1 Theth 3:12 - JAM DE NHIALIC 2011

¹² ë Bɛ̈nydït ë we tɔ ŋuak wenyïïn abäk kuɛth në nhiëër nhiar wek röt, ku në nhiëër nhiaar wek kɔc kedhie, acït man nhiɛɛr wok week ayadäŋ,

1 Theth 3:12 ပူးပေါင်းရင်းမြစ်များ

Diɛt 115:4

Yiëthken acï keek cuëëc në ateek ku adhääp, thɛ̈ɛ̈th ë raan keek ë yecin.

Math 22:39

Ku kë lɔ ë yecök acït en an, ‘Nhiaar raan rɛ̈ɛ̈r ke yïn cït man nhiɛɛr yïn rɔt.’

Math 7:12

Yen tëde ka, käŋ kedhie ka kaarkï nɔn bï kɔc keek aa luöi week, ke wek aya yak ke luööi wäklë, kënë ee löŋ ku ye tït.

Luk 17:5

Go tuuc Bɛ̈nydït yɔ̈ɔ̈k an, “Ŋuak gämda nyin.”

Romai 13:8

Duökï ee cath në käny de raan däŋ, ee nhiëër tei, nhiëër bä wek röt aa nhiaar, raan ee raan däŋ nhiaar acï löŋ tiiŋic.

2 Kor 9:10

Ku ënɔɔnë, Raan ee raan cum yiɛ̈n kɔ̈th, ku ye raan cäm yiɛ̈n kuïn, abï we yiɛ̈n kɔ̈thkuön lak com, ku ŋuɛk ke, ago piathëpiɔ̈ndun ŋuak ë luɔk:

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Pilipoi 1:9

Ku cöökë yen a läŋ, ke nhiëërdun bï lɔ ke lɔ abï dït arëët në ŋïnydekäŋ ku puny aa wek käŋ ŋiëc pɔ̈ɔ̈c yiic ëbɛ̈n,

1 Theth 2:8

Ku në täŋ ee wok week tak arëët, en aaye wok piɔ̈ɔ̈th miɛt, luɔi yïn wo week wëlpiɛth ke Kërtho, ku acie keek kapäc, ee wëikuɔ ayadäŋ, në nhiëër cï wo nhiaar aläl!

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

1 Theth 5:15

Mäthdhiën, ë cïn raan ee raan luöi kërac raan cï e kɔn luöi kërac, yak këpiɛth kuany cök anandun, ë ŋɛk ë ye ŋɛk luöi këpiɛth, ayï raan ëbɛ̈n.

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

2 Pet 1:7

ku matkï määth ë mïth ke raan tök määth kekë riëëu de Nhialic, ku matkï nhiëër kekë määth ee mïth ke raan tök määth.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.