1 Theth 2:2 - JAM DE NHIALIC 2011

² Ku acakaa wok ë cï kërac kɔn guum, ku wo ye luöi kërac aläl ë Pilipoi, acït man ŋiɛc wek en, ke wo ŋoot ke wo ye week guiëër wëlpiɛth ke Nhialic në ater dït, ke wo ril piɔ̈ɔ̈th ë riɛl ë Nhialicda.

1 Theth 2:2 ပူးပေါင်းရင်းမြစ်များ

Luɔi 14:3

Agokï ceŋ ëtɛ̈ɛ̈n ë akööl juëc ku yek wël guiir ke ke ye nyïïn riɛl ë Bɛ̈nydïtic, ago Bɛ̈nydït aa cäätɔ de jam de dhuëëŋ de yenpiɔ̈u, go göök tɔ loi ë kecin, ku ka gɛ̈iyë kɔc.

Luɔi 14:5

Na wën, ke Juöör kekë Judai ku bäny ceŋ keek, të cï kek tɔŋ lɛɛr ë ke riŋ, lek ke kuur, ku biöökë keek ë kur.

Luɔi 16:12

Ku jëlku, ëtɛ̈ɛ̈n lok Pilipoi, yen aye pänydït de naamdɛn dït ë Makedonia biäkë, ku ye piny cï Romai ɣap thïn aya, agoku rëër ë pänydïïtë aköölkë.

Luɔi 16:19

Na wën, aacï bänyke e tïŋ nɔn cï aŋäthdɛn ë wëu jäl, ke ke dɔm Paulo ku Thila, ku thelkï keek ë thuukic ë bäny nïïm bäny ee löŋ guiir.

Luɔi 16:37

Go Paulo lueel an, “Acïk wo dui ë kɔc nïïm, ke wo kënë yiëk nïïm gääk, ku yok Romai, ku acïk wo cuat ë aloocic, ku duëërkï wook jäp biic ëcuëër ënɔɔnë? Acie yen, në ke bɔ̈ kegup, bïk wo bɛ̈n bɛ̈ɛ̈i bei.”

Luɔi 17:1

Na wën, aa cïk tëëk Ampipoli, ku Apolonia, ke ke jɔ bɛ̈n Thethalonike, paan de yic luaŋ ee Judai lɔ̈ŋ thïn.

Luɔi 17:17

Go lɔ luaŋ ee Judai lɔ̈ŋ thïn, le wël guiir kekë Judai, ku kɔc kɔ̈k riëëu Nhialic, ku ye lɔ ë thuukic ë aköölnyïïn kedhie le wël guiir kekë kɔc cï yök ëtɛ̈ɛ̈n.

Luɔi 19:8

Go Paulo lɔ luaŋ ë Nhialic, ku ye wël guiir ke ye nyin riɛl ë pɛ̈i kadiäk, aaye käŋ wɛ̈ɛ̈r yiic kɔc, ku wëët keek apiɛth në këde ciɛɛŋ de Nhialic.

Luɔi 4:13

Na wën, aa cïk ŋeeny de Petero tïŋ kekë Jɔn, ku ŋickï keek nɔn ee kek röör kënë wɛ̈ɛ̈t, acïn kajuëc ŋickï agokï gäi, ku jɔkï kenïïm tak në cath ë ye kek cath në Yecu wään.

Luɔi 4:20

Ku wo cïï aguiɛɛr duëër pɔ̈l në ka cuk tïŋ ku piŋku ke.”

Luɔi 4:31

Na wën, aa cïk lam, ke piny nieŋ rɔt të wën cï kek guëër thïn, agokï thiäŋ në Wëidït ɣer kedhie, ku jɔkï jam ë Nhialic guiir në ŋeeny.

Luɔi 5:41

Gokï jäl ë löŋ nɔm, ke ke mit piɔ̈ɔ̈th nɔn cï ke tɔ ye kɔc röŋ në guöm de ayäär në baŋ de Rinke.

Romai 1:1

Yɛn Paulo, lïm de Yecu Kërtho, raan cï cɔɔl, an, bï aa tuc, raan cï tɔ̈ɔ̈u pei në këde wëlpiɛth ke Nhialic.

2 Kor 3:12

Yen ka, nɔn ciɛth wok ë aŋäth yïnya, wok ee jam ke wo ril nyïïn aläl.

Kolothai 2:1

Ku yɛn kɔɔr luɔi bä wek e ŋic biök dïït aa yɛn biök në biäkdun, ku në biäk de kɔc nu Laodikia, ku në biäk de kɔc kɔ̈k kedhie kɔc kën a tïŋ nyin ë guöpic.

1 Theth 1:5

wëlkuɔn piɛth aake cïï bɔ̈ ë weyiic në jam tei, aake bɔ̈ në riɛl ayadäŋ, ku në Wëidït ɣer, ku në ŋïny aa wek ke ŋic ëgɔk, we ŋic täudan ë ye wo tɔ̈u ë weyiic në biäkdun week.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

Juda 1:3

Week kɔc nhiaar, wään aa yɛn cök ë kaar ɛn gäär gäär ɛn week awerek në këde kunydewëi kuny nu wok thïn wodhie, ke ja ŋic ë yapiɔ̈u nɔn bän week dhil gäär jam riɛɛt ɛn wepiɔ̈ɔ̈th ke we bï cök ë teer në këde gäm, gäm cï yiɛ̈n kɔc ɣerpiɔ̈ɔ̈th raantök.