai nyiiyë kuïn nyin ku nu mät apiɛth, në baai ciɛmë kamit ku nu agööth.

Kɛ̈ŋ 17:14

Të cïï agɔ̈th e thar cak aye dap duöm piny ke cï bï ɣeer, aduëër ciët wɛ̈ɛ̈r cïï thɔc dhuɔɔŋ.

Wɛ̈ɛ̈t 4:6

Ku ayadäŋ, aŋuän bä dɛ kë koor ku rëër adïu, në luɔi bï raan aa cool ë luɔɔi në cin kedhie, ee cum de yom cök.

Dhiëëu 3:26

Ka apiɛth tëde wook buk En tiit ëmääth. Buk tiit bïï wook kony.

Mak 13:34

Acït nɔn dhie kenyë raan, ku nyiëëŋ ɣönde piny, ku gëm lïïmke riɛl, ku gëm raan ëbɛ̈n luɔide, ku yöök raan tit kalthok, an, ye yïn.

Luɔi 18:3

ago rëër ke keek, luɔi ee kek atëët kït, agokï ya luui ëtök, ayek atëët ee pɛɛny cuëëc.

Luɔi 20:35

We cä nyuöth këriëëc ëbɛ̈n, luɔi bä wek aa luui aya, aguɔkï kɔc kuanynyïïn dhil aa muk, ku yak wenïïm tak në wël ke Bɛ̈nydït Yecu, wään lueel en en an, ‘Raan yïn raan däŋ käŋ, yen aye thieei awär raan ë yïnë käŋ.”’

Romai 12:11

Ë cïn raan ë rɔt dak ë luɔide, yak yiic lëth në Wëidït, yak ka ke Bɛ̈nydït looi.

Romai 15:20

Yeka, aa nu ë yapiɔ̈u luɔi bän wëlpiɛth aa guiir, të kënë rin ke Kërtho kɔn lueel, ku yɛn aa cïn piɔ̈u luɔi bän yïk ë këërkëër ë raan däŋ nɔm.

1 Kor 4:12

wok ee cool ë loi luɔi ë wocin: lat wo, ke luelku, an, thieithieei, yɔŋ wo, ke gumku,

2 Kor 5:9

Ku kënë en ayok cool ë kɔɔr wok en arëët an, të nu wo baai ayï të nu wo roor, ke wo bï miɛt ë Bɛ̈nydït piɔ̈u.

Epethiei 4:28

Raan ë ye kual, në cie bɛ kual: aŋuän luɔi bï en aa luui ë luɔi piɛth në cinke, ke bï dɛ kë bï en raan däŋ miɔɔc, raan dɛk ë käŋ.

1 Tim 2:2

në baŋ de meliik, ku kɔc nu ë kɔc nïïm kedhie, luɔi bï wo tɔ̈u ke wo rëër ke cïn riɔ̈ɔ̈c, ku rëërku ëdïu, në riëëu dïït ee wok Nhialic riëëu ku thɛ̈k ee wo kɔc theek.

1 Tim 5:13

Ku ayek röt wɛ̈ɛ̈t ëŋɛɛrëguöp, ku jɔkï aa riäu lek dhiënë ku lek dhiënë, ku acïkï gup ee ŋɛɛr tei, ayek kɔc ee guak ë keliëp, kɔc ee röt gap ë luɔi de kɔc kɔ̈k yiic, agokï ka cïï piɛth aa lueel.

Tito 3:14

Ayï kɔckuɔ aya tɔ ke wëëtë apiɛth ke ke bï aa cool ë loi luɔi piɛth, agokï kë pïïr kek aa yök, ku cïkï ee tɔ̈u ke ke cïï lok.

1 Pet 3:4

Yak kiëërdun tɔ ye raan cï thiaan ë wepiɔ̈ɔ̈th, raan lirpiɔ̈u ku cïn thok wël, yen aye kiëër cïï bï dhiap, kiëër de naamdɛn piɛth ë Nhialic nɔm.

1 Pet 4:15

Ku ë cïn raan ë weyiic raan bï këde yök ë näŋ cï en raan nɔ̈k, ku luɔi ee yen cuɛ̈ɛ̈r, ku luɔi cï en kërac looi, ku në cook ee yen jamde cuɔɔk ë jam de kɔc kɔ̈k yiic.