1 Tham 6:14 - JAM DE NHIALIC 2011

¹⁴ Na wën ke abël ëbɔ̈ ku kɛ̈ɛ̈c ë kuur dït lɔ̈ɔ̈m kueer ë dom ë raan cɔl Jocua, raan wun ë Beth Cemec. Ago kɔc guëër ku ɣɛ̈ɛ̈rkï tiim ke abëlic ku näkkï ɣɔ̈k ku gëmkï ke Bɛ̈nydït ke ye miɔ̈c ye nyop ëbɛ̈n.

1 Tham 6:14 ပူးပေါင်းရင်းမြစ်များ

2 Tham 24:18

Na ee kööl manë go Gad lɔ tëde Debid ku lëk en an, “Lɔ nhial të ye Arauna käm thïn, ku yiëkë yïk Bɛ̈nydït.”

2 Tham 24:22

Go Arauna lɛ̈k Debid an, “Bɛ̈nydï, nöm këduön kɔɔr bïï yïn miɔ̈c de Bɛ̈nydït looi. Nöm miöör bïk aa miɔ̈c ye nyop ëbɛ̈n ë yïk nɔm, ku tiimken ku wai ke käm abïï ë mac dɛ̈ɛ̈p.”

2 Tham 24:25

Go yïk yiëk Bɛ̈nydït ëtɛ̈ɛ̈n, ku gɛm miɔ̈c ye nyop ëbɛ̈n, ku miɔ̈c de mät. Ago Bɛ̈nydït lɔ̈ŋde piŋ, ku jɔ jɔk kɔ̈ɔ̈c ë Yithriɛl.

1 Mel 19:21

Go rɔt puk, ku nööm miöör cï mac yiëth ë tiim tëtök, ku nɛ̈k keek, ku thɛɛl rïŋken në tiim ee miöör mac yiëth, ku gëm ke kɔc, ago kɔc ke cuet. Ku jɔ rɔt jɔt, biɔɔth Elija, ku ye luööi.

Bɛ̈n 20:24

Yiëkkï ya yïïŋ ë tiɔp. Ku yak thökkun gam në yenɔm, ayï ɣɔ̈k ke ke ye miɔ̈c ye nyop ëbɛ̈n, miɔ̈c de mät. We cä gäm ɣään juëc bä wek Ɛn aa lam thïn. Ku Yɛn bï ya bɛ̈n ëtɛ̈ɛ̈n bä we bɛ̈n thieei.

Bäny 21:4

Na ɣɔn amiäk ruu ë piny, go kɔc yïk yïk ëtɛ̈ɛ̈n, gokï miɔ̈c ye nyop ëbɛ̈n ku miɔ̈c de mät gam ë yenɔm.

Bäny 6:26

Ku jɔ yïïŋ piɛth yiëk Bɛ̈nydït Nhialinydu në ye të cï thuöör pinyë nɔm nhial, ku jɔ miɔɔr ë rou lɔ nyop ëbɛ̈n ke ye miɔ̈c, ku tiim ke nyup abïk aa tiim yaath ke Acera cïï yïn kïn de Acera yɛp piny.

1 Tham 11:5

Ku Thaulo aa jɔ piac bɛ̈n domic kekë miɔɔrde, ago lop an, “Eeŋö yï dï? Eeŋö dhiëëuwë raan ëbɛ̈n?” Agokï tɛ̈t kë cïï tuuc ë bɔ̈ ë Jabec lueel.

1 Tham 20:29

Lueel an, ‘Yɛn cïï wäänmääth tuöc thok an la Bethleɣem, në luɔi de baaida nɔm dhuëëŋ de miaac ee köölë wut. Ka na ye mäth ë yic, ke yï tɔ ya lɔ tënu baaida.’ Yen ke liiu en ka tëduön ë cäm.”

1 Tham 6:13

Ku ëtɛ̈ɛ̈n, kɔc ke Beth Cemec aake tem agamɔken në wakic. Na wën aa jiɛtkï kenyïïn nhial ke ke tïŋ Athänduŋ de Män ë Bɛ̈nydït, agokï piɔ̈ɔ̈th miɛt në tïŋde.

1 Tham 6:18

Ku toockï cuɔl ka adhääp kadhïc ayadäŋ, në pɛ̈ɛ̈nydït ke meliik ke Pilithiin kedhie, pänydït aaye col gam ke ye awëc, pɛ̈ɛ̈nydït cï gël ayï bɛ̈i kënë gël. Ku kuurdïït ɣɔn nu dom de Jocua në Beth Cemec, kuur ɣɔn tɛ̈ɛ̈u kek Athänduŋ de Män ë Bɛ̈nydït ë yenɔm aŋoot ke nu ëtɛ̈ɛ̈n, ku aŋoot ke ye kɔc täk nïïm në kë ɣɔn cï rɔt looi.