1 Theth 4:1 - JAM DE NHIALIC 2011

¹ Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

1 Theth 4:1 ပူးပေါင်းရင်းမြစ်များ

2 Lëk 17:4

Ago Nhialic de wun aa luööi, ku döt lööŋ ke Nhialic, ku akën luui në kuɛɛr ke meliik ke Yithriɛl.

Jop 17:9

Ku abïk ŋoot ke ke rɛ̈ɛ̈r në piathëpiɔ̈ndenic, ku abïk lɔ ke ke ŋuak riɛlden nyin.

Diɛt 92:14

tiim ee ŋuɔl ë mïth ke ke cï dhiɔp ku ayek tɔ̈c ku rilkï ëceŋ.

Kɛ̈ŋ 4:18

Ku kueer de kɔc ɣerpiɔ̈ɔ̈th, acït ɣɛɛr de run ë piny, ë lɔ ke jɔ ɣɛɛr abï piny jɔ ruu ë gɔk.

Jɔn 15:2

Këër nu ë yayic ëbɛ̈n këër reec luɔk, ka bïïyë bei: ku këër ëbɛ̈n këër ee luɔk, ka looi abï kɔ̈u piath, ke bï luɔk aläl.

Luɔi 20:27

Luɔi cän week lɛ̈k löŋ de Nhialic ëbɛ̈n, acïn kë cä mɔ̈ny week.

Romai 8:8

Yen ka, kɔc ee tɔ̈u ë täu de guöp acïkï Nhialic duëër tɔ mitpiɔ̈u.

1 Kor 11:23

Ku yɛn ë löŋ yök tëde Bɛ̈nydït, löŋ cä gäm week aya an: Bɛ̈nydït Yecu, wɛ̈ɛ̈rwakɔ̈u bï e nyiɛɛn thïnë, ke nöm kuïn cï pam,

1 Kor 15:1

Ku week, mïthëkɔckuɔ, wek aa tɔ ŋic wëlpiɛth cä kɔn guiëër week, wël wään cäk dɔm ayadäŋ, ku yek we tɔ kääc aya.

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

2 Kor 10:1

Ku yɛn Paulo guöp, wek yɔ̈ɔ̈k në kuur cï Kërtho rɔt tɔ koor ku në liɛɛr ë yenpiɔ̈u, yɛn raan cïn naamdï ë weyiic të wɔi wek ɛn, ku nɔn liɛɛu ɛn, yɛn cï nyin riɛl tëde week:

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

2 Kor 5:9

Ku kënë en ayok cool ë kɔɔr wok en arëët an, të nu wo baai ayï të nu wo roor, ke wo bï miɛt ë Bɛ̈nydït piɔ̈u.

2 Kor 6:1

Ku nɔn ee wok luui në yen ëtök, en a lɛ̈ŋ wo week, ke we cïï dhuëëŋ de Nhialic piɔ̈u nöm ë ɣɔ̈ric.

Galatai 6:1

Wek mïthëkɔckuɔ, na de raan cï cäk dɔm në kërɛɛc cï looi, ke wek kɔc ke wëi, jakï raan cït ee kënë dak kueer, në kuur aa wek röt kuɔɔr piny, ye yïpiɔ̈u woi, ke yï cïï bï them aya.

Epethiei 4:1

Ya kï, yɛn ee raan cï mac në këde Bɛ̈nydït, wek läŋ nɔn bä wek rëër ë rëër piɛth rëër röŋ ke cɔ̈t ë cɔɔlë week.

Epethiei 4:20

Ku week, we kënë wɛ̈ɛ̈t ë Kërtho wäkya,

Epethiei 5:17

Yen duö wek röt tɔ ye kɔc mum nïïm, yak röt tɔ ye kɔc ŋic këde piɔ̈n ë Bɛ̈nydït.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Pilipoi 1:9

Ku cöökë yen a läŋ, ke nhiëërdun bï lɔ ke lɔ abï dït arëët në ŋïnydekäŋ ku puny aa wek käŋ ŋiëc pɔ̈ɔ̈c yiic ëbɛ̈n,

Pilipoi 3:14

Aguɔ riŋ ë ya lɔ tueŋ të nu kë cï keer, ke ya bï ariöp lɔ yök, ariöp de cɔ̈t cïï Nhialic kɔc cɔɔl ë Kërtho Yecuyic, cɔ̈t de naamde.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Kolothai 2:6

Yen ka, acït man cä wek Kërtho Yecu Bɛ̈nydït nööm, yen rɛ̈ɛ̈r wek ë yeyic aya.

1 Theth 3:12

ë Bɛ̈nydït ë we tɔ ŋuak wenyïïn abäk kuɛth në nhiëër nhiar wek röt, ku në nhiëër nhiaar wek kɔc kedhie, acït man nhiɛɛr wok week ayadäŋ,

1 Theth 4:2

We ŋic jam cuk yiɛ̈n week në Bɛ̈nydït Yecu.

1 Theth 5:12

Ku wek läŋku, wek mïthëkɔckuɔ, ke we bï kɔc ee luui ë weyiic aa ŋic, kɔc nu ë wenïïm ë Bɛ̈nydïtic, kɔc ee we täk wël.

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

2 Theth 2:1

Ku ënɔɔnë, wek läŋku, wek mïthëkɔckuɔ, në këde bɛ̈n bï Bɛ̈nydan Yecu Kërtho bɛ̈n, ku guëër bï wo guëër ë yelɔ̈ɔ̈m:

2 Theth 3:1

Cöök ciëën, wek mïthëkɔckuɔ, Yak lɔ̈ŋ në biäkda ke jam de Bɛ̈nydït ke bï cath ë kueerde, ku lec, acït man leecë ye ë weyiic aya.

2 Theth 3:13

Ku week, wek mïthëkɔckuɔ, duökï ee bäp në luɔi de këpiɛth.

1 Tim 5:21

Yïn yɔ̈ɔ̈k ë Nhialic nɔm, ku Bɛ̈nydan Yecu Kërtho nɔm, ku tuucnhial ɣer yiic cï lɔc nïïm an, Ye kakë döt apiɛth, ku du ŋɛk ee nhiaar ku man ŋɛk, ku du këdäŋ ee looi ke yï kuany kɔc yiic.

2Tim 4:1

Yïn cök ë than ɛn yïn ë Nhialic nɔm, ku Bɛ̈nydït Yecu Kërtho nɔm, raan bï löŋ de kɔc guiir kɔc pïïr ku kɔc cï thou, kööl bï en tuöl ku tul ciɛɛŋde,

Ɣeberuu 11:6

Të cïn en gäm, acïn kë duëër ë raan Nhialic tɔ mit piɔ̈u, ku raan ëbɛ̈n raan ee bɛ̈n tëde Nhialic bï bɛ̈n lam, abï kɔn gam luɔi nu Yen, ku bïï ke gäm athiɛɛi kek kɔc kɔɔr En.

Ɣeberuu 13:16

Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

Ɣeberuu 13:22

Wek liɛm mïthëkɔckuɔ an, Ruɔmkï wepiɔ̈ɔ̈th në pïŋ de jam de riëtëpiɔ̈u cï lɛ̈k weekë bäk dɔmic aril. Kek ka lik ë gäär week ka.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

1 Jɔn 3:22

Ku të de en kë lipku, ka yok yök tëde yen, luɔi ee wo lööŋke döt, ku yok kamit ë yepiɔ̈u looi.