1 Tham 7:10 - JAM DE NHIALIC 2011

¹⁰ Të wën ŋoot ë Thamwɛl ke gëm Bɛ̈nydït miɔ̈c ye nyop ëbɛ̈n, go Pilithiin guɔ bɛ̈n tëthiɔ̈k bïk Yithriɛl bɛ̈n mak, ago Bɛ̈nydït keek rël yiic paannhial. Agokï nïïm mum taitai ku riɔ̈ckï.

1 Tham 7:10 ပူးပေါင်းရင်းမြစ်များ

Diɛt 18:15

Ago lil de Abäpdit thar tïc, ku tiëc këërkëër de piny, të cï Bɛ̈nydït kɔc ke aterde rël yiic, ku të cï yen ke ŋɛ̈ny në agɔ̈th.

Diɛt 29:3

Röl de Bɛ̈nydït aye piŋ ë pïïu nïïm, Nhialic de dhuëëŋ ee rel, Bɛ̈nydït ee rel në abäpdit nɔm.

Diɛt 29:4

Röl de Bɛ̈nydït aye piŋ, në riɛlde ëbɛ̈n ku bääny.

Diɛt 78:66

Go kɔc ke aterde cuɔp ciëën, në cum dït ku tiëm de ayäär.

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Nyöŋ 28:7

“Bɛ̈nydït abï kɔc ke aterdun tiaam të le kek week mak. Abïk week aa mak në tuuŋ tök, ku abïk aa kat në week në tuŋ thook kedhie.

Jocua 10:10

Ago Bɛ̈nydït kɔc ke Amor tɔ mam në kɔc ke Yithriɛl nïïm. Ago kɔc ke Yithriɛl ke tiaam arëët në Gibiɔn, ku copkï ke në kueer lɔ Bethɣaron, ku näkkï keek alɔ guut Adheka ayï Makeda.

Bäny 4:15

Na wën aa lɔ Barak ke mak kekë remdɛn ë tɔŋ, go Bɛ̈nydït Thithera kekë abëëlkɛn ke tɔŋ ku remdɛn ë tɔŋ gäm anuɔɔn. Go Thithera kɛɛc piny në abëldɛn ë tɔŋ kɔ̈u ku kɛt në yecök.

Bäny 5:20

Ku thäär kuɛl nhial, të ciɛth kek ke ke ret tënhial yic, athɛ̈ɛ̈rkï në Thithera.

Bäny 5:8

Të wään cï kɔc ke Yithriɛl yiëth kɔ̈k lam, tɔŋ acï bɛ̈n thɔ̈ɔ̈r wutic. Cakaa nɔn ye rem de tɔŋ de Yithriɛl bot kathiërŋuan 40,000, aa cïn raan töŋ de köt kekë tɔŋ në keyiic.

1 Tham 12:17

Piny cie mɔ̈i ënɔɔnë të ye agamɔ tem, cie täu de ka? Ku yɛn bï lɔ̈ŋ, ke Bɛ̈nydït bï deŋ tɔ rel ku tueny deŋ, ku të cïï kënë tuöl, ka bäk ŋic nɔn yen awäny dït yen cäk luöi Bɛ̈nydït, në kë cä wek Yen thiëc ë melik.”

1 Tham 14:15

Na wën ke riɔ̈ɔ̈cdït ë dɔm rem de tɔŋ ë Pilithiin ëbɛ̈n, kɔc wën ee lɔ rum, ayï kɔc wën nu wutic, arëk abï piny rɔt nieeŋ, ku dɔm riɔ̈ɔ̈c dït keek.

1 Tham 2:10

Ku kɔc ke ater de Bɛ̈nydït abï keek riɔ̈ɔ̈k, abïï Bɛ̈nydït keek rɛ̈liic paannhial. Bɛ̈nydït abï kɔc ke piny thar luöi këtuc, abï riɛl gäm melikde, abï melikdɛn cï lɔc tɔ tiëm.”

1 Tham 7:11

Go Yithriɛl kenïïm kut ë Midhpa ku copkï Pilithiin abïk ɣet të lɔ Bethkar, ku thölkï keek ë näk ë kueer këc.