1 Theth 2:4 - JAM DE NHIALIC 2011

⁴ Ku acït man cï Nhialic wo tɔ piɛth an, bï wëlpiɛth tääu ë wocin, yen aye wok jam, acie kɔc ke yok tɔ mit piɔ̈ɔ̈th, ee Nhialic Raan ee wo them piɔ̈ɔ̈th.

1 Theth 2:4 ပူးပေါင်းရင်းမြစ်များ

1 Mel 8:39

Piŋ lɔ̈ŋden ɣöndu paannhial, pälë keek awɛ̈ɛ̈cken, ku kony ke. Yïn Yïtök, Yïn ŋic kë nu ë mɛnh ë raan piɔ̈u. Ye raan ëbɛ̈n luöi kë rɔ̈ŋ kekë kë cï looi,

2 Mel 16:16

Go Yuria bɛ̈ny de kake Nhialic looi cït kë cïï melik lɛ̈k en.

1 Lëk 29:17

Ku aŋiɛc Nhialicdï nɔn Yïn kɔc them piɔ̈ɔ̈th, ku Yïn ee piɔ̈u miɛt wekë raan lɔ piɔ̈n wai. Në riëëu ku piɔ̈ndiën lɔ wai, yɛn cï ee kakë gäm yïn kedhie ë piɔ̈n mit, ku yɛn cï miɛtëpiɔ̈u de kɔckuön tɔ̈u ee tënë tïŋ, kɔc cï miɔ̈c gäm Yïn ke ke mit piɔ̈ɔ̈th.

Diɛt 139:23

Nhialic, woi yapiɔ̈u ku them ɛn, ku ye täŋdï kɔɔric.

Diɛt 17:3

Yïn ŋic a piɔ̈u. Yïn ee ya neem wakɔ̈u, Yïn cï a them arëët, acïn rɛ̈ɛ̈c cï yök në ya guöp,

Diɛt 44:21

ke Yïn aduɛ̈ɛ̈rë ŋic, ë luöi ŋic Yïn kë cïï ë raan thiaan në yepiɔ̈u.

Diɛt 7:9

Yïn ee Nhialic Piɛthpiɔ̈u, ku ye täŋda ku këde piɔ̈nda them. Tɔ luɔi de kɔc ee kërac looi kääc, ku cuöötë kɔc ee kapiɛth looi.

Kɛ̈ŋ 17:3

Bɛ̈nydït ee kɔc them piɔ̈ɔ̈th, cït man ye adhääp kekë ateek them në mac.

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Jeremia 32:19

Yïn ee kïït ë pɛlënɔm looi ku loi kadït, Yïn ee këriëëc looi ë raan ëbɛ̈n woi, ku aye ke thieei në kë röŋ ke luɔiden.

Kuɛ̈n 27:16

“Yïn läŋ Bɛ̈nydït Nhialic muk wëi ke raan ëbɛ̈n, nɔn kuëny yïn akutnɔm raan bï keek wat.

Luk 12:42

Go Bɛ̈nydït lueel an, “Eeŋa ye raan tit dhiën, raan adöt ku de nɔm, raan bïï bɛ̈nyde tääu ë dhiënde nɔm, bï kɔc aa tɛ̈k këcam ëkööldɛn cï lueel?

Luk 16:11

Ku na kɛ̈nkï wëu ke piny nɔm ŋiëc aa döt kek wëu rac, ke eeŋa bï we kuɛ̈i wëu yith?

Jɔn 21:17

Go bɛ thiëëc raandiäk an, “Thimon, wën ë Jona, nhiaar ɛn?” Petero piɔ̈u diu luɔi cï en e thiëëc raandiäk an, “Nhiaar ɛn?” Go lueel an, “Bɛ̈nydït, yïn ŋic këriëëc ëbɛ̈n, aŋic nɔn nhiaar ɛn yïn.” Go Yecu yɔ̈ɔ̈k an, “Nyuääthë amɛ̈lkï.”

Romai 8:27

Ku Raan ë kɔc woi piɔ̈ɔ̈th thïn ee piɔ̈n ë Wëidït ŋic, täu tɔ̈u en, luɔi ee yen lɔ̈ŋ në biäk de kɔc ɣerpiɔ̈ɔ̈th në këde piɔ̈n ë Nhialic.

1 Kor 7:25

Ku na këde dhueec, acïn liem cïï Bɛ̈nydït yiɛ̈n ɛn: ku löŋdï yen a luɛɛl tei, ke ya ye raan cï kokëpiɔ̈u yök tëde Bɛ̈nydït, bän aa raan adöt.

1 Kor 9:17

Ku të luɔɔi ɛn ee kënë në piɔ̈n mit, ke yɛn cath wo ariöpdï: ku të luɔɔi ɛn en ke ya diu piɔ̈u, ke yɛn cï gäm thön bä döt thön ë wëlpiɛth.

2 Kor 2:17

Ku wook, wo cïï cït tëdïït ë kɔc, kɔc ë jam ë Nhialic riɔ̈ɔ̈k në biäk de wëu: jam yok lueel ee piɔ̈n yic yen aye wok e lueel, ku cït liem de Nhialic, ë Nhialic nɔm yen aye wo jam ë Kërtho yic.

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

2 Kor 5:11

Yen ka, luɔi ŋic wok riɔ̈ɔ̈c bï kɔc dhil riɔ̈ɔ̈c ë Bɛ̈nydït, ke wo ye kɔc guët nïïm, ku Nhialic aŋic wopiɔ̈ɔ̈th, ku yɛn duëër piɔ̈u miɛt të cä wek wook ŋic piɔ̈ɔ̈th ayadäŋ në jam ë yak yök ë wepiɔ̈ɔ̈th.

2 Kor 5:16

Yen acïn en raan beku ŋic ë baŋ de guöp: acakaa Kërtho guöp, të ciɛk wok e kɔn ŋic në baŋ de guöp, ka cuku be ŋic aya.

Galatai 1:10

Kaar luɔi bï kɔc piɔ̈ɔ̈th miɛt në yɛn ënɔɔnë, ku ye Nhialic? Kaar luɔi bän kɔc kɔ̈c nyïïn? Tëë ya ŋoot ke ya ye kɔc kɔ̈c nyïïn, adï cä ye lïm de Kërtho.

Galatai 2:7

Acie yen, ku të cï kek e tïŋ, nɔn cï guiëër tääu ë yaciin guiëër bän wëlpiɛth guiëër kɔc kënë cueel, acït man cï guiëër bï en aŋueel guiëër tääu ë Petero ciin.

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Epethiei 6:6

Duökï ee luui ë kë woi kɔc, cït man ë kɔc ee kɔc math nyïïn, yak luui cït man ë lïïm ke Kërtho, abäk këde piɔ̈n ë Nhialic aa looi ë wepiɔ̈ɔ̈th thïn.

Kolothai 3:22

Wek lïïm, yak ka ke bänykun piŋ, bäny ceŋ wegup, duökï ee luui ë kë woi kɔc, cït man ë kɔc ë kɔc math nyïïn, yak luui në piɔ̈n cïnic anäinäi, në riëëu riëëu wek Nhialic.

1 Tim 6:20

Yïn Timotheo, ye kë cï kuɛ̈i yïn cök ë tiit yïn en, ku ye rɔt kɔl ë jam ë dhɔ̈ɔ̈n jam ɣɔ̈ric cïnic riëëu, ayï ater ë kë cï tɔ ye ŋïnydekäŋ ke ye lueth:

2Tim 1:14

Këpiɛth cï kuɛ̈i yïnë ye cök ë tiit yïn en në Wëidït ɣer, Wëi rëër ë woyiic.

2Tim 2:2

Ku ka cï piŋ tëde yɛn ë cäätɔɔ juëc nïïm, jɔ ke yiɛ̈n kɔc adööt, kɔc bï kɔc kɔ̈k lëu në wëët aya.

Tito 1:3

ku acï jamde nyuöth kɔc ëkööldɛn piɛth në guiëër ë wëlpiɛth, guiëër cï tääu ë yacin këde löŋ de Nhialic Konyda.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

1 Pet 4:11

Raan guiir wël, ke ke guiir cït man ee kek wël ke Nhialic, raan loi ka ke kɔc ë looi në riɛl cïï Nhialic yiɛ̈n en: ke Nhialic bï dhuëëŋ yök në Yecu Kërtho ë këriëëcic ëbɛ̈n, Raan de nɔm dhuëëŋ ku ciɛɛŋ aɣet athɛɛr ya. Amiin.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.