1 Tham 9:16 - JAM DE NHIALIC 2011

¹⁶ lueel an, “Në kaam cït ee kaamë miäk. Yïn bä tuöc raan bɔ̈ dhiën de Benjamin, tɔc nɔm ke ye melik de kɔckiën ke Yithriɛl, abï kɔckï luök në kɔc ke Pilithiin cin, Yɛn cï nuan de kɔckï tïŋ, ku Yɛn cï dhiëndɛn kɔɔr kek kuɔɔny piŋ.”

1 Tham 9:16 ပူးပေါင်းရင်းမြစ်များ

2 Tham 3:18

Ënɔɔnë jakï looi! Takï kë cï ë Bɛ̈nydït lueel an, ‘Yɛn bï lïmdï Debid tɔ kony kɔckiën ke Yithriɛl në Pilithiin cin, ku tëde kɔc ke aterdɛn kɔ̈k kedhie.”’

2 Mel 20:5

an, “Pɔ̈kë yïnɔm Ɣedhekia melik de kɔc ke Bɛ̈nydït, ku lɛ̈kë yen an, ‘Yɛn Bɛ̈nydït Nhialic de kuaar Debid, Yɛn cï lɔ̈ŋdu piŋ, ku tiëŋ dhiënduön cïï yïn dhiau. Yïn bä tɔ waar guöp. Në kööl ë diäk yïn bï lɔ Luaŋdït ë Bɛ̈nydït.

Diɛt 102:1

Bɛ̈nydït, piŋ lɔ̈ŋdï, ku piŋ dhiëndiën kaar ɛn kuɔɔny tëde Yïn!

Diɛt 106:44

Ku Nhialic ee ŋoot ke piŋ dhiënden ago piɔ̈u kok kekë nuanden.

Diɛt 25:18

Tïŋ nuandï ku karɛc cï a yök, ku pälë ya awɛ̈ɛ̈ckï kedhie.

Kɛ̈ŋ 16:9

Kïït ee këde raan ku jɔ Bɛ̈nydït thöl thok.

Jeremia 32:8

Ku ëtɛ̈ɛ̈n cït man cï Bɛ̈nydït ye lueel, Ɣanamel ë bɛ̈n tëde yɛn ë kalic ëtɛ̈ɛ̈n ku thiëëc yɛn luöi bän dom ɣɔɔc. Ku aŋiɛc ë yic nɔn cï Bɛ̈nydït jam ke yɛn.

1 Tham 10:1

Go Thamwɛl gul ë miök de olip nööm ku wɛ̈l ë Thaulo nɔm, ku ciim thok lëk en an, “Yïn cïï Bɛ̈nydït lɔc bä ya melik de Yithriɛl kɔcke. Yïn bï kɔc tiit ku gël ke në kɔc de ater në keek. Ku kë bï yïn e ŋic kï nɔn cïï Bɛ̈nydït yï lɔc bä ya melik de kɔcke:

1 Tham 14:20

Ago Thaulo kekë remdɛn ë tɔŋ lɔ thɔ̈ɔ̈r ë Pilithiin, agokï Pilithiin yök ke ke cï nuɔɔn aläl, ka anɛ̈kkï röt kapäc.

1 Tham 14:23

agokï thɔ̈ɔ̈r në keek abïk ɣet ë Bethaben baŋtui. Go Bɛ̈nydït kɔc ke Yithriɛl bɛ̈n luök ee köölë.

1 Tham 15:1

Na wën ke lëk ë Thamwɛl Thaulo an, “Ee yɛn aye raan ë tooc ë Bɛ̈nydït bä yïn bɛ̈n tɔc ke yï ye melik de kɔcke Yithriɛl, ënɔɔnë piŋ kë lueelë Bɛ̈nydït.

1 Tham 16:1

Ago Bɛ̈nydït lɛ̈k Thamwɛl an, “Bä Thaulo dhiëëu aɣet cï nɛn? Acä rɛɛc acï bï bɛ aa meliŋ de Yithriɛl. Ka yïn nöm miök de olip, ku lɔ Bethleɣem tënu raan cɔl Jethe, në baŋ cän wëndɛn tök lɔc në wɛ̈ɛ̈tke yiic bï aa melik.”

1 Tham 16:3

Caalë Jethe në miaac yic, ku yïn bä lɔ lɛ̈k kë bä looi. Yïn bï raan lɔ tɔc nɔm ke ye melik, raan bä lɔ nyuöth yïn.”