1 Theth 3:10 - JAM DE NHIALIC 2011

¹⁰ Wok ee cool ë lɔ̈ŋ aläl wɛ̈ɛ̈rwakɔ̈u ku aköl, ke we buk tïŋ nyïïn, agoku ka dak week ë gämdun looi abïk dikëdik.

1 Theth 3:10 ပူးပေါင်းရင်းမြစ်များ

Luk 2:37

Ke acï tɔ̈u ke ye tiiŋ thuööm runke acïtkï thiërbɛ̈t ku ŋuan, ku cïï Luaŋdït ee pɔ̈l, ee ka ke Nhialic looi wɛ̈ɛ̈rwakɔ̈u ku aköl, në reec ee yen cäm rɛɛc ku në pal yen pal.

Luɔi 26:7

ku dhiëënkuɔ kathiëër ku rou kek aye jamë ŋɔ̈ɔ̈th, luɔi bï en aa yic, ku yek Nhialic lam arëët aköl ku wakɔ̈u. Në baŋ de aŋäthë, yïn melik Agiripa, yen a gɔɔnyë Judai yɛn ee köölë.

2 Kor 1:15

Ku gäm cän ee kënë gam yen aa luɛɛl ɛn en ë yapiɔ̈u wään, nɔn bän bɛ̈n tëde week, luɔi bä wek këpiɛth bɛ yök raanrou.

2 Kor 1:24

Ku acie luɔi ee wok week cieŋ, wok ee kɔc ee week kony në miɛt bä we piɔ̈ɔ̈th miɛt: ee gämdun en a kääc wek.

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

2 Kor 13:9

Wok ë piɔ̈ɔ̈th miɛt, të ee wok kɔ̈c, ku cöök ee wok lɔ̈ŋ aya, ee luɔi bä wek piɔ̈ɔ̈th dikëdik.

Pilipoi 1:25

Ku ŋïny ŋiɛc ɛn ee kake ëgɔk, yen a ŋiɛc ɛn en nɔn bän tɔ̈u, ku rɛ̈ɛ̈r wokë week wedhie, ke we bï lɔ tueŋ ku miɛtkï piɔ̈ɔ̈th ë gäm,

Kolothai 1:28

Yen aye raan ee wok këde guiir, ke yok raan nen ëbɛ̈n ku yok raan wɛ̈ɛ̈t ëbɛ̈n në pɛlënɔm ëbɛ̈n, luɔi bï wok raan ëbɛ̈n tääu ë yenɔm ke ye piɔ̈u dikëdik ë Kërtho Yecuyic.

Kolothai 4:12

Wek thiëëc Epapara, raandun, ku ye raan ee Yecu Kërtho luööi, ee cool ë nɛ̈k rɔt piny ë lɔ̈ŋdeyic në biäkdun, ke we bï aa kɔ̈ɔ̈c aril, ke we bï piɔ̈ɔ̈th aa dikëdik ku kuɛthkï në këde piɔ̈n ë Nhialic ëbɛ̈n.

1 Theth 3:11

Ënɔɔnë, ee Nhialic guöp, yen aye Wääda, kekë Bɛ̈nydan Yecu Kërtho, ë ke nyuth wo kueerdan lɔ tëde week:

2 Theth 1:11

Yen aye wok cool ë lɔ̈ŋ në biäkdun ë aköölnyïïn kedhie aya, ke Nhialicda bï week tɔ rɔ̈ŋ në cɔ̈t cï we cɔɔl, ago kë ye kɔɔr në piath ë yenpiɔ̈u thöl ëbɛ̈n, ku thöl luɔi de gäm në riɛldït,

2Tim 1:3

Aya lueel an, Thieithieei Nhialic, Raan luɔɔi ɛn këde në ŋïny aa yɛn apiɔ̈u ŋic nɔn le en gɔk, acït man ë ye kuarkuɔ ye looi, luɔi aa yɛn a nɔm tak ë këdu ë lɔ̈ŋdïyic wɛ̈ɛ̈rwakɔ̈u ku aköl.

Pile 1:22

Ku guik të bän rëër aya: yɛn ŋäth nɔn bï a yiɛ̈n week në këde lɔ̈ŋduön aa wek lɔ̈ŋ.

Nyuuth 4:8

Ku läike kaŋuan adekï kɔ̈ɔ̈th wuök kadhetem kedhie, ku acïk thiäŋ ë nyïïn biäk biic ku keyiic thïn, ku acïkï ee lɔ̈ŋ aköl ayï wakɔ̈u, ayek lueel, an, “Aɣeric, Aɣeric, Aɣeric, yen Bɛ̈nydït Nhialic Awärjäŋ, Bɛ̈nydït ë nu, ku nu, ku bï bɛ̈n.”

Nyuuth 7:15

Yen a tɔ̈u kek ë thöönydïït ë Nhialic nɔm, ku yek luööi aköl ku wakɔ̈u ë luaŋdɛndïtic. Ku Raan rɛ̈ɛ̈r ë thöönydït nɔm abï keek gël nïïm në täude.

1 Tham 12:23

Na yɛn, yɛn cï kuëëŋ në Bɛ̈nydït nɔn bän aa lɔ̈ŋ në biäkdun. Kë bä looi ee luɔi bän we piööc bäk këpiɛth ku yic aa looi.