1 Tham 9:22 - JAM DE NHIALIC 2011

²² Na wën ke Thamwɛl ë bïï Thaulo kekë lïmde ɣöt, ku nyuuc ke në kɔc kathiërdiäk cï keek cɔɔl nïïm.

1 Tham 9:22 ပူးပေါင်းရင်းမြစ်များ

Cäk 43:32

Ago yiɛ̈n këcamde pei yetök, ku yïnë mïthëkɔcken këden pei. Ku yïnë kɔc ke Rip cäm në keek këcamden pei kapäc ayadäŋ. Në luɔi ë cïï kɔc ke Rip ee cam në kɔc ke Ɣeberuu. Aa ye kɔc ke Rip tïŋ ke ye aciɛɛn.

Luk 14:10

Ku na cɔl raan yïn, ke yï jɔ nyuc këc, na ëlë, lɔ raan wën ë cɔl yïn bɛ̈n, ke jɔ yï yɔ̈ɔ̈k an, ‘Mäth, bä tëpiɛth.’ Ke yïn bï lɛc yök ë kɔc nïïm kɔc rɛ̈ɛ̈r në yïn ëtök tëde cäm.

1 Tham 9:21

Ago Thaulo bɛ̈ɛ̈r an, “Yɛn ee raan de Benjamin, dhiën koor ë dhiëën ke Yithriɛl yiic, ku ɣönda yen ee ɣön koor aläl në dhiën ke Benjamin yiic, ka eeŋö duëër yïn ya lɛ̈k kë cït ee kënë?”

1 Tham 9:23

Go Thamwɛl raan ee thät yöök an, “Bɛ̈ɛ̈iyë thïm de rïïŋ wën gäm yïn, kë wën lɛ̈k yïn an tɔ̈u pei.”