1 Theth 3:13 - JAM DE NHIALIC 2011

¹³ luɔi bï en we tɔ kääc piɔ̈ɔ̈th aril, ke cïn gääk duëërë we gɔ̈k, në ɣɛɛrëpiɔ̈u ë Nhialic nɔm, Yen aye Wääda, ë kööl ë bɛ̈n bï Bɛ̈nydan Yecu Kërtho bɛ̈n kekë kɔckɛn ɣerpiɔ̈ɔ̈th kedhie.

1 Theth 3:13 ပူးပေါင်းရင်းမြစ်များ

Dhek 14:5

Ku wek bï ban ee wakë yic, wak cï kuur tekic ë rou, wek bï kat ë kat ë kuarkun, ɣɔn cïï piny rɔt nieeŋ në run ke melik Yudhia ë Juda. Bɛ̈nydït Nhialicdï abï bɛ̈n, abï bɛ̈n kekë tuucnhialkɛn ɣeriic kedhie.

Math 25:31

Të bï Wën ë Raan ke cath kekë dhuëëŋde, ku bɔ̈ tuucnhial kedhie në yen ëtök, ka bï jɔ nyuc ë thöönyde nɔm, thöönydɛn ë dhuëëŋ,

Mak 8:38

Ku raan ëbɛ̈n raan ë yäär ë këdï ku në wëlkï ë remë yic rem ë diëër lei kɔɔr, ku ye rem ë kërac dap looi, ke Wën ë Raan abï yäär ë këde aya, Të nu yen në dhuëëŋ de Wun kekë tuucnhial ɣeriic.”

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Romai 14:4

Ee yïn ŋa, yïn raan ee lïm de raan däŋ gɔ̈k? Kɔ̈ɔ̈c kɛ̈ɛ̈c en, ku wïïk wïïk en, ee këde bɛ̈nyde guöp etök. Yeka, ku abï mɔ̈k nhial, Nhialic ade riɛl bï en tɔ kääc.

Romai 16:25

Ku ënɔɔnë, thieithieei ë Raan cath ke riɛl bï en we tɔ kääc aril në këde wëlkiën piɛth, ku guiëër cï Yecu Kërtho guiëër kɔc, ku nyuöth cï kë wään cï moony të ɣɔn ciɛkë piny nyuɔɔth.

1 Kor 15:23

Ku raan ëbɛ̈n ŋɛk ke kööldɛn röŋ ke ye: Kërtho ee kë cï kɔn luɔk, miäk, ke kɔc ke Kërtho abïk röt lɔ̈ɔ̈k jɔt ëkööl bï en bɛ̈n.

Galatai 1:4

Raan cï rɔt gaam në biäk de karɛc cuk looi, luɔi bï en wo luök në pinyë nɔm ënɔɔnë, piny rɛɛcë, në këde piɔ̈n ë Nhialic Wäärda.

Epethiei 5:27

luɔi bï en e tääu ë yenɔm, abï aa ɣön ë Nhialic de yic dhuëëŋ, ke cïnic këthiin rac, ayï anyuin, ayï däŋ cït ee kënë aliu, ku abï yic ɣɛɛr ëwic ku cïnic kë bï e gɔ̈k.

Nyöŋ 33:2

Bɛ̈nydït aa bɔ̈ në kuur de Thinai nɔm, aa jöt cït man ë akɔ̈l në Edom, go kɔcke riaau në kuur de Paran nɔm. Aa cath kekë aguum ke tuucnhial ɣeriic, ku muk many dɛ̈p në ciin cuënyde.

Pilipoi 1:10

abäk kapiɛth cök ë ŋiɛc wek keek, ke we bï yiic awai ku ciënkï piɔ̈ɔ̈th kërac aɣet kööl ë Kërtho.

Kolothai 1:22

në guöpdɛn ë rïŋ, në thon cï en thou, luɔi bï en we tääu ë yenɔm, ke we ɣeriic ku cïn gääk bï we gɔ̈k, ku cïn jäny bï we jɔ̈ɔ̈ny,

1 Theth 2:19

Aŋäth ŋäthku ee käŋö, ayï miɛt ë wopiɔ̈ɔ̈th, ayï göldan ë dhuëëŋ, yek kaŋö? Cïkï ee week, ë Bɛ̈nydan Yecu Kërtho nɔm në bɛ̈n bï en bɛ̈n?

1 Theth 3:11

Ënɔɔnë, ee Nhialic guöp, yen aye Wääda, kekë Bɛ̈nydan Yecu Kërtho, ë ke nyuth wo kueerdan lɔ tëde week:

1 Theth 3:2

agoku Timotheo tooc, mɛnhkënëda, ku ye raan ee ka ke Nhialic looi, raan ee wok luui ëtök në wëlpiɛth ke Kërtho, acuk tooc luɔi bï en week tɔ kääc apiɛth, ku riit wepiɔ̈ɔ̈th ë gämduön cä wek gam,

1 Theth 4:15

Ku kënë a lëkku week në jam ë Bɛ̈nydït an: Wok kɔc pïïr, kɔc bï döŋ aɣet bɛ̈n bï Bɛ̈nydït bɛ̈n, wo cïï kɔc cï niin bï waan.

1 Theth 4:17

na ëlë, ke wok kɔc pïïr, kɔc cï döŋ, wo bï gap nhial në keek ëtök ë luäät yiic, buk lɔ rɔ̈m në Bɛ̈nydït ë yomic: ku jɔku tɔ̈u në Bɛ̈nydït ëtök aɣet athɛɛr.

1 Theth 5:23

Ku ënɔɔnë, Nhialic de mät, Yen guöp, ee we tɔ ɣerpiɔ̈ɔ̈th ëliŋliŋ, ku wëikun ëbɛ̈n ku piɔ̈ndun ku guöpdun ë ye ke muk acïn këliu, ku bï ciën kë duëërë ke gɔ̈k aɣet bɛ̈n bï Bɛ̈nydan Yecu Kërtho bɛ̈n.

2 Theth 1:10

të cï en guɔ bɛ̈n bï dhuëëŋ bɛ̈n yök ë kɔckɛn ɣerpiɔ̈ɔ̈th yiic, ku bïï kɔc diir ee köölë, kɔc gam kedhie (luɔi cä wek jam cuk lɛ̈k week gam).

2 Theth 1:7

ku luɔi bï en week cuööt në lɔ̈ŋ bä wek lɔ̈ŋ në wook ëtök, wek kɔc ee luöi këtuc, kööl bï Bɛ̈nydït Yecu rɔt nyuɔɔth, të bï en paannhial kekë tuuckɛn ril bɔ̈ nhial,

2 Theth 2:1

Ku ënɔɔnë, wek läŋku, wek mïthëkɔckuɔ, në këde bɛ̈n bï Bɛ̈nydan Yecu Kërtho bɛ̈n, ku guëër bï wo guëër ë yelɔ̈ɔ̈m:

Jakop 5:8

Ku week, yak piɔ̈ɔ̈th liɛɛr ayadäŋ, cök ë ruɔm wek wepiɔ̈ɔ̈th, bɛ̈n ë Bɛ̈nydït ë guɔ thiɔ̈k.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.

Juda 1:14

Ku Eenok aya, raan ë rem wën ee rɛm dhorou gɔl Adam, yen aa kɔn jam guiir në kɔcke, lueel an, “Tiëŋkï, Bɛ̈nydït abɔ̈ ke cath ke aguum juëc ke tuucnhialkɛn ɣeriic,

Juda 1:24

Ku ënɔɔnë, Nhialic Raan ŋic week gël ke we cïï bï aa wïïk, ku ŋïc week tääu ë dhuëëŋde nɔm ke cïn kë bï we gɔ̈k, abäk piɔ̈ɔ̈th a yum aläl,