1 Tham 6:17 - JAM DE NHIALIC 2011

¹⁷ Yen luɔi ë gëmë kɔc ke Pilithiin miɔ̈c de awäc Bɛ̈nydït ka, aake ye ŋoiŋooi ka adhääp kadhïc ke ke thöŋ në pii, tök ke wun tök në wuötken yiic: Acedɔd ku Gadha, ku Acekelon, ku Gath, ku Ekeron.

1 Tham 6:17 ပူးပေါင်းရင်းမြစ်များ

2 Tham 1:20

Duökï cɛɛl ë Gath, ku du tɔ cɛɛlë në kuɛɛr ke Acekelon yiic. Duökï diäär ke Pilithiin tɔ mit piɔ̈ɔ̈th, ku duökï duet ke kɔc kuc Nhialic tɔ dɔl.

2 Tham 21:22

Keek kaŋuan aake ye kuat de Rapa wun ë Gath, ku acï Debid ke bɛ̈n nɔ̈k kekë kɔcke.

2 Mel 1:2

Ku Aɣadhia melik de Yithriɛl acï lööny piny ɣöndɛn nu nhial nɔm ë Thamaria, go tɔ̈c piny ke de guöp juäi, go tuuc tooc bïk Baaldhebub, yanh ë Pilithiin tɔ̈u wutic ë Ekeron lɔ luɔp na bïï guöp pial në ë jɔŋë, ku nɔn cïï guöp bï pial.

2 Lëk 26:6

Na wën ke Yudhia lɔ tɔŋ thɔ̈ɔ̈r ke Pilithiin. Go kɛ̈l ke pɛ̈ɛ̈nydït ke Gath, ku Jamina, ku Acedɔd jäp piny, ku yïk pɛ̈ɛ̈nydït cï gël tëthiääk kekë Acedɔd ku piiny kɔ̈k ke Pilithiin yiic.

Lebai 5:7

Ku na cïï raan nyɔɔŋ amääl ku nɔn ee bou bï lëu, ke yen abï guök kaarou, ku nɔn yen ajiël ke guuk kaarou yiɛ̈n Bɛ̈nydït ke ye miɔ̈c de awäc, në biäk de kërɛɛcdɛn cï looi, tök ee miɔ̈c de kërac, ku ye däŋë miɔ̈c ye nyop ëbɛ̈n.

Amoth 1:6

Aye Bɛ̈nydït lueel an, “Kɔc ke Gadha abä keek luöi këtuc, në biäk de karɛc juëc cïk looi. Arëk abïk kɔc ke paan tök peec kedhie, ku lek keek gäm kɔc ke Edom.

Amoth 6:2

Lak tiëŋkï pänydïït de Kalene, ku bɛkï Ɣamath lɔ tïŋ, ku tiëŋkï Gath, pänydïït de Pilithiin. Ŋuänkï në ciɛɛŋ de Juda, ku Yithriɛl? Ku akenden dïït në akendun?

Nyöŋ 28:27

Bɛ̈nydït abï jɔŋ ee kɔc tɔ toŋ gup tuöc week, cït man cï Yen ë luöi kɔc ke Rip. Abï tëtöök tɔ tuc ë wegup. We bï gup thiäŋ në piär, ku we bïï kuuk gup, ku abï ciën kë bï we tɔ waar.

Bäny 1:18

Go Juda Gadha nööm, ku Acekelon ku Ekeron kekë wuöt thiääk në keek.

Bäny 14:19

Na wën ke Wëi ke Bɛ̈nydït ë ke bɔ̈ ë yeguöp, ku jɔ lɔ Acekelon, le ku nɛ̈k kɔc kathiërdiäk, ku yɔɔt lupɔɔ piɛth ë kekɔ̈ɔ̈th, ku gëm lupɔɔken kɔc ë meek këdäŋ. Ku jɔ lɔ dhiënden ke cï gɔ̈th arëët,

Bäny 16:1

Na ɣɔn ë kööl tök, ke Thamthon ë lɔ wun ë Pilithiin cɔl Gadha, të le yen yök ke tiiŋ akɔɔrröör, ago lɔ ɣöt ke yen.

Bäny 16:21

Go kɔc ke Pilithiin dɔm, ku tukkï nyin bei. Ku leerkï Gadha, ke rɛk në kuɛɛt ke maläŋ, ku yek tɔ guär ɣön ye kɔc mac thïn.

1 Tham 5:1

Na ɣɔn cï kɔc ke Pilithiin Athänduŋ de Män ë Nhialic peec, gokï jɔt në Ebenedher leerkï Acedɔd.

1 Tham 5:10

Agokï Athänduŋ de Män ë Nhialic tuɔɔc Ekeron. Na wën aa lɔ Athänduŋ de Män ë Bɛ̈nydït ɣet Ekeron, go kɔc ke Ekeron kiɛɛu puɔ̈l arëët an, “Acïk Athänduŋ de Män ë Nhialic de Yithriɛl bɛ̈ɛ̈i ee tënë, ke bï wook bɛ̈n nɔ̈k ku nɛ̈k kɔckuɔ kedhie!”

1 Tham 5:8

Agokï röördït ke wuöt ke Pilithiin cɔɔl, ku thiëckï keek an, “Eeŋö buk looi në Athänduŋ de Män ë Nhialic de Yithriɛl?” Gokï puɔ̈k nɔm keek an, “Takï Athänduŋ de Män ë Nhialic de Yithriɛl leerë Gath.”

1 Tham 6:4

Go kɔc ke Pilithiin ke luɔp an, “Ku ee miɔ̈c de awäc cït ŋö buk jɔ gäm en?” Agokï puk nɔm an, “Luɔikï ŋoiŋooi ka adhääp kadhïc ke ke kït gup, ku cuɛ̈ckï cuɔl kadhïc në adhääp thöŋkï ke kuën ke bäny ke Pilithiin kedhie, në luɔi ë cïï jɔk we dɔm wedhie ayï bänykun kedhie kadhïc.