1 Tham 9:24 - JAM DE NHIALIC 2011

²⁴ Ago raan ee thät ɣäm bɛ̈ɛ̈i kekë kake kedhie ku tɛ̈ɛ̈u në Thaulo nɔm. Go Thamwɛl lueel an, “Kënë ee kë cï täu yïn. Cam në luɔɔi cïï ë yen tɔ̈ɔ̈u pei në këdu, në biäk de ee köölë, të wään luɛɛl ɛn en nɔn cän kamaan cɔɔl.” Ago Thaulo jɔ cam kekë Thamwɛl ee köölë.

1 Tham 9:24 ပူးပေါင်းရင်းမြစ်များ

Bɛ̈n 29:22

“Nöm kɔɔl ke nyɔk, kɔl ë yɔ̈l, ku kɔl ë yäc, ayï kɔl ë cïïn. Ku nöm biäk piɛth ë cuäny, ku rook kaarou në kɔl de kekɔ̈ɔ̈th. Ku nöm ɣäm cuëc (në luɔi yen nyɔɔŋ tɔ yë kɔc ee bäny ke kake Nhialic).

Bɛ̈n 29:27

“Të tɔ raan ee bɛ̈ny de kake Nhialic, ke aguöt nɔm kekë ɣäm ë nyɔɔŋ ë näk ë ke gëmë Yɛn ke ye miɔ̈c de anyuɔɔk. Ku pucë keek bei bïk aa kake bäny ke kake Nhialic.

Edhekiɛl 24:4

Tääu rïŋ piɛth thïn, jieer ku cök, thiäŋ yic në yom läk aya.

Kuɛ̈n 18:18

Ku rïïŋden ee këdun cït man ye aguöt nɔm këdun kekë ɣäm cuëc.

1 Tham 9:23

Go Thamwɛl raan ee thät yöök an, “Bɛ̈ɛ̈iyë thïm de rïïŋ wën gäm yïn, kë wën lɛ̈k yïn an tɔ̈u pei.”