1 Theth 2:5 - JAM DE NHIALIC 2011

⁵ Ku acïn kööl töŋ cï wok wël ë mɛthë nyin lueel, acït man ŋiɛc wek en, ku acïn wui de kalei cuk moony, Nhialic ee cäätɔda:

1 Theth 2:5 ပူးပေါင်းရင်းမြစ်များ

Jop 16:19

Aɣet cï ënɔɔnë ade raandiën mät ke yɛn paannhial, bï ya kony ku gël ɛn,

Jop 17:5

Ade kääŋ ee ye lueel ɣɔn an, raan ee määthke gaany në biäk de kajuëc kɔɔr, ee mïthke bɛ̈n tääu në nuanic.

Kɛ̈ŋ 20:19

Raan ee rɔt mɛc wei në mantuum lɔ̈m, ke kë cï thiaan cïï bï thiëi piny.

Kɛ̈ŋ 26:28

Piath de thok de yic wël lueth ee män ee kënë tëde raan pïŋ ku ee riääk bɛ̈ɛ̈i.

Kɛ̈ŋ 28:23

Ye raan jɔ̈ɔ̈ny, na miäk abï yï nhiaar awär raan ee ye jääm në ruëëny.

Yith 30:10

Ayek lɛ̈k tït ke Nhialic an, “Miɛmkï thook duökï wo lëk yïth, lɛ̈kkï wook kë nhiaarku buk piŋ. Tɔ wo muk luethkuɔ.

Yith 56:11

Acïtkï jɔ̈k dït piɔ̈ɔ̈th cie kuɛth. Kek ee bänykë acïkï käŋ ee yökiic. Raan ëbɛ̈n në keyiic aye ŋɛk kë nhiɛɛr ë piɔ̈nde looi, ku ye ŋɛk këdäŋ kɔɔr ke de kë bï yök thïn.

Jeremia 6:13

Raan ëbɛ̈n, röördït ayï kɔc kor, ayek wëu ke ayäär kɔɔr, ayï tït ku bäny de kakë Nhialic ayek kɔc math.

Jeremia 8:10

Yɛn bï duumken gäm kɔc kɔ̈k, ku gäm diëërken röör kɔ̈k. Raan ëbɛ̈n meth ku raandït aye kɔɔr bïï wëu yök në kueer de ruëëny. Ayï tït ke Nhialic ku bäny de kakë Nhialic ayek kɔc math.

Maika 3:5

Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Malakai 1:10

Ago Bɛ̈nydït de rɛm lueel an, “Cïn raan tök në weyiic, raan bï Luaŋdït thiöök thok, ago ciën many ë ɣɔ̈ric bï bɛ kooth në yïïŋdï nɔm? Yɛn cïï piɔ̈u mit wokë week, ku acïn miɔ̈cduön bä gam tëde week.

Math 22:16

Gokï kɔckɛn ë piööcë tuöc en, në kɔc ke Ɣerod ëtök, agokï lueel an, “Bɛ̈ny de wëët, yïn ŋicku nɔn ee yïn yic, ku nɔn ee yïn kɔc wɛ̈ɛ̈t në kueer ë Nhialic ë yic, ku acïn raan bï yïn riɔ̈ɔ̈c ë yen, yïn cïï kɔc ë woi gup biic.

Math 23:13

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! Wek ë kɔc guöör biic ë Ciɛɛŋ de paannhial, wegup wek cie lɔ thïn, ku kɔc kɔɔr lɔ thïn acäkï ke ye päl lɔ thïn ayadäŋ.

Luɔi 20:33

Acïn ateek ke raan däŋ cä woi ë yapiɔ̈u, ayï adhääp ayï lupɔde aya.

Romai 1:9

Nhialic, Raan aa luööi në wëikï në wëlpiɛth ke Wënde, yen aye cäätɔdï, në luɛl aa yɛn cool ë luel këdun acïn pëk ë lɔ̈ŋdïyic,

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.

Romai 9:1

Ee yic en luɛɛl në Kërthoyic, yɛn cïï lueth tör, ku jam cä yök ë yapiɔ̈u ee cäätɔ kekë yɛn ëtök ë Wëidït ɣer yiic an:

2 Kor 12:17

De raan töŋ cä tɔ cam week, në kɔc cä tuöc week yiic?

2 Kor 2:17

Ku wook, wo cïï cït tëdïït ë kɔc, kɔc ë jam ë Nhialic riɔ̈ɔ̈k në biäk de wëu: jam yok lueel ee piɔ̈n yic yen aye wok e lueel, ku cït liem de Nhialic, ë Nhialic nɔm yen aye wo jam ë Kërtho yic.

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

2 Kor 7:2

Liɛ̈pkï wepiɔ̈ɔ̈th wook: acïn raan cuk luöi kërac, acïn raan cuk riɔ̈ɔ̈k piɔ̈u, acïn raan cuk cam.

Galatai 1:20

Ku ka gäär week ënɔɔnë, dï, yɛn cïï lueth tör, aŋic Nhialic.

1 Theth 2:10

Wek aye cäätɔɔ, ayï Nhialic aya, në täu ee wok tɔ̈u ë weyiic wek kɔc cï gam, täudan ɣeric ku piɛthic ku cïnic gääk duëërë wo gɔ̈k:

1 Tim 3:3

raan cïï mɔ̈u ee nhiaar, ku cïï kɔc ee dui, ku cïï ee wäth ë wëu ke ayäär, raan lir piɔ̈u, ku cïn piɔ̈u ater, ku acïï wëu ee nhiaar.

1 Tim 3:8

Ku yen acït täu de kɔc ee ka ke ɣön ë Nhialic looi aya, abïk dhil aa kɔc piɛth nïïm, ku cïkï ee kɔc ee liëp rou, ku cïkï ee kɔc ee mäu juëc kɔɔr, ku cïkï ee wäth ë wëu ke ayäär,

Tito 1:7

Raan ee kɔc cï gam tiit abï dhil aa raan cïn kë bï e gɔ̈k, luɔi ee yen raan ee dhiën ë Nhialic tiit, acie raan ee këde yenpiɔ̈u kɔɔr, ku cie raan ee dap gɔ̈th, ku cïï mɔ̈u ee nhiaar, ku cie raan ee kɔc dap dui, ku cïï wëu ke ayäär ee nhiaar.

1 Pet 5:2

Yak luny ë Nhialic tiit luny nu ë weyiic, abäk keek aa tiit, ke cïn raan ee we cieŋ, ee këde piɔ̈ndun tei, ku acie biäk de wëu ke ayäär, ee miɛtëpiɔ̈u yen abä wek keek aa tiit.

2 Pet 2:18

Në luɛl ë ye kek jam juëc ɣɔ̈ric lueel ë keliëp tei, në ŋɔ̈ɔ̈ŋ de ka ke yäc, ku në luɔi ë dhööm, en aye kek kɔc wëŋ, kɔc, an, bɛ̈nkï ë liŋliŋ në kɔc ee tɔ̈u ke ke wäc käŋ.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

Juda 1:11

Amawoou në keek! Acïk cath ë kueer ë Kain. Ku acïk röt jaac lek wäc cï man cï Balaam käŋ wööc në këde ariöp. Ku acïk määr ë ater ë Kɔra, gokï riääk cï yen.