1 Theth 2:14 - JAM DE NHIALIC 2011

¹⁴ Ku week, mïthëkɔckuɔ, we cï aa kɔc ë täu de ɣööt ke Nhialic dɔmic ɣööt ke Nhialic nu ë Yecu Kërthoyic ë Juda: në guöm cä wek karɛc manë guum ayadäŋ tëde kɔc ke paandun, ka kït e ka cïk guum tëde Judai.

1 Theth 2:14 ပူးပေါင်းရင်းမြစ်များ

Luɔi 11:19

Na wën, ke kɔc wään cï thiëi roor në yöŋ cï rɔt cak në këde Thepano, ke ke tëk ɣetkï Poiniki, ku Thaiperuth, ku Antiokia, ku acïn kɔc kɔ̈k cïk guiëër jam, ee Judai kapäc.

Luɔi 13:50

Na wën, ke Judai ke ke këëk diëër dït diëër riëëu Nhialic, ku röör dït ke pänydït, ku riirkï kenïïm bïk Paulo yɔŋ kekë Baranaba, gokï ke cieec pinyden.

Luɔi 14:19

Na wën, ke Judai bɔ̈ ë Antiokia kekë Yikoniom ke ke ɣet ëtɛ̈ɛ̈n: agokï kut ë kɔc wëŋ, ku biöökkï Paulo në kur, ku thelkï biic ë pänydït këc, aluelkï, an, cï yiɛ̈n thou.

Luɔi 14:2

Go Judai reec gäm gokï Juöör kɛ̈ɛ̈k, ku tɔkï ke nhiany piɔ̈ɔ̈th në wäthii.

Luɔi 14:4

Ku kut ë kɔc nu pänydït acïk röt tek, kɔc kɔ̈k acïk mat ë Judai, ku mät kɔc kɔ̈k ë tuuc.

Luɔi 14:5

Na wën, ke Juöör kekë Judai ku bäny ceŋ keek, të cï kek tɔŋ lɛɛr ë ke riŋ, lek ke kuur, ku biöökë keek ë kur.

Luɔi 17:13

Na wën, aacï Judai nu Thethalonike e piŋ nɔn cï jam ë Nhialic guiir në Paulo ë Beroya, ke ke lɔ ëtɛ̈ɛ̈n aya, lek kɔc noon.

Luɔi 18:12

Na ɣɔn, nu Galio ke ye bɛ̈ny de Akaya, ke Judai ke ke jɔt röt ë piɔ̈n tök lek tɔŋ yiɛ̈n Paulo, ku bïïkï të ye bäny löŋ guiir thïn.

Luɔi 8:1

Ku gam Thaulo thonde. Na wën, ee aköölkë, ke yöŋ dït cak rɔt tëde ɣön ë Nhialic nu ë Jeruthalem, gokï thiëi roor piny ë Judaya ëbɛ̈n kekë Thamaria, keek kedhie, ee tuuc kapäc kek ë dɔ̈ŋ.

Luɔi 8:3

Ku Thaulo yen aaye ɣön ë Nhialic riɔ̈ɔ̈k, ee lɔ ë ɣööt yiic kedhie, le ku dɔm röör ku diäär, mɛc keek ë aloocic.

Luɔi 9:1

Ku Thaulo, aŋoot ke bïï wɛ̈i bei ë yethok wɛ̈i wɛɛi yen kɔcpiööcë Bɛ̈nydït an, bï ke kuur ë näk, go lɔ të nu bɛ̈nydïït ë kake Nhialic,

Luɔi 9:13

Go Anania bɛ̈ɛ̈r, an, “Bɛ̈nydït, këde raanë acä piŋ tëde kɔc juëc, në karɛc juëc cï luöi kɔckuön ɣerpiɔ̈ɔ̈th ë Jeruthalem.

Luɔi 9:31

Go ɣööt ke Nhialic jɔ rëër ke ke lɔ dïu ë Juda ëbɛ̈n ku Galili ku Thamaria, gokï jɔ riɛl ë gäm, ku yek cath ë riëëu de Bɛ̈nydït, ku në muŋdepiɔ̈u de Wëidït ɣer, agokï kenyïïn ŋuak.

1 Kor 10:32

Yak tɔ̈u ke we cïï kɔc ee tɔ wäc käŋ, ayï Judai, ayï Girikii, ayï ɣööt ke Nhialic:

1 Kor 7:17

Ë ŋɛk ë rɛ̈ɛ̈r tei, cït man cï Nhialic käŋ tɛ̈k raan ëbɛ̈n, ku cït cɔ̈t cï Bɛ̈nydït raan cɔɔl ëbɛ̈n. Ku yen a yɔ̈ɔ̈k ɛn kɔc ë ɣööt ke Nhialic yiic ëbɛ̈n.

Galatai 1:22

Ku yɛn ŋoot ke ya kuc guöp ë ɣööt ke Nhialic ke Juda, ɣööt ke Nhialic nu ë Kërtho yic:

1 Theth 1:1

Yɛn Paulo, wokë Thiluano, ku Timotheo. Awerek en gɛ̈ɛ̈rku ɣön ë Nhialic de Thethalonikei nu ë Nhialic Wäädyic, ku Bɛ̈nydït Yecu Kërthoyic: Ë dhuëëŋdepiɔ̈u tɔ̈u ke week, ayï mät, në kë bɔ̈ tëde Nhialic Wääda, ku Bɛ̈nydït Yecu Kërtho.

1 Theth 1:6

Ku we cï aa kɔc cï täuda dɔmic, ayï täu de Bɛ̈nydït, në gäm cä wek jam gam në këtuc dhal week arëët, ku në miɛtëpiɔ̈u ë Wëidït ɣer.

1 Theth 3:4

Ayï ɣɔn tɔ̈u wok ë weyiic ayadäŋ, acuk kɔn lɛ̈k week nɔn bï wo kërɛɛc dhal wook guum, acït man cï en guɔ aa yic ënɔɔnë, aŋiɛckï week.

2 Theth 1:1

Yɛn Paulo, wokë Thiluano, ku Timotheo: Awerek en gɛ̈ɛ̈rku ɣön ë Nhialic de Thethalonikei nu ë Nhialic wäädayic ku Bɛ̈nydït Yecu Kërtho:

2 Theth 1:4

Yen a leec wok röt në week ë ɣööt ke Nhialic yiic në biäk de liɛɛr ë wepiɔ̈ɔ̈th ku gäm cä wek gam ë yöŋic ëbɛ̈n yöŋ ee we yɔŋ, ku në katuc dhal week kedhie katuc yak guum.